قالي طالع و حأفوتا ليكي المرة دي بي مزاجي ،بس قبل اطلع انا في النهايةانسان و عندي دم و انا ما عرستك عشان اقتلك بالبطئ في النهاية انتي امانه في رقبتي ،و لو لاقدر الله حصل ليكي شي حيسألوني انا قبل اي شي ، عشان كدا بكرة المساء ، حنمشي العيادة لدكتور محمد صاحبي و هو حيحولنا لدكتور شاطر .. قلت ليهو انت ما بتفهم ؟
قلت ليك عمدي دكتوري ما بتابع مع غيروو ،، قالي انتي ما شفتي حالتك الدخلتي فيها ؟ ما عارفه نفسك نايمة ليكي كم ساعه ما حاسه بالقلق الدخلتيني فيهووو ؟
قلت ليهوو بالله ياااااخ ، سبحان الله ، بالله ما عندك فكرة الحصل لي دا شنو وسببو منو و شنو ؟ و بعدين تعال هنا ،قلق شنو البتتكلم عنه دا ؟ انت لو عندك ذرة دم ما حتعمل عمليتك دي معاي و بالطريقه البشعه دااا ،و لحد يوم االدين عمري ما حأنسي اليوم دا ولا حأنسى العملتو فيني دا يا عثمان ، ارجوك اطلع برااا .....
طلع وشو دا جايب الوان الدنيا كلهااا ،قعدت ابكي علي حظي و علي حرقة قلبي ،،
بعاين في الدرج تلفوني كان في الشاحن عشان اتصل علي امي ،م لقيتووو ، تاني قلت لو اتصلتا امي حساسة وحتعرفني من صوتي حاصل معاي حاجة ... قلت اخير اصبر .. حاولتا قمتاا .. طلعت علي الحمام ، استحميت ، وجيت اصلي ما قدرتا ، جريت كرسي و صليت فيهووو ...
( في جانب تاني )
*دايرة شنو ؟
_هاهاهاهاهاهاها اخس عليك دي طريقه برضو تكلمني بيهااا ، نسيت ايامنا الحلوة ؟
*دايرة شنو اخلصي انا ما فايق ليكي
_الله الله بقيت عصبي شديد ، بتتعصب براك كدااا ولا امك بتقول ليك عصب هاهاها
*قصدك شنو ؟
_قصدي انت عارفو حبيبي ههه بتمني بس تكون عملت ليك شخصيه ما تكون لسه امك متحكمه فيك ، والله انت عارف اكتر زولة شايله همها هي مدامك ..
*دا شي ما يخصك ،امشي شوفي حياتك بعيد مني
_معقوله ما عندك عشرة ، ولا نسيت ال ...
*سهاااااااااام ،جيبي من الآخر ، دايرة شنو ؟
_ هههه انت و ذووووقك والله
*اسمعي هنا ، انا حالياً ماري بي ظروف زفته في الشغل و ما عندي حالياً ، اصبري شويه بديكي العايزاهووو ..
_ هاها انت تفلس ؟ والله الحكومة تفلس انت ما تفلس
*انا حالياً وضعي م مزبوط
_ولو اتأخرتا علي ؟
*سهام ما تهدديني و تستفزيني
_العفووو يا قلبي، انا بس حبيت ازكرك بالممكن يحصل
* عارف ، سلام
_سلااااااااامين هاهاي ...
،، اووف البلوة دي طلعت لي من وين اسي نهائي ما وقتها يا ربي ، اففففف ، بس لو اعرف هي بتجيب اخباري دي من وين ، وعرفتني من وين عرستاااا ، اممممممم ياخ انا مالي و مالهاا ، انا اسي بس احاول اهتم بي وهاد ،، وهاد ! وهاد ، وهاااد ،،، انا مالي ؟
ليه لمن بشوفا بتصرف تصرفات غريبه ؟
عرفت بنات كتااااار و كلهم ماف وحدة هبشت قلبي دا بالغلط ، ليه دي الما قادر اتجاوزاا ،من اشوفااا بتلخبط !طيب ليه انا عملت فيها كدااا ؟
انا متأكد ما حتنساها لي ، بس شكلها بت مسكينة و ما بتعرف اي حاجة في الدنياا دي .. انا لازم اصلح غلطي داااا ، ولازم القى لي حاجة اسكت بيها سهام دي للآخرر....
بعد خلصتا صلاتي ..
نزلت اجيب قزازة مويه ، طبعاً لقيت امو ، قلت ليها سلام عليكم ، و دخلتا المطبخ ، شلت مويتي وجيت طالعه ،، قالت لي : مسائية مباركة يا عروس ، جيناك بالصباح لقيناك غمرانة !! يلا بكرة تتعودي ، واحسبي 40 يوم من الليلة ، يجيني تحليل بيثبت انك حاااااااامل ، فاهمة ولالا ... و مشت
بصراحه احترت ، هي صح انا ليه احتار مفروض اتوقع اي حاجة منهم ، بس ما للدرجة دي تدخل في خصوصياتي كداا والحمل دا رزق ، استغفرالله يا رب ، ياااارب
وووينك يا امي ،وصاياك كلها طلعت فوق طاقتي يا امي ....
يتبع....
أنت تقرأ
عقيمة ولكن
Mistério / Suspense📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
