Ikaw ang destiny ko. ♥ [KathNiel]

Chapter 39

 Chapter 39

Kath's POV

Papunta ako ngayon sa bahay nila DJ. Nagyaya kasi akong mangaroling.

Oo, mangangaroling kami! Hahaha! Wala lang, naisipan ko lang tapos magsisimbang gabi kami pagkatapos.

Nagpahatid na lang ako sa driver namin. Nagpresenta si DJ na sunduin ako, pero nahiya naman ako. Ako na nga yung nagyaya eh.

Pumasok ako sa bahay nila. Nakita ko si DJ na nakaupo sa sofa at may kausap siya.

 Si Zharm?

Nakakunot yung noo ni DJ. Hindi ko alam kung ano yung sinasabi sa kanya. Pero maya maya rin ay tumango siya. Ano kaya pinag-uusapan nila?

Lumapit ako sa kanila. Pagkakita sa akin ni DJ ay naglight-up yung mukha at mata niya.

Napangiti ako. At least napasaya ko siya.

"Hi Kit-kath! Halika na?" pagyayaya niya.

Tumango ako. "Sama ka, Zharm?"

Niyaya ko na rin si Zharm. Ayos lang yun, kesa naman kaming dalawa lang.

Hindi sumagot si Zharm. Napansin kong tumingin siya kay DJ.

"Ayos lang ba?" pagtatanong niya sa amin.

"Okay lang yun! Sama ka na!" pagpupumilit ko. "Diba DJ?"

"Ikaw bahala." tipid na sagot niya.

"Tandaan mo yung usapan natin. Promise yun." tinaas ni Zharm yung kanang kamay niya at pumayag na rin si DJ.

Mangangaroling kaming tatlo. Hahahaha.

Daniel's POV

Kasama namin si Zharm ngayon sa pangangaroling. Unexpected nga eh. Niyaya kasi ni Kath.

Ayos lang naman sa akin yun. Nag-sorry naman siya kanina.

Sabi niya sa akin, kalimutan ko na daw yung sinabi niya sa akin nung isang araw. Irerespeto niya daw ako at kung sino man yung nililigawan ko. Hindi na daw niya ipagpipilitan yung sarili niya sa akin at gusto niya raw maging friends ulit kami. Panghuli, hindi daw siya magiging sagabal.

Siyempre natuwa naman ako sa sinabi niya. Kaya ngayon, kasama namin siya at nag-eenjoy ng sobra.

Masaya siyang kasama at mukhang nagkakasundo naman sila ni Kath.

"May dala ba kayong mga payong? Uulan mamaya. Pasensya naman, pangit boses ko. Hahahaha!" sabi ni Zharm tapos nagtawanan kami.

Kanina pa kami ganito. Tawanan ng tawanan. Ako yung nag-gigitara tapos sila yung nakanta. Nasabay rin naman ako sa pagkanta nila.

Di ba madalas puro bata ang nangangaroling? Pero sa subdivision namin, ayos lang kahit ilang taon ka na. Matutuwa pa sila.