عقيمة ولكن

الجزء 27

_ يا بت انتي غبيه تحاولي شنو بطلي هبل دا اكيد لازم تنفذي م تبقي هبلة *طيب قولي

_ ( .......) فهمتي ؟

*طيب تمام

_خلي عينك قوية بطلي عوارة حقك دا م تخلي يبيبت ردي الكف كفين

*كيف يعني يا ياسمين مرة كبيرة عايزاني اسوي ليها شنو ! امسكها ادقها يعني ؟

_دي الدق زاتو ما بينفع معاها ، دي دليرةدق بنفس الطريقه حقتها

* يا ياسمين انا م دايرةمساكل ،دي ام برضوفي النهاية ، هي بس لوبقت صريحه معاي و ورتني هي دايرة شنو باختصار و من الاخر انا برتاح ..

_يا بت انتي غبية ! ياخ صدعتي بي ياخ والله انا اول مرة في حياتي اكتشف انك هبلة و مغلوب علي امرك ، سوال يا وهاد ، انتي البديتي العمايل دي ولا هي ؟ وانا ما حارقاني الا الحبوب دي الله اعلم بتخليك تبلبعي فيها من متين والله اعلم حبوب شنو و تكون اسي عملت فيكي شنوو ،اسمعي هنا انا بكرة بجيكي نمشي نفحص فحص كامل.

*دي كانت فكرتي الفحص دي ،وانا لي كم يوم بجيني مغس خفيف خفيف كداا قبل انوم بس بتناساهوو و بنوم

_والله دايرةالجد يا وهاد ، خوفي تحملي من الراجل دااا ، طيب قبيل انتي قلتي لي رجعتي الاكل وقلتي ليها دوخه و طمام ، فعلا دا حسيتيهو ؟

*انا كنت دايرة استغل الموقف بالتمثيل لصالحي عشان م اشرب العصير و انا باكل فكرت ممكن تكون ختت لي حاجة في الاكل برضو لان وقت الاكل انا كنت فوق ، و امبارح برضوو هي غدتنا و غرفت لكل واحد صحنو براهوو ، بس اتزكرت الكلام دا بطني قلبت و بدل تمثيل قلب جد ...

_وووووب وووب لو طلعتي حامل ، حتتربطي ربطه العدو مع الاسرة دي

*بيني وبينك نفسي احمل يا ياسمين و عثمان همو يجيهو ولد باي طريقة و زي م وريتك من اول لحظه امو قالت لي بعد 40 يوم يجيني تحليل يثبت اني حامل ، جاتني عقدة والله ...

_يا بت انتي هبله ياداب تميتي السهرين وحاجة لسه بدري م تشغلي بالك

*كيف م اشغل بالي. وانا نفسي في شافع ..ّ

_ربنا يضوقك ليهوو ، اسمعيني انا لازم اقفل اسي تلفوني صفر بطاريه ، و زي ما اتفقنا ، ابدي الخطه و لو في حاجه استصعبتها اتصلي علي يا رسلي واتساب ..اتفقنا ؟

*اتفقنااا ... يلاا

بعد شويه ، لقيت عثمان داخل الغرفه ، والضحكة دي واصلة حلقو ، راقده و بعاين ليهوو .. حتي ما سألني بقيتي كيف ..لقيتو فتح الدولاب ، طلع ليهو قميص رمادي و بنطلون اسود ،وشكلو داخل مستحمي ،شال ملابسو و طلع ....

قلت بكون ماشي الشغل ، م اهتميت كتير بالموضوع ،، برضو بعدها بشوية جا راجع و هو لابس و شاكي القميص دا والحزام يقول يا ليل ، والجزمة لامعه لامعه و الريحه دي يشيل و يرش من كل ريحه شويه ،والشعر دا شكى و بكي من الفرش واول مرة اشوفو مجلجل شعرو ،رغم الجلحات ، استغربت ،دا يوم العرس حق ناس صحبو ما كان كداا ..

بقيت بتفرج فيهوو و في دندنتو و انبساطتو ، لمن سألت نفسي يا تري الحاصل شنو ؟

امورو اتيسرت في الشغل ؟ ّ

لمن جا طالع ،، قلت ليهو ، انا حابة امشي لدكتور الجابو لي صحبك محمد حابه اسالو من حاجات ... قالي اممممم عارفه العنوان ؟ بدل يقول لي حاسه بشنو ولا عندك شنو ولا حتي اوديكي ،، قلت ليهو ايوة عرفتو ، بس قلت يكون عندك علم ..قالي معليش مشغول لو فاضي كان وصلتك ،،قلت ليهو انا ماشه بكرة ما الليله ،، قالي شوفي اليوم اليناسبك وامشي ! دا دليل ما علي انه مشغول الليله بس لا دا دليل علي انه اصلا م عندو نية يوديني ...قلت ليهو خير معني كدا عندي حرية في تحركاتي ، قالي من البدايه م كنت ماسكك ..قلت ليهو فعلا ما كنت ماسكني يا عثمان بس انا اتربيت علي احترام راجلين في الدنيا دي ابوي و زوجي ،و حتي لو كان زوجي ما محترم نفسووو ...قالي م حارد عليكي لاني مستعجل ،، و في اللحظه دي تلفوناتو كترت ...

ما عارفه ليه اتضايقتا ، حسيت ان مالي اي قيمة ، م في احترام لي .. و سبحان الله الموقف دا انا طلعت منو بي درس و فايده و يمكن دي ميزتي ، انا الحاجه البتضعفني اخليها تقويني .. و من هنا اخدت قرارين ..

الاول : .......

و التاني :...... جزئية معلقة

يتبع .....