Unpredictable Me: The Empress

Chapter 48

Chapter 48. Bloody Date

___________

LARA'S POV

"Lara, kahapon ka pa namin tinatanong tungkol sa sinabi ng Gangster Emperor. Sagutin mo naman kami ng maayos!" I rolled my eyes. Tinakpan ko ng unan ang mukha ko, ang aga-aga nambubulabog ng tulog.

"Sinasagot ko kayo ng maayos okay? Labas!" Imbis na lumabas ang mga ito, nanatili lang silang nakaupo sa kama ko.

Isang araw na ang nakalipas simula nung gangfight. Tanong sila ng tanong saakin kung anong meron sa sinabi ng Gangster Emperor, kung paano nangyaring sinabi n'ya na isa saamin ang susunod na Gangster Empress. Nakakatawa rin na pagkatapos ng gabing 'yon close na kami ng tatlong bruhang 'to.

Ang kakapal nga ng mukha nila para bulabugin ako sa mahimbing kong tulog. Kung di ko lang sila kilala, baka matagal ko na silang hawak sa leeg habang sinasakal. Bakit ko pa kasi naisipang dito sila patulugin sa pamamahay ko?

Inis kong tinapon ang unan ko. Nakabusangot akong bumangon. Tiningnan ko silang tatlo na nakatingin din saakin.

"May muta ba ako?" Biglang tanong ni Jessi. Nangunot naman ang noo ko sa sinabi n'ya.

"Wala," sagot ko.

"Yay! Buti ka pa meron!" Nangunot ang noo ko. Kinusot ko kaagad ang mata ko upang tingnan kung may muta nga ba ako o wala.

"Nakahithit ka na naman ba?" Busangot kong tanong dito. Wala naman kasi akong muta. Tangina ng babaeng to, ang lakas na naman ng tama.

"Oo," nakangisi n'yang sabi.

"Anong nahithit mo?" Takang tanong ni Rose.

"Baygon kidlat katol!" Pokerface akong tumayo sa kama at pumasok ng banyo. Naiwan silang tatlo na nagtatawan sa kama ko. Pare-pareho silang nakahithit.

Naghilamos ako ng mukha at nagtoothbrush na rin pagkatapos. Paglabas ko, nandoon pa rin silang tatlo sa kama ko. Gusot-gusot na ang bedsheet at kung saan-saan na nagsitalsikan ang pillows at comforter ko. Kingina, ang kakalat nilang tatlo!

"Hoy! Umalis nga kayo! Ang kalat na!" Asar kong sabi. Kaming dalawa lang ni Jennie ang magkasama sa kwartong 'to, pero heto't nagkakalat na naman ng lagim ang dalawa pa n'yang kasama.

Kalbaryo na nga ang dinanas ko kay Jennie, dumagdag pa silang dalawa. Paano ba naman, mahilig mag sleep talk si Jen. Naririnig ko pang minumura n'ya si Jessi dahil daw sa bra at panty na ninakaw nito. Seriously? Si Jessi naman di ko masabayan ang kaabnormalan n'ya, parang si V. Normal naman si Rose, pero may pagkahunghang din. Ewan ko ba sa kanila.

"Nagluto na ako ng pagkain. Tara baba na tayo." Tumango na lang kami sa sinabi ni Jen. At least may isa pa rin na may kilos loob diba.

Kamot-kamot ko ang leeg ko habang bumababa ako ng hagdanan. Napahawak ako sa handle ng hagdan nang makakakita ako ng mga imahe. Nang mapatingin ako sa baba, puro mga bangkay ang nakikita ko. Kinurap ko ang mga mata ko, pag mulat ko ay ganun pa rin ang nakikita ko. Kahit ang hagdan puno ng dugo.

"Okay ka lang ba Lara?" Nag-aalalang tanong ni Rose.

Napahawak ako sa noo ko. I shook my head, why am I seeing things whenever I'm inside this house? Nung una di ko lang pinapansin, pero mas napapadalas na ata ito simula nung mamalagi na ako rito. Naramdaman ko rin ang pag-iinit ng mga mata ko.