Deewangi

39

Pls vote!

Hooriya:

Ilyana ne mjhse kaheen jane ka bahana krke ijazat chahi aur jab mjhe baba ki call arahi thi tabhi wo garyon ki qataar ki simt mai chal parri, wahan pr koi gari uska pehle se intezar kr rhi thi aur dekhte hi dekhte gari farrate bharti manzar se gayab hogyi.

Tapti dhoop mai kafi der khre rehne ki wjah se mera sar ghoomne laga tha , ain mumkin tha ke mai behosh hojati lekin ek nojawan ne mere paas akar mjhe mukhatib kya aur kaha ke use aunty ne bheja hay mjhe kheryat se drop krne ke liye. Sun kr kaafi ajeeb laga kyuke Ayesha aunty ko kbhi meri itni prwah nahi thi, aur agar hoti bhi tw wo sirf dikhawe ki khatir ... Sirf rasmi tor pr, baba ko ye dikhane aur jatane ke liye ke wo meri fikr krti hain. Lekin kher mjhe is baat se itna aitraz bhi nahi tha kyuke mai apni maa ki jagah kbhi bhi ksi aur aurat ko nahi de skti thi.

" Kya soch rhi hain ap Hooriya? Ap be fikr ho kr chalye mere sath ap chahen tw mai Ayesha baji ko phone mila kr de skta hu ta ' ke apko tassalli ho jaye. "

Wo ajeeb andaz se muskurata hua mjhe dekh rha tha aur phir apni jaib se phone nikal kr number dabane laga, aur kuch seconds ke baad phone meri traf pesh kya

"  Lijye baat kren, Ayesha baji apko tassalli kra dengi phr ap ... "

' Dekho ap jo koi bhi ho apna time faltu mai waste kr rhe ho. Mjhe anjan logo se bat krne mai sifar feesad bhi dilchaspi nahi. Apna rasta napo aur mera rasta choro, wrna mai shor macha kr public ko ikhatta krugi ke ap mjhe harass kr rhe ho. '

Shayad phone ki dusri traf jo koi bhi tha meri baat sun chuka tha, islye uss ne us admi ko bulaya aur us ne kuch doori pr ja kr phone apne kaan se lagaya aur kuch sargoshi mai baten krne laga.

Maine isi ko moqa ghaneemat jana aur tez tez qadam brhate huay road ki janib brhne lagi, rikshe ko roka aur usse apne hostel ka address bata kr use jaldi se chalne ka kaha.

••••

" Ap meri baat ko kyun nahi smjh rhi... Jo ap bta rhi hain... Wo kaam... Wo kaam bht mushkil hay... Aur.. Aur theek bhi nahi. Ap khud ek... "

' Maine tumse salaah , mashwara ya tmhari raaye nahi mangi hay. Tum achi trah se sochlo tmhe krna hay ya nahi krna hay, kese krna hay aur kya krna hay, ye sab tm pr depend krta hay. Agar tm ne wesa nahi kya jesa main keh rhi hun, tw phir mai... '

" Theek hay theek hay bar bar dhamki dene ki koi zrurat nahi. Bus aik baat zehen'nasheen krlo ke waqt ko palatne mai der nahi lagti, aj tm jis baat ka faida utha rhi ho ho skta hay kal ko wahi baat tmhe tmhari deewangi ke anjaam tk pohcha de. "

' Tum mjhe bad'dua de rhe ho? Apne krtoot bhool chuke ho shayd. Mai chahu tw abhi tmhe arrest krwa skti hu. Kyuke mera bayan police ke liye bohat zroori hoga. '

" Hahaha jese police ko sab chor ke Farooq qatal case mai bht interest  ho. "

' Pese se kuch bhi hoskta hay. '

" Oh tw tum apne mojuda shauhar ke peso ko najayiz istemal krogi. "

' JUST SHUT UP .. Apni asliat na bhoolo, tum agar chahte ho mai tmhe maaf krdu tw tmhe wahi krna hay jo maine kaha hay. Zyada waqt nahi dugi. Mjhe kaam hojane ki khabar kese bhi krke do din tk chahye. '