عقيمة ولكن

الجزء 18

حأسوي بيهم شنو يعني

_ياخ اتعرفي علي الناس اعملي صحبات كدااا غيري شويه اتسلي في الملل الانتي عايشه فيهوو

*طيب بجرب غايتووو .. تصدقي يا ياسمين لو قلت ليكي بفكر في شنو ما حتصدقيني

_قولي

*بفكر ارجع اسجل في الجامعه بس عارفه نفسي اقرا حاجة كدا انا ما عارفه اسمها شنو ،حاجة ليها علاقه بالالوان بالتنسيق بالجمال ياااخ ،ما دايرة اقراا الكلام الكتير و الحسبة والميزانيات والحاجات دي ،ملل ياخ ..

_فهمتك ، يلا دا حيكون اختراع جديد انتظري الاجيال الجاية

*ياخ حقارة والله

_اسوي ليك شنو يعني يا وهاد البتقولي فيهو دا ما بعرفو ولا سمعت بيهويمكن فنون جميلة

*ما بعرب

_شوفي يا بت الناس ،ربنا دا قال العلم من المهد الي اللحد ، اقري القرايه العديل ديل ،حبيها عشان تنجحي و تتفوقي الزمن دا ماف زول عندو ثانوية عامة دي ما شهادة تعمل ليكي حاجة في الزمن داا ،اقري انجليزي اتثقفي اتطوري ، اتناقشي مع القدامك بي فهم حيريهو اكسبي الحوار ، القراية دي حتكون شخصيتك يا وهاد ، طول ما انتي شايفاها ممله يبقي ما حتحبيهاا ولا حتنجحي فيهاا ،كان ما قيمتي نفسك مافي زول حيقيمك و يقدرك ...فهمتي ؟

مهما كانت الوحدة جميله و فيها معالم الجمال والانوثة و مخها فاضي ، يبقي جمالها دا تبلوو تشرب مويتو ياخ القرايةدي زاتا جمال من نوع اخر وانتي ماشاء الله جميله والف من يعاين ليك ويتمناك في سروو ،كملي جمالك دا بالعلم ..

*تصدقي و تؤمني بالله يا ياسمين !

_لا اله الا الله ، سيدنا محمد رسول الله

*من الطاقه الشحنتيني بيها اتمنيت اقرا اسي دي ،و صذقيني حأقرااا و اول حاجة حأسويها اتقن الانجليزي لاني بكرهو بعد السنة دي تخلص حأقدم للجامعه حقتك زاتها

_ اسي انحنا شغالين امتحانات فضل لينا مادتين ولمن التقديم يفتح بكلمك ، بس عثمان ما ممكن يرفض ؟

*ما فارق معاي يا ياسمين والله ،زي ما قلت ليكي كلها مسألة زمن ..

_عليكي نور ، عليكي الله بكرة اجتهدي. وانا عارفه كويس اهتمام بالتفاصيل والجماليات ولمن تختي حاجة في راسك بتسويهاا ،، عايزاكي بكرة تكون كداااا تحفة ،حاجة كداا ملفته ،مبهرة ،المعني الحقيقي للجمال ، فاهمه علي ؟

* هههه فاهمه

_هدا الواتساب نزل ، بكرة تتصوري سلفي بعد تجهزي و توريني ولا لو عايزة بجيكي

*سلفي دا شنو يختي ؟

_هههههههههه صورة ذاتية بالكاميرة الامامية

*سمج قولي كدااا

_ بقولو ليها كدا ياخ ههههه

*سمح ي ريت تجيني بس بعد تفضي من قرايتك

_خلاص علي تلفون يا زوله

*اتفقنااااا ،كدي نمرق علي امي دي نتونس معاها شويه واقوم امشي بيتي ،انتي عثمان فات ؟

_ لمن جيتك كان قلعد بتونس مع عمو و احم ، احمد كمان

*ووووبعلي كدي قولي احمد كدا تاني ! هههه

_ياخ مالك ياخ

*ملاله ي كلبة داسه مني صح

_هوي ما تعملي لي قصه ما داسه منك حاجة

*ما علي ،والله شكلك بتحبي ، هو عارف ؟

_ياخ ما تسألي ، صحي امك ورتك الشمار

*غيرتي الموضوع شايفاك لمن م مشكله برجع ليهو اصلووو ما بخليك ،

_والله شمارررر من العيار دااك

*احككي

_تماضر جارتكم ، فاكة خبر انها حتعرس

*امشششششي ! عليك الله جد !

_اي والله لكن ما بعرف جد ولا كذب و شايفاها زي الرطبت كدا قشرات وحاجات جديده كدااا ورافعه نخرتا في بنات الحلة

*سجمي ، ليه قال الدنيا دي فيها شنو يختي !ّ

_مافيها شي والله بس في النهاية بنتمني ليها الخير و بخت السعد

*ان شاءالله ي زولةدا المهم. ترتاح زاتو من الحري والشحططة

_اي والله ،ربنا يتم ليها علي خير

* اااي يختي و عقبالك انتي واحمد

_احححححم

*احمممممين يا كلبة

( في جانب تاني )

* يمة انا طالع اجيب وهاد واجي دايرة حاجة ؟

_اااااي دايرة

*شنو ؟

_دايرة خمسة مليون

*بسم الله يمة ، امبارح اديتك اتنين ونص

_مالو ما تديني ، ولا كتير علي

*لا العفو الغالي يرخص ليكي ، بس انا الفترة دي مارري ب ......

_لا ماري لا حاجة انت بس قول ما داير تدينب داير تضيع قروشك في مرتك صح

*امي لا اله الا الله ،مرتي دي من يوم عرستها جنيه ما شالت ولا طلبت

_يسلاااام لا عليك الله خليها تطلب ، بعد العرس العملتو ليها كمان ليها عين تطلب

*لا حول ولاقوةالا بالله

_حتديني ولالا

*حاضر يا امي ، بس ممكن اعرف القروش دي بتعملي بيها شنوو؟

_دايرة اجهز للعرس دايرة لي توب والتياب غالية

*بسم الله القروش الشلتيها مني امبارح قلتي لي نفس كلامك دااا

_انت بتحاسبني يعني ؟

*لا العفو ، بعد ارجع بسحب واديك القروش

_نشششششوف

*طيب ، لبعدين ...

اهااا يا جماعه انا بعد دا امشي بيتي عندي علاجات وحاجات ،،، ياسمين قالت لي زي ما اتفقنااا وغمزت لي ، قلت ليهاا تمام ان شاءالله ... يلا انا طالعه ،عثمان برااا .. ودعتهم وطلعتا ..

يتبع.....