Deewangi

30

Ayesha:

Main jaane hi lagi thi ke drwaze pr ek zordar dastk hui, main dari hui thi aur ye jaanna chah rhi thi ke kaheen jo main soch rhi hu wo sach na ho... Kaheen zoyan...

Drwaza khola tw samne zoyaan kharra tha. Usko dekh kr main hakka bakka reh gyi. Iska mtlb ye hoskta tha ke???...

Nahi... Aesa nahi ho skta..

Maine ghar se jaana chaha magar uss ne mjhe ye keh kr rok dya ke usse mjhse kch zroori baat krni hay, aur mere paas koi chaara nahi tha wo drwaze pr blkl sakat khra tha.

"Dekho Ayesha, main janta hun ke istrah tmse apni baat kehna aur moqe ki banisbat bilkul durust nahi,lekin main kya karu apne dil ko nahi rok skta ... Mjhe afsos hay bohat... Afsos hay ke mera dost Farooq ab is dunya main nahi raha..."

Ye keh kr wo thori der ke liye ruka, aur phir goya hua. Lekin mere liye tw waqt ussi ek jumle ke baad ruk gya tha. Dunya weeran si lagne lagi thi,achanak dum ghut'ta mehsus hone laga tha.

' F... Farooq ko ky.. kya hua? Kahan hen wo? '

Maine bamushkil apne honton ko tar krte huay apni baat Zoyan se kahi.

"Dekho Ayesha , Farooq ka accident hua tha ... Jab main seema ko hospital le kr ja rha tha tb hi wahan pr koi usse emergency ward ki traf lejarha tha...tbhi meri nazar besakhta uske khoon se latpat wajood pr prri."

Khoon. Na.. nahi... Aesa nahi hoskta. Ya Allah tu mere sath aesa nahi krskta. Maine tere jiss bnde ke liye prde ki paasdari seekhi, Tu mjhe usse juda nahi krskta. Nahi krskta.

Lrkhrate qadmon ke sath main yakdum zameen pr bethgyi, mjhe apni samaat pr yaqeen nahi araha tha aur dil kr rha tha ke Zoyaan ko aesi baten bolne pr thappar maaru. Wo mere shohar ke mutaliq aese bol bhi kese skta hay?

" Main tumse shadi krna chahta hun Ayesha. Kya tm meri biwi banogi? "

Aese waqt main aur meri aesi halat main uske is trah mohabbat ke izhaar ki mjhe blkl tawaqa nahi thi, aur ... kaheen ye sab iska faraib iski sazish tw nahi?

Kaheen Zoyan hi tw nahi inke accident ke piche?

Mera zehn jese khud bakhud kisi belagam ghore ki trah dorrne laga tha,aur jo mjhe wo bta rha tha wo blkl theek nahi tha.

Agar aesa waqae tha, tw main apni mohabbat ki qasam isse shadi krugi... magar iski mohabbat ko apnane ke liye nahi,blke isko apne paun tale rondhne aur tazleel krne ke liye.

Maine bina kch der kye huay foran gaari nikali aur khud drive krke uss hospital pohchi jahan se mjhe phone mosool hua tha. Ek traf seema ka chakkar meri smjh se bahar tha tw dusri traf inke achanak hone wali maut ne mjhe shasho panj mai dal dya tha.

Hospital pohchne ke baad kuch kaghzi karwai krne ke baad,mjhe ek kamre ki traf lejaya gya. Jahan pr do safed chadar aurhe huay stretcher pr do dead bodies rkhi hui theen.

Kanpte hatho ke sath maine chadar hataya tw wahan pr mera shaq yaqeen main badal gya tha, Farooq bejaan bechaara thande jism ke sath letay huay thay. Aur dusra chadar maine uthane ki koshish nahi ki,main Seema ko nahi dekhna chahti thi.

Achanak najane kiun mjhe usse nafrat hone lagi thi,aesa lgrha tha insb ki zimedar sirf wo hay.

Lekin ab mjhe kuch krna tha, aur wo main fesla krchuki thi.