( في جانب تاني )
*الجابك هنا شنو ؟
_انتي منو ؟
*ما تستهبلي عشان انا حافظاكي من مشيتك
_انتي اكيد مشبهة علي
*عايني انتي اكتر وحدة عاشرتيني و عارفه كويس انا ممكن اسوي شنو ! عشان كدا ما تحاولي تستهبليني فاهمة
_طيب فكي يدي
*و اذا انا مشبهه عليكي ، يبقي كمان مشبهه علي صوتك المنخنخ دا ؟
_للمرة التانيه فكي يدي ، لانك اتعودتي كتير علي سكوتي لكن ما كل مرة تسلم الجرة
*ايوة كدا انا بحب الاعترافات ، اعترفتي بعشرتنا ، شايفاكي
_ما بقيت بخاف زي زمان ، الضعيفه بقت قويه يا بتول
*اسي المفروض اخاف يعني ؟
_لالالالا لسه بدري علي مرحلة الخوف
*اسمعي هنا ، شايفه لسانك طووول و نسيتي زمان كنت بقصو ليكي ، شكلو داير ليهو قص تاني ، و عشتن ما نعيد اللي فات ،. ابعدي عن سكتنااااااا يا سهى. ..
_ابعد ! هاهاهاهاهاهاهاهاهاهاهاي ، نفسك تسمعي مني حاضر صح ؟
*يااااريت ، عشان امك المسكينة ديك ما فيها حيل تتحمل مصايبك
_ امي ااااااااااااخ من وجعة امي ،وودا الجايبني زاتوو يا ام عثمان ..
اتطريت رجعت قعدتا في طاولتنا ..
بهبش في تلفوني شويه ، واتفرج في الخلق ديل شوية ، لمن عثمان جا علي ، قالي ، الجماعه جوو ، يلاا ،، قمتا ،رمشيت معاهو علي حاجه انا اصلاّ ما فاهماها ولا عارفه ليه
طلعنا براا ، اعتقد عشان اصوات الاغاني والدوشه .. عثمان ماشي و انا ماشه معاهو بس ، لمن وصلنا جنينة الصالة بي جمب كدا خاتين كراسي و قاعدين علي طاوله ، زي تلاته رجال اتنين بي نساوينهم و واحد براهو ، من جينا ، واحد فيهمم وقف علي حيلو ، وتاني قعد ، عثمان قاليهم دي المدام ، سلمو علي و النساوين كل واحد قالبه وشها بي اتجاه ، لمن جيت سلمت للوقف دااك ، ضغط علي يدي شديد و زي الماداير يفكها ، لمن سحبتها منوو .. قعدنا معاهم
و ونسه كلها مصطنعه و شكليات وكل واحد بيتكلم بي حذر و صياغة الكلام و النص الكلام فلهمة و انجليزي ، وجو كدا نهائي ما جوي ، عرفت ان عثمان جايبني صورة ، اسم اني مدامو عشان الصورة تكمل ، حاجة كدا مستفزة .. برطمو و اتكلمووو كداا لمن سكتوو ، و الفهمتو ان عثمان داير زي سلفية او ما شابهه منهم ، و ما اظن استفتد حاجة لانو وشو قلب ، و فجأة قالي يلا نمشي و استأذن منهم ...
( في تكملة الجانب الفات )
_ امي ااااااااااااخ من وجعة امي ،وودا الجايبني زاتوو يا ام عثمان ..
*ايوااه انتي كدا واعية ، عشان ما نعيد الحصل زاتوو ، ابعدي
_حتعيدي شنو ؟ انتي دمرتيني لكن و ديني و ايماني ما حأخليكي
*شوفي عيب عليكي انا مرة كبيرة ياخ احترميني برضو مهما عملت
_هاهاهاها نكته دي والله ، ياخ مش احترمك لمن تكوني انتي محترمة نفسك بالاول !
*اهااااااا ، طيب خلينا نختصر الكلام دا كلوووو يا سهى ، دايرة كم ؟
_دايرة كم عشان شنو ولا شنوو ؟ عشان اتقاضى عن ولدك ؟ ولا عشان امي ؟ ولا عشان مستقبلي اللي ضاع ؟ ولا عسان اسامك زي الما حصلت حاجة ؟ ولا عشان ال .... الانتي عارفاهووو 😉 ؟
*قصدك شنو عندك نسخ تانيه ؟
اتككككلمي, عندك نسخ تاني منو صح ؟؟
يتبع .....
أنت تقرأ
عقيمة ولكن
Mystery / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
