Deewangi

10

Farewell ke baad se main ne apna rehna, khana peena sb kuch apne kmre ki had tak makhsoos kr lya tha. Ek jhatka tha jo mjhe achanak mila tha, gharz ke mjhe ye umeed Farooq se nahi thi kiunke wo yaqeenan janta tha ke main Ayesha se kitni mohabbat krta hun... Phir kyun woh wahan pr, Junaid ke kehne pr... Aise behave kr rha tha jese usse kuch nahi pata ho aur wo...

Ayesha tw khair hmesha se hi bilkul beprwah aur apni dhun main rehne wali lrki thi, usse sirf apni dunya maim dilchaspi thi aur uski dunya ke aik metre ke dairay main bhi kaheen pr 'mai' nahi tha.

Cigarette ke dhuen ko apni sanson se khoon main gholte huay, maine ek kash lagaya air munh se dhuan chorne laga. Ye dhuan atleast meri lachargi ko chupa skta tha.

Kya Kya khwab dekhe thay maine, hahaha, aur woh... Ek hawa ke jhonke se phurti se zameenbos hogye, jese wo blkl kachay dhage se bunay huay jhoote aur koray khwab haun...

Farooq tw mere dil ki har baat janta tha, phir woh kese ye nahi jaan paya ke main Ayesha se mohabbat krta hun.. Kyun... Kyun Allah Tala?? Aesa kyun kia ap ne... Zindagi main pehli bar, pehli bar kuch ro kar girgira kar trrap kr ap se manga tha, aur wo thi Ayesha Kanwal... Bus... Wo bhi ap ne usse de dya? Kya main uske qabil nahi tha? Ya phir mjhmai aesa kya nahi tha jo farooq mai hay?

Talkhiyo ki jang larte huay, maine cigarette ke do dabbay khatam krdye thay. Meri halat bad se badtar ho rhi thi aur kmre ka dhuan ab mera gala ghot raha tha. Yahi chahta tha main, aese jeene se behatar hay ke main na jiyu...

" Ya Allah!!! Zoyan!!!! Tm ne smoking kiun shuru krdi? Tm ne mjhe bataya bhi nahi ke wo lrki kon hay? Kya hua beta btao mjhe, mjhse discuss kro. Aesi be-aitebar cheezon main sahara mat dhundo, jo tmhe sirf nuqsan ke ilawa kuch nahi de skte. "

Achanak kamre main mama ki entry, mjhe chonka deti hay. Main apni maa se kbhi kch nahi chupa paya tha, aur unko bhi meri choti se choti baat ka ilm khud se najane kese hojata tha.

' Mama.. Wo.. Wo Ayesha... F.. F.. Far.. Farooq. Ayesha meri nahi ho skti maa, Farooq ne usse shadi krli. Farooq kese dost nikla maa?? Usse itna bhi pata nahi chala ke 'mai' mohabat krta hun Ayesha se, itne saalon ki dosti ko uss ne iss morr pr laya hay ke mai uska dost hote huay bhi uska dost mazeed nahi reh skta... '

Cigarette ne mere galay ko khushk krdya tha, awaz atak si gyi thi. Phir bhi... Phir bhi Ayesha ka naam honto pr bgher kisi dushwari ke , sukun se aa thehra tha.

A/N

Pls is book ko share kren apne friends ke sath, aur apne izhar ka zaroor tabadla e khyal kren.

Vote and comment!