Deewangi

14

Wahan se wapas aane ke baad mera zehn sun tha, itni long drive krke farmhouse aane k baad mai thakan mehsus kr rha tha. Main chah rha tha ke Ayesha apne narm hatho se mjhe khana khilaye... Pyaar de...
Haan, mjhe Seema ko chorne ka bilkul afsos nahi tha aur na hi Hooriya ko orphanage chorne ka gham.
Seema aur Hooriya meri zindagi ka bojh thay, ek aesa bojh jo mere sar pe qismat ne rkha tha!!

" Farooq ap agaye? Main kb se apka intezar kr rhi thi... Maine khana bhi nahi khaya? "

' Acha kyaa. Hum ab sath khaayege jaan. Serve krne ki tyari kro, mai bus do mint main fresh ho kr aata hun. '

" Wo bachi... Apke dost ki beti... Ab theek hay? Zyada tkleef mai tw nahi hay na wo masoom? "

' Han wo theek hay, tm ab uski fikr nahi kro. Maine apne dost ko kuch pese de diye hain. Sab theek hojayega. '

Maine Ayesha ke sar pr bosa dete huay, uske gaalon ko thap'thapaya aur uski ankho mai pyaar se dekhte huay phir bedroom ki traf jane laga.

Kuch hi mint baad khaane ki zbrdast khushbu mjhe apne sehar mai khenchte huay lounge tk le ayi.

Saamne ka nazara bohat khubsurat tha.

Uss ne table khubsurat candles aur aur gulab ki pattiyon se sjaya hua tha aur khane ki khushbu bata rhi thi ke mera man pasand khana hay.

' Lgrha hay aj Khuda hum pr bohat meherbaan hay. '

" Khuda tw apne bndo pr hmesha hi meherbaan hota hay, wo bnde hi Usse smjhne mai deri krdete hain. "

Ayesha ne muskurate huay meri janib dekhte huay kaha.Uss ne red saree pehni hui thi aur apne reshmi baal khulay chore huay thay. Main khushqismat tha ke mjhe Ayesha ke roop mai humsfar mili thi.

' Shyad yehi alfaz tum ne seema se shaadi hone pr bhi kahe thay, hay na?? '

Zameer ki awaaz ne mjhe ek talkh thappar maara tha, jiski awaz mere kano mai goonj rhi thi.

" Kya hua apko psnd nahi ayaa? Maine socha ke ap ne tw kuch kya nahi mere liye, main hi kuch krdeti hu. "

' Ayesha, nahi. Wo main. Main tumhare liye kuch laya hun, apna hath agay kro. '

Main ne is moqe ka ghaneemat jante huay zameer ki adalat se bhaag kr mojuda waqt mai aane ki koshish ki. Jaib se aik chota dil numa dabba nilal kr, apne ghutno pr jhukte huay uske samne maine wo ring pesh ki jo mai uske liye le kr aya tha.

' I love you Ayesha. Meri mohabbat pr kbhi bhi shak mat krna. '

Aur ye keh kr uska hath thamte huay maine usse ring pehna di.

Lmba wait krne walo ke liye double updates, prh kr vote kryega knjoosi na kren pls. :)