Unpredictable Me: The Empress

Chapter 20

Chapter 20: Your Lips

______________

Nakaupo ako sa gilid ng pool habang kumakain ng lollipop. Tanaw ko mula sa kinauupuan ko ang mga kapwa ko bata na naglalaro sa 4 ft. na pool. Marami sa kanila naglalaro at marunong lumangoy, iilan lang ang nakasalbabida. Habang lumalantak ako ng lollipop ay may batang lalaki na dumanggil sa braso ko kaya kamuntikan na ako mahulog sa pool.

Mabuti na lang ay nakakapit ako. Marunong naman ako lumangoy, pero mas gusto ko'ng manood muna sa mga kapwa ko bata. Umayos ako ng upo at pinanlisikan ang batang lalaki na padabog na lumusong sa pool. Ano ba'ng problema nya? Tsk

Napansin ko na tingin sya ng tingin sa bandang kaliwa ko, kung saan may babae at lalaki'ng nagtatalo sa cottage. I'm guessing, they are his parents, and I think they're fighting over something. Binalik ko ulit ang tingin ko sa bata'ng lalaki, nakatayo lang sya habang tinitingnan ang mga magulang nya.

Matangkad sya kumpara sa ibang bata, kaya ang tubig ay hanggang bibig nya lang. Nakita ko'ng may namumuong luha sa mga mata nya habang tinitingnan ang mga magulang nya'ng nag-aaway. Bumagsak ang balikat ko, kahit sino namang bata na makita ang mga magulang na nag-aaway ay masasaktan.

"Lara baby, let's eat na" napalingon ako nang tawagin ako ni mom. I smiled at her and nod my head. Kinuha ko ang stick ng lollipop sa bibig ko at itinapon ito sa gilid.

Saglit ako'ng napasulyap sa pool, at nangunot ang noo ko nang mawala sa paningin ko yung batang lalaki. Nasaan na yun napunta? Niyuko ko ang katawan ko para hanapin sya, ganun na lang ang pagkagulat ko nang maaninag ko ang katawan nya na nakalubog sa pool.