BABBAN GORO

BABI NA HANSI DA D'AYA

Can karshen gefen gado ya hango ta, ta wani kwalo ido jikinta sai rawa yake idon nata yayi wani zurfi kamar wanda ta shekara bata ci abinci ba. Karasawa yayi kusa da ita ya risina, suna haɗa ido ta fashe da kuka

“Safiyyah”

Bata amsa kiran da yayi mata ba babu ma alamun zata iya magana, dan ko kukan da take idon ne kawai yake hawaye, nan take tausayinta ya rufe sh, ajiyar zuciya ya sauke ya kalli Momy

“Yanzu miye abun yi?”

Cike da damuwa Momy tace

“Ina ganin asibiti zamu kai ta muji ko minene”

Kallonta ya sake yi kamin ya taso shi da Momy, A parlour suka dawo ko wannne fuskarsa ɗauke da damuwa, Saif ya ciro wayarsa dake cikin aljihu ya kara a kunne,

“Ya a'akayi?”

“Kana ina?”

“Ina waje”

“Waje?”

“Eh tare da Lubna ba”

Katse wayar yayi, ba ayi minti biyu ba Nasir ya shigo falon tare da Lubna kusa da Saif ya zauna yana gaisawa da Momy, sannan ya tashi ya leka ɗakin Safiyyah,Bai daɗe ba ya fito ya sake zaunawa a inda ya zauna ɗazun yana faɗin

“Anya ba shaye shaye take ba?”

Momy tace

“Nasir Safiyyah bata shaye shaye ban taɓa gani ba.Kin kira Gwaggon taku?”

Ta karasa tana kallon Lubna

“Eh na kira ta tace ga tana nan zuwa”

Nasir ya girgiza Kai

“Idan aka je asibiti ai maji amman ni nasan babu yadda za ayi haka ya kamata ba tare da dalili ba”

“Bance maka babu dalili ba amman ni nasan Safiyyah bata shaye2”

Cewar Momy. Sako naji alamun ya shigo a wayar Saif yana duba ba ya tashi

“Momy bari naje naga wani, idan kunje asibitin duk yadda akayi sai ki kirani a waya”

Kai kawai ta ɗaga masa ya taso shi da nasir suna tattauna maganar.

     Two Hours Later
Ya nufo gida bayan yayi fakin ya nufi kofar falon, tsayawa yayi yana dannan bell ɗin gidan kamar wani bako, buɗe kofar da tayi yasa ya ɗago kai daga duniyar tunanin da yake ya kalleta. sanye take da katon hijab idonta ya ɗanyi jan, fuskarta kuma ta kumburo alamar tayi kuka. ido ya sakar mata kamun ya kai hannu ta rika fuskarta

“Me kuma ya same ki na kuka? mi ya faru?”

Janye fuskarta tayi ta juyo ya shigo cikin falon,

“Ba komai”

Ta faɗa tana kokarin zama,

“Kinyi breakfast?”

Ya tambaya yayi da ya zauna kuaa da ita shiru tayi ba amsa hakan tasa ya kai hannu ya rika hannunta ya shiga murza yatsun ta

“Na ɗauka ba a baki tsoro sai cikin dare?”

Dayan hannunta tasa ta share hawayenta

“Ba ita na gani ba, wani mafarki nayi marar kyau kuma da na tashi kai na gani tsaye gefen gado kana min murmushi ina unkurin tashi.sai naga kafafunka ba na mutane ba”

Wani dogon numfashi ya sauke ya busar da iskar bakinsa sannan ya soma magana alhankali kamar mai magana da yarinya,

“Kairat yaushe rabon ki da addu'ah?”

Shiru tayi ba amsa,

“Kin dai na ko?”

Ya bukata, ciki ciki ta amsa masa