အချစ်သည် မည်သို့နည်း???

အခန်း(၃၂)

အခန်း(၃၂)

ကျွန်မ မောင်နဲ့အဆက် အသွယ်ရခဲ့တယ်ဆိုပေမယ့် တကယ်တမ်း မောင်နဲ့စကားပြောဖို့ကျတော့ ကျွန်မကိုယ်တိုင်လည်း အနည်းငယ်တွန့်ဆုတ်တွေဝေနေခဲ့မိတယ်။ တကယ်တမ်း နောက်ဆုံးမှာ ကျွန်မစကားပြောနေမိတဲ့သူက မောင်မဟုတ်ဘဲ ကဗျာဆရာလေး ဖြစ်နေခဲ့တယ်။ ကျွန်မ မောင်ကို ရင်မဖွင့်နိူင်တဲ့စကားတွေ ကဗျာဆရာလေးပေါ်မှာ ရင်ဖွင့်နေမိသလားဆိုတာ ကျွန်မတော့ မသိတော့ပါဘူး။

တစ်ညမှာပေါ့ KTVခန်းထဲမှာ ဘီယာသောက်တာများပြီး ကျွန်မအတော်ကလေးကို မူးနေခဲ့တယ်။ အဆောင်က အခန်းထဲမှာလည်း အကုန်လုံး အလုပ်ဝင်နေကြရတာမို့ ဘယ်သူမှ မရှိဘူးရယ်။ ဒီတော့ ကျွန်မပျင်း လာတယ်။ ကဗျာဆရာလေးဆီ ဖုန်းခေါ်လိုက်မိတယ်။

"ဟယ်လို အကို အိပ်နေပြီလား။"
"ဟင့်အင်း၊ မအိပ်သေးပါဘူး။"

ကျွန်မရဲ့ အကြောင်းတွေ သူ့ကိုပြောပြနေခဲ့မိတယ်။ အရင်က ကျွန်မNGOအဖွဲ့ဝင်တစ်ယောက်အနေနဲ့ မူဆယ်ဘက်ထိ သွားရောက်အလုပ်လုပ်ခဲ့တဲ့ အဖြစ်အပျက်တွေ၊ တရုတ်ဘက်ကိုလည်း တစ်ခါတစ်လေ သွားလည်ဖြစ်ခဲ့တဲ့အကြောင်းတွေလည်း ပါတယ်။ ပြီးတော့ တရုတ်နယ်စပ်ဘက်မှာ ခွေးကို အကောင်လိုက် ထပ်ရောင်းကြတဲ့ အကြောင်းတွေရောပေါ့...။

"သူတို့ အစားအသောက် အတော်သောင်းကျန်းကြတာပဲနော်..။"
"ဟုတ်ပ့အကိုရယ်။ သူတို့ဆီမှာက အသားကဈေးပေါတယ်။ ဟင်းသီးဟင်းရွက်ကျတော့ အရမ်းဈေးကြီးတာပဲ သိလား။"
"အင်း။"

ပြီးတော့.... ဆုံးသွားတဲ့ ကျွန်မအဖေအကြောင်း...

"အဖေက ညီမကို အဲဒီအလုပ်ကို မလုပ်စေချင်ဘူးလို့၊ ဟိုမှာ..ပစ်ကြ၊ခတ်ကြသတင်းတွေ ကြားတော့ ချက်ချင်းပြန်လာဖို့ ပြောတော့တာ...။"
"အင်းပေါ့...သမီးမိန်းကလေးဆိုတော့လည်း စိုးရိမ်ရှာမှာပေါ့။"

ပြီးတော့ ကျွန်မကို တစ်ဘက်သတ်ကြိုက်နေတဲ့ ရှေ့နေ့၊

"အစကတော့ အလုပ်အတူတွဲလုပ်တော့ ညီမက ကိုယ့်ဆရာတစ်ယောက်အနေနဲ့.. သူ့ကို လေးစားပါတယ်။ ဒါပေမယ့် နောက်ပိုင်း သူ့လုပ်ရပ်တွေက မူမမှန်လာတဲ့အခါကြတော့ လူတွေအမြင်မှာ စိတ်ညစ်စရာကောင်းလာတော့တယ်။"
"အင်းပေါ့.."

နောက်တော့ ကျွန်မကိုထားရစ်ခဲ့တဲ့ မောင့် အကြောင်း

"သူ့မိဘက ညီမ သူ့တို့သားကို ဆွဲခေါ်ထုတ်သွားမှာ သေအောင်ကြောက်နေကြတာလေ။"
"အင်း.."

နောက်ကျွန်မကြိုက်တဲ့ ဆရာသိန်းဖေမြင့်ရဲ့ စာအုပ်တွေအကြောင်း၊ ကျွန်မမှာ သူ့ကို ပြောပြလို့ မဆုံးနိူင်အောင်ကို ရှိနေခဲ့တယ်။ သူ အလုပ်ပင်ပန်းလို့ အိပ်ချင်နေမယ်ဆိုတာ ကျွန်မသိပါတယ်။ ဒါပေမယ့် ဘာကြောင့်ရယ်မသိ၊ ကျွန်မ သူ့ကို ရစ်နေမိတယ်။

"အကို၊ အိပ်ချင်နေပြီလား။"
"အင်း"

ကျွန်မမေးတော့ သူ့မှာ ဟန်ဆောင်ပြီးတောင် မငြင်းနိူင်ရှာတော့ဘူး။ တော်တော်အသဲယားဖို့ကောင်း တဲ့ လူပါပဲ။

"ရွှေရည်လေ၊ အကို့ကို အရမ်းခင်တယ် သိလား။"
"အင်း"

ဟုတ်တယ်။ ဓာတ်ပုံထဲမှာ ဆံပင်အရှည်ကြီးနဲ့ အကြောတင်းတဲ့ပုံစံပေါ်က်ပေမယ့် တကယ်တမ်း စကားပြောကြည့်တော့ အကိုဟာ လူတစ်ဘက်သားပေါ်မှာ အနစ်နာခံတတ်တဲ့ စိတ်မျိုးရှိတဲ့လူဆိုတာကို သိလိုက်ရတယ်။

"ရွှေရည်ကို စကားများတယ်လို့ မထင်ဘူးလား။"
"အင်း"

ဟိုက်..ဒီလူတော့ အိပ်ချင်မူးတူးနဲ့.. ကျွန်မပြောသမျှ အကုန် အင်း လိုက်လုပ်နေတော့တာပဲလား။ အင်းလေ..အတော်အိပ်ချင်နေရှာမှာပေါ့။ သူ့ခမျ အလုပ် ပင်ပင်ပန်းပန်း လုပ်ထားရတာမှတ်လား။ ကျွန်မတို့ကတော့ အိပ်မရပါဘူး။ မိုးမလင်းမချင်း အလုပ်လုပ်နေရဦးမှာ။

"အင်း၊ အဲဒါဆိုလည်း အကို အိပ်ချင်အိပ်တော့နော်။"
"အင်း"
"ရွှေရည် ဖုန်းချလိုက်တော့မယ်။"
"အင်း"

ကျွန်မဖုန်းချလိုက်တော့တယ်။ ပြီးတော့ အကိုအကြောင်းတွေးမိတယ်။ အခုအချိန် အကိုနဲ့ကျွန်မ တွေ့ခွင့်ရနိုင်မယ်ဆို တွေ့ချင်ပါရဲ့လေ။ ကျွန်မနားမှာ အပျော်အပါးတစ်ခုအတွက် အယောင်ဆောင်ရောက်နေတဲ့ ယောကျာ်းတွေကို ကျွန်မ သိပ်မုန်းပါတယ်အကိုရေ...။
ဒီလိုနဲ့...သိပ်မကြာခင်မှာပေါ့ ကျွန်မနဲ့အကိုဟာ facebookပေါ်မှာပါ သူငယ်ချင်း တွေ ဖြစ်လာကြပါတော့တယ်။ ဒါပေမယ့် အကို့ရဲ့အကောင့်က အသစ်ကြီး ဖြစ်နေတယ်။ အကိုအရင်က ဘာလုပ်ခဲ့လဲ ဆိုတာတွေကို ကျွန်မကြည့်မရဘူး။ ထားပါတော့လေ။ ကျွန်မကိုယ်တိုင်လည်း အကိုရဲ့အတိတ်တွေကို သိပ်မသိချင်ခဲ့ပါဘူး။ လတ်တလော ကျွန်မတို့နှစ်ယောက် အဆင်ပြေပြေ စကားပြောဖြစ်တယ်ဆိုရင်ပဲ ကျွန်မအတွက် လုံလောက်ပါတယ်လေ။
---------------------------------