BABBAN GORO

BABI NA TALATIN DA HUƊU

BABBAN GORO

         NA

KHADEEJA CANDY

®
NAGARTA WRITERS ASSOCIATION (NWA)

_Ina son nayi anfani da wannan damar wajen yin godiya ga yan'uwa abokai da kuma marubuta da makaranta da masoya waɗanda suka taya ni murnar cin wannan gasan da nayi i really appreciate it Allah bar zumunci_

*34*

Lubna na zaune falo taji kukan wayar Momi, sanin kanta ne Momi bata son ana ɗaukar mata waya idan ba wani uzurin ba, hakan yasa tayi kamar bata ji kiran ba tun da mai wayar bata nan, sai da taji an matsa da kiran sannan ta nufi mazaunin wayar ta ɗauka tana duba mai kiran, Number Safiyyah ta gani hakan yasa ta saurin ɗaukar wayar dan tasan ba lafiya ba ganin Miss calls Goma sha ɗaya,

“Hello Ant...-”

“Ba ita bace security ne ke magana mai wannan wayar tana kwance asibiti a yanzu haka”

“Wace Asibitin me ya same ta?”

Cike da tashin hankali take masa tambayar,

“Rahama hospital ta faɗo ne daga upstairs”

Da gudu ta nufi parlour baki gurin da Momi take ganawa ta yan shan miya,

“Momi Momi”

Yadda take mata kiran sai da gabanta ya faɗi,

“Lafiya Lubna wannan kira haka?”

“Momi ba lafiya ba Safiyyah na asibiti ta faɗo daga upstairs”

Ta faɗa tana kuka,

“Wane Upstairs kuma?”

“Ban sani ba Momi ni dai yanzu aka kira wayarki da nurmber ta ina ɗauka wani ya faɗa min haka”

“Subhanallahi wace asibitin ce?”

“Rahama”

Da sauri ta bar parlour ita da lubna ta nufi ɗakinta, gyale kawai ta ɗauka da jaka ta fito suka nufi parking space,

Koda suka isa asibitin likitoci na kanta suna yi mata aiki, guri Momi ta samu ta zauna tana kiran wayar Saif ta shaida masa abunda ya faru
    Cikin kankanen lokaci shima ya iso gurin hankalinshi a tashi taya tambayar yadda akayi ta faɗon, ɗaya ɗaga cikin securities ɗin da suka kawo ta gurin ne ya shiga musu bayani jiki na rawa,

“Muna dai ba zamu ce ga taka maimain abunda ya faru ba mun dai hi kuwar ta koda muka karasa sai muka ganta kasa a sume, sai dai mutanen gurin sunce faɗowa tayi wasu kuma suka ce turo ta akayi”

Kamin Saif ya kara musu wata tambayar likitoci suka fito daga ɗakin kowannane sanye da safa a hannu.

“Yauwa Doctors ya ake ciki?”

Daya daga cikin su ne ya amsa mata,

“Tana da rai sai dai ta samu karaya a hannu da kafa kuma fuskarta ma ta gogwalje (ta jijjimu) yanzu dai munƴyi mata alurar bachi”

“Innnalillahi wa'inna ilaihi raji'un”

Momi ta fashe da kuka ita da Lubna, Saif ya gyara tsayuwarsa yana faɗin,

“Toh yanzu Doctor miye abun yi?”

“Yanzu dai sai idan ta farka zamu karasa duba ta muga ko da wata matsalar, sannan kuma sai a shirya yi mata aiki”

Ya shafa kansa,

“Shike nan Doctor Mun gode”

“Your welcome”