Unpredictable Me: The Empress

Chapter 40

Chapter 40. Trespassing

________

Nabulabog ako sa pagkakape nang makarinig ako ng katok mula sa main door ng dorm namin. Napatingin ako sa relo ko, 4:25 pa lang ng umaga. Hindi ko na lang muna ito pinansin sa pag-aakalang titigil din ito mamaya-maya. Nagkamali pala ako, imbis na tumigil ito ay walang sawa pa itong kumatok ng paulit-ulit. Inis kong nilapag ang mug na hawak ko. Sino ba to!? Umagang-umaga ah!

Pagbukas ko ng pinto ay kaagad sumalubong saakin ang isang matulis na dulo ng kutsilyo. Kaagad akong napaatras para maiwasan ito. Naaninag ko ang isang bulto ng lalaki na naka-itim, may mask sa bibig at may suot itong itim na jacket.Alas kwatro pa lang ng madaling araw kaya madalim pa. Hindi na rin ako nag-abala pang i-on ang ilaw kanina.

"Sino ka?" Imbis na sumagot ito, hinagis n'ya saakin ang hawak n'yang kutsilyo. Naiwasan ko ito kaya tumama ang kutsilyo sa pader. Marahas ko s'yang nilingon, tinatanong ko s'ya ng maayos pero di s'ya sumasagot.

Dumukot ulit s'ya ng kutsilyo mula sa belt n'ya at tinutok ito saakin. Tinanggal ko ang jacket na nakatali sa bewang ko at mahigpit itong hinawakan. I extend both of my arms while holding my jacket. Bato laban sa bulak, how ironic. Tumakbo ako papalapit sa kan'ya, at hinampas ko sa mukha n'ya ang jacket ko. Umatras ito panandalian, pero sumugod pa rin ito saakin gamit ang kutsilyo na hawak n'ya.

Umiwas ako kaagad. Kitang-kita ko pa kung paano ito kamuntik-muntikan ng tumama sa gilid ng pisngi ko. Yumuko ako at sinipa s'ya sa paa kaya nabitawan n'ya ang hawak n'yang kutsilyo. Bumagsak s'ya sa sahig. Agad kong sinalo ang kutsilyo na nabitawan n'ya. Walang oras akong sinayang, binagsak ko ang tuhod ko at tinutok ito sa leeg n'ya.

"Ngayon, sumagot ka ng maayos. Sino ka at anong kailangan mo saa--" napatigil ako sa pagsasalita nang makita ko ang mga mata n'ya. Teka, bakit parang---

Nawala lang ako sa focus saglit, tinake advantage na n'ya. Hinawakan n'ya ang pulsuhan ko at pabagsak akong inihiga sa sahig. Ngayon ako naman ang tinututukan n'ya ng kutsilyo sa leeg. Huminga ako ng malalim, sigurado akong nakita ko na ang mga matang iyon. Napangisi ako, hinablot ko ang kamay n'yang may hawak na kutsilyo at inilapit ito lalo sa leeg ko.

Nakita ko ang panlalaki ng mata n'ya kaya mas lalong lumawak ang ngisi ko. Pilit ko itong idinidiin sa leeg ko, samantalang s'ya ay pilit n'ya itong inilalayo. Buong lakas n'yang hinila ang kamay n'ya kaya nabitawan ko ito. Tumawa ako ng malakas habang nakatingala sa kisame.

Gago, akala n'ya ba talaga di ko s'ya makikilala? Nilinga ko s'ya na nakaupo sa couch habang hingal na hingal na napatingin saakin. Tila ba nakipaghabulan ito ng ilang kilometro sa pawis na namumuo sa noo n'ya.

"Are you crazy!? Are you planning to kill yourself!?" Singhal n'ya. Napaupo ako, I glared at him. Ako pa talaga ang tinatanong n'ya ng ganyan?

"Ikaw 'tong susugod-sugod dito na may dalang kutsilyo, tapos ako pa talaga ang may planong patayin ang sarili ko? Gago ka ba ha?" Natahimik naman s'ya sa sinabi ko. Tinanggal n'ya ang mask sa bibig n'ya at seryosong tumingin saakin. I know he was just trying me, nagpapatay malisya lang ako.

"Hindi ko naman alam na makikilala mo kaagad ako." I rolled my eyes.

"Sino ba naman ang di makakakilala sa pagmumukha mong 'yan? Kahit mata mo lang ang makita ko, makikilala na kita." I brushed my bangs and shook my head. Mukhang alam ko na kung ano ang kailangan n'ya at bakit n'ya yun ginawa kanina.