Deewangi

27

Pls vote & comment.
If you like the story, share it with your friends :)

Ayesha:

Kuch dino se ye kaafi ajeeb brtao se pesh arahe thay mjhse. Jbse mjhe inki pehli biwi aur inki beti ka pata chla tha tb se hi. Shyad ye mere samne shrminda thay ke unho ne mjhse ye baat chupai. Lekin ismai koi raaz ki baat tw nahi thi. Islam ne mard ko 4 shadyon ki ijazat di hay bashart ye ke wo unka haq ache se nibhaye aur sbke sath brabri se pesh aye. Hmari shadi ko abhi ek saal bhi nahi hua tha aur inke rang dhang dekh kr mera dil khauf se betha ja rha tha. Main chah kr bhi call pr Farooq se nahi puch pai ke kya wajah thi jo wo yun achank kaheen ja rhe thay, aur tw aur kisi ke dryaft krne pr ye hidayaat bhi ke main la'pata hun?? Seriously koi grbar zaroor thi.

Uss din gher itefaqi tor pr jb meri mulaqat Seema se hui thi tb se hmari kafi achi dosti hogyi thi aur maine uska number le kr apne mobile main apni purani school friend k naam se save krlya tha ta'ake unhe mjhpe shaq na ho. Ye tw mjhe baad mai pata chla tha ke wo aurat jisko maine apni saheli bnaya tha wo pehle se hi ek taluq se mjhse jurri hui thi, aur hm dono ka taluq Farooq se tha.

Kaafi soch vichaar ke baad main iss natije pr pohchi thi ke ab uss number pr call krleni chahye.

Lekin mere call krne se pehle hi aik unknown number se mjhe call arahi thi, jo maine bedihani mai recieve krli. Ab phone ko kaan se lagaya tw wahan kisi mard ki awaz ,qadre preshani aur thori mayusi ke sath humkalam thi.

' Jee Ap Ayesha Farooq bolrhi hain? '

" Jee main baat kr rhi hu. Lekin ap kese jante hain mjhe ye phone tw meri... "

Smjh nahi araha tha ke ye gutthi akhir sulajhne ke bjaye kiun ulta ulajhti ja rhi thi. Ye kya moama tha jo hal hi nahi horha tha. Ek traf inki tension se sar mai drd horha tha tw ab ye dusri traf Seema ke phone se kisi mard ki awaz sun kr dil betha ja rha tha.

' Apki kon lagti theen ye madam? '

" Theen ? Kya matlab theen? Kahan gyin wo? "

' Dekhye hum muazrat khwa hain ke apko aese btana prr rha hay ... Dar asal hmain do dead bodies mili hain Aur dono ki bodies ek hi jagah pr ek hi gaari mai payi gyi hain... Kya ap GHZ Hospital main askti hain ta'ake shanakht ka marhala tay hokr agay ki police karwai ki ja ske? '

Hosh ki dunya se mera rabta munqata hochuka tha kaano main srf aik hi awaaz goonj rhi thi jiske do makhsoos alfaz do dead bodies musalsal kaano ke parde ko cheerte huay mere dimagh ko sun kr rhe thay.

' Hello kya ap line pr maujud hain? Mohtrma ap inki kon .. '

" Jee nahi main nahi janti inko. "

Pata nahi meri zaban ne mere dil ka sath kyun nahi dya, zaban wahi keh rhi thi jo dimagh usse kehlwana chahta tha. Dimagh mjhe wo sari baten yad kra rha tha jb jb Farooq ne mjhse is aurat ke liye jhoot bola tha, meri bday wale din mjhe chor kr uss aurat ke paas jb gye thay, tab jb mjhse inho ne apni aulad ka sach chupaya tha.

Lekin... Phir achanak mera fesla badal gya, mjhe khadhsa lahiq hone laga tha ke ye dusri dead body kiski hoskti hay, islye maine hospital jaane ka irada krlya.

Najane ab meri qismat main konsa morr aane wala tha.