_طيب يا تماضر بس الله يستر
*مالك قلتيها كدا ؟
_لانو انتي ما ناقصك شي ممكن تتزوجي واحد يكوني ليكي وبس و لا متزوج ولا غيرو ، وانسان تكوني واثقه من حبو ليكي و حاجات كتيرة بس انتي اخترتي الطريق الاصعب و انا بقول الله يسهلا و يسترا من عنده ....
*امممممممممممم دا طريقي وعمري م حاندم اخير لي راجل عمدو قروش يريحني و يريح اهلي و يسفرني و يخليني اشوف الدنيا والناس مش راجل يدفني بالحياة ...
_الحياة م قروش
*الحياة اساسها القروووش ،و ختشوفي التغير الحيحصل لي يا ليناا....
بالنسبه لي ، زمن م طلعت براي او كان م اخاف الكضب دي اول مرة اطلع فيها برااي ،قبل اتزوج كنت بطلع مع اخواتي او امي او ابوي ..عشان ككدا ، كنت حاسة بشوية توتر .. المهم وصلتا العيادة بي برااا ، حاسبت الامجاد و دخلتاا .. نسيت الابواب ،بقيت م عارفه ياتا خقت دكتور محمد و ياتا حقت دكتوري ،، لانو حقت محمد كان فيها توضيبات ، المهم دخلت لقيت لي بت برا زي سكرتارية ، ودي المرةالفاتت م شفتهاا ،قلت ليها ، دي عيادة دكتور محمد ولا دكتور عبدالله ؟ قالت لي انتي دايرة ياتو ؟
قلت ليها انا جاية باطنة لدكتور عبدالله ،. و متابعه .. قالت لي دي عيادة دكتور عبدالله ، عيادة دكتور محمد الباب التاني ، قلت ليها حمدلله طيب ، عايزة ادخل ليهو
قالت لي اسمك ؟ قلت ليها اسمي وهاد !
بتفتش في ورقه قدامها ،قالت لي اسمك م مكتوب ، قلت ليها يتكتب وين مافاهمه ! قالت لي يعني انتي ما حاجزة عشان تقابليو ،قلت ليها انا ما عارفه انه في حجز والله ، الليله دخليني و بعد كدا بشيل الرقم و احجز. قالت لي اسفه ما انتي التحددي لينا قواعد شغلناا ، اتفضلي امشي لمن تبقي حاجزة بعدين تعالي !( بهذا الاسلوب)
قلت ليها طيب كلميني باسلوب افضل من دا انا ما جايه اشحت منك ، كان ممكن بصيغه
احسن من دي توصلي لي كلامك داا .. قالت لي م تصدعي بينا ، اتفضلي من هنا لو سمحتي ...
طوالي رجعتاا ، ومشيت عيادة دكتور محمد هي مش الباب التاني بقت الممر التاني .. مشيت م لقيت غير بت .. وواحد قاعد و مدنقر في تلفونو و خاتي رجل علي رجل .. مشيت للبت قلت ليها بعد ازنك ، انا م مريضه بس عايزة اقابل دكتور محمد لمدة دقيقه وحدة اذا ممكن .. قالت لي طيب حبيبتي اتفضلي اقعدي معاهو مريض جواا ، قلت ليها شكرااً و قعدتاا ..
تلفوني رنة ،، مسافه اطلعو من الشنطه ، لقيت القاعد دا قصادي ورفع زاسو بعاين فيني ،، مستغرب لانو السراب خايل لي انه بعاين لي وانا بعافر في شنطتي ،رفعت راسي وعاينت ليهووو ، هو نزل راسووو ، ياربي شفتو وين ؟ شفتو وين ؟
اصلو ما غريب علي ..المهم رجعت لتلفوني ،طلعت ياسمين ، رديت قلت ليها حارجع ليكي و قفلتاا ..
بعدها بشويه لقيت واحد طالع من عند الدكتور انا قمت علي حيلي تلقائياًدايرة امشي عللي الباب ،. دا قام معاي في نفس اللحظه و اتجهنا علي الباب سوااا .. عاينت للبت عشان تقول حاجة ،، قالت لي طيب انتظري شويه ، قلت ليها انا ما حاخد وقت .. عاينت للزول قلت ليها انا ما مريضه و ما حاخد زمن ، بس دايرة الدكتور .. قالي و بتعرفي من وين عشان تدوريهو ؟ قلت ليهو نعم ! من صوتو و طريقه كلامو المستفزة عرفتووو ... يا ربي اتلائم وانا اصلا زهجانه. ولا اماشي الوضع لمصلحتي !
قلت ليهو بعرفو ودي شي شخصي ، بعد اذنك حادخل ليهو دقيقه ما حاخرك ،، قالي لي لا حتاخريني ، قلت ليهو ليه اسنانك حتقع ؟؟ والسكرتيرة من النوع المسكين داك لمن م عارفه تتكلم ،، قالي طولة لسانك دي في اي مكان ؟ قلت ليهو زيك بالضبط ..
عاين لي بي استياء ، قالي ادخلي و حأحسب 60 ثانيه من مسكة الباب ..قلت ليهوو انت دي عياتك عشان تتامر فيني كدااا ؟ قالب لا عيادة اخوي ...سكتاااااا حسيتو م جادي بس بيستفزني .. جا دكتور محمد طالع ، بقول الدوشه شنووو ؟
شافني اتخلع كداا ، قالي وهاااااد ! قلت ليهو ازيك يا دكتور محمد ، قالي عثمان برا ولا شنو ؟ سكتااا ، قالي تعالي تعالي ،، اخوهو قاليهو يا محمد وانا قاعد لي ساعه هناا ؟ قاليهو اقعد وراك شنووو .. عاينت ليهو بس عشان اديهو نظرة الانتصار ام رفعة حاجب ديك واغيظووو ،شوية وكنت حطلع ليهو لساني هههه انتو م متخيلين هو مستفز كيف
.... حمر لي
وانا قلتا م اكتر ، طوالي دخلتا وقفلت الباب ، قالي تعالي اقعدي ..قعدتا
قلت ليهو عارفه اني خلعتك وخصوصا اني جايه براي ، انا بس جيتك لاني محتاجة ادخل للدكتور و ما عارفه انه في حجز للمقابله و بصراحه البت كلمتني باسلوب مهين شديد ....
يتبع ......
أنت تقرأ
عقيمة ولكن
Mystère / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
