Yours Forever (COMPLETED)

Forever 39

"Ano ba iyang sasabihin mo at mukhang atat na atat ka?"

"Magugustuhan mo ito." atat pa rin na wika ni Charmaine. "Nakikala ko na si Kerry Anne."

"Kerry Anne who? What?! That Kerry Anne?"

"Oo Maiden." sang-ayon ni Charmaine. "That Kerry Anne."

"Your father's Kerry Anne? So, that means, meron talagang Kerry Anne?"

"Oo bes. Siya ang mother ni Menard."

"Menard who? What!? Your Menard?"

"Chill ka lang naman Maiden. Ako ang nagugulat sa iyo."

"That means, nagkakamali ka ng akala. May asawa na pala itong si Kerry Anne eh. Bakit naman sila magkakaroon ng relasyon ni Tito Alden pag nagkataon?" pasubali ng kanyang kaibigan.

"Hindi ko din alam. Antayin mo na lang hanggang makita mo si Kerry Anne."

"So, kumusta naman ang pagkikita niyo?" tanong ni Maiden na medyo nabitin sa kuwento ni Charmaine.

"Actually, ang bait-bait niya. Sobra[ akong nagulat nang malaman ko na siya pala si Kerry Anne. Bigla ko tuloy naisip na magaling pumili si Dad."

"Charm!" gulat na sabi ni Maiden. "Akala ko sabi mo nanay siya ni Menard. Ibig sabihin nun ay kumakabit ang Tito Alden pag nagkataon."

"Sabagay. Pero bagay sila ni Dad." aniya. Pagkatapos ay napatawa siya ng malakas.

"Sira ka talaga Charmaine. Sana panatag na ang kalooban mo ngayong nalaman mong mali ka ng iyong mga suspetsa."

"Hay naku! Oo na nga." sagot ng dalaga. Nahiga ito sa kama at nahulog sa isang malalim na pag-iisip. "Anyway, nameet ko na rin si Menard. Mas lalong pumupogi ang batang iyon."

"Charmaine." Maiden said in a warning tone. "Marinig ka ni Bradley."

"Duh? Ikaw ang sira. Ang bata-bata nga ni Menard eh. Sigurado ako mamemeet niyo din sila mamaya. At makikilala mon a rin kung sino si Kerry Anne."

"I can't wait. Hmmm."

"Kakausapin ko pa pala si Daddy. Ihahatid ko sa kanya ang isang napakagandang balita."

****

Alden was about to call his daughter when his phone rang. Saktong si Charmaine ang tumatawag. Kagabi pa siya nag-aalala sa kung anong gagawin ng dalaga. Ngayon lang siya nito pinagsinungalingan kaya nasaktan siya ng sobra kagabi nang aminin sa kanya ni Bradley na nasa Sagada ang mga ito.