و مشت ...
احترتا ،دي منو البتعرفني دي ؟
طيب كيف يعني ثعرفتي بيها ممكن تهدم زواجي !! راسي شطب ، في شنو حاصل انا ما بعرفو !
المهم بقيت قاعده ، لمن جا عثمان راجع ، قالي تعالي اوديكي طاولة ناس امي عشان انا حاقيف مع الشباب .. قلت ليهو انا هنا قاعده كويسه ، قالي لا م ظريفه تقعدي براكي ، قومي ... قمتا
و انا ماشه ،وانا قاعده ، هو منو الما بعاين لي ! كأني عروس ، وعرسي كان امبارح بلييل ، المهم ،وصلنا الطاوله ،عثمان سلم علي وحدة وبيقول ليها خالتي و الف مبرورك و عقبال محمد و كرم .. عاينت في وشها ،لقيت وشها مألوف وشها ما غريب علي نهائي ..
من شافتني قامت وقفت علي حيلها ،تشيل و تبوس فيني و ياهو سلامها الحار والحنين داك ،خلاني اتزكرهاا ، لقيت نفسي ببادلها بنفس الاحساس ،قالت الليله عاد انتي العروس هناا ما شاءالله تبارك الله ، ربنا يحفظك ونورتينااا الليله * وبقت تنادي #يانوووون ، يا نوووون .. جاتها وحدة قالت ليها اها يا امي ، وكملت كلامها ،قالت ليها انتي بتعرفي القرض دي من ويت ، قبيل شفتها داخله دايرة اسالك حتي صحباتي بيسالو منهاا ماشاءالله .. قعدت اصحك مديت ليها يدي قلت ليها ، انا اسمي وهاد ، امها قالت ليها دي زوجة عثمان ود خالتك بتول ،،، البت اتخلعت ..
قالت لي انتي مرة عثمان !! ما لقيتي غير عثمان الله عترك فيهو ! امها قالت ليها ليه مالو عثمان ؟ قالت ليها م قصدي حاجة يا امي بس صراحه عثمان شين ،عايني في وش وهاد وعايني ليهووو والله بي ليمونة منظرهم ما بتهضم جمب بعض .... امها بتحاول تسكت فيها و هي ما عايزة تسكت ، انا عن نفسي حبيتا شديد لانها عفوية واتمنيت لو تكون لي صحبة زيهاا ..
المهم قعدت لمن جو العرسان الناس دي زحمة وقايمة وقاعده ، وانا بتفرج من بعيد بس ..
بعد شويه جاتني ام عثمان قالت لي انتي الجابك شنو ؟
قلت ليها جابتني حاجتين ..الاول العربيه والثاني عثمان راجلي .. قالت لي دا شنو العامله في نفسك دااا ؟
قلت ليها مالي ؟ حلات الدنيا علي .. سكتت واتضايقت و مشت ..
جاتني نون مسكتني من يدي ، قالت لي قومي قومي ..
( في جانب تاني )
*امي !
_عثمان يا ولدي انت كيف تخلي مرتك دي تجي كداا ؟
*ليه مالها ؟
_كيف يعني مالها ،الشعر كلو برا واليدين براا والتحت التوب قصير ومكياج قدر دااا عاجبك الفارغ دا ؟
*صراحه يا امي ما شايف الانتي بتتكلمي عنو دا كلوووو
_اي اتعميت انت عشان كداا ، المهم كفاكم بعد دا يلا سوقا وارجعوة
*نرجع! امي لو سمحتي خلينا بي راحتنا و بعدين دا شنو!
_شنووووو؟
*وينو التوب الجديد والقشزة القلتيها ، تةبك دا قديم
_ااااا ااا اا ااي اي ما دا زاتو جديد
*دا قديم يا امي ، مالك م اشتريتي ؟
_الوقت ضاق بي
*تمام طيب انا بمشي لاصحابي
_كوييس
قمتا مع نون ، بنوزع حاجات كدا هم عاملنها زي الفال لكن م عرفتا، والله نون دي عاملتني معامله احسن من البيعرفوني ، م خلتني براي نهائي ، و كل ما عيني تجي علي ام عثمان القاها تحمر لي و تخدر لي ..
نون قالت لي والله يا وهاد لو ما توبك دا اعتقد اولاد اهلنا ديل كلهم كانو جو اتقدموو ليكي ، قعدت اضحك قلت ليها ما تشطحي يا بتنااا ، قالت لي والله جادة. عارفه نفسي اعرفك بي مهرة اختي بس حالياً ما حتستوعب حاجة ههه ، قلت ليها في وقت اوسع ان شاءالله ، اسمعيتي دايرة حمام يا نون ، قالت لي بعد المدخل دااك ، قلت ليها تمام بس م تختفي لمن ارجع ، قالت لي بجي معاكي ، قلت ليها اصلا دايرة اقول ليكي كداا بس اترددتا هههه ، قالت لي يلااا ..
سبحان الله ماشين كدااا علي الحمامات ، جات خالتا خمشتا مني ومشت هه ، انا كملتا
و بتلفت لمن عرفتهاا ، بس قبل اوصل ليها في ممر و دا بيودي لحممات الرجال ، في كل الاحوال كنت بعيده عن الاتنين ..
( في جانب تاني )
_حتستفيدي شنو ؟ّ
*انا متأكدة حيكون ساقا معاهو وغشاني
_ياخ ليه ما يسوقا دي مش مرتو
*لا لا انا مرتوووووو وكلها مسألة وقت
_ما تتهوري ، اي تصرف حتتصرفيهو اسي محسوب عليكي
*اليحصل يحصل ، انا ضامناهو في يدي
_طيباسمعي كلامي ما تمشي اسي
*لا حامشي
_ياخ الصاله بعيده عاني انحنا وين و الصالة وين ، هبله انتي ترجعي انصاص الليالي براكي
*اي هبله عليكي الله خليني اسي
_خليتك بس بكرة ما تجي تندبي هنااا
*انتي معاي ولا علي ؟
_انا بوعيكي بس م دايراكي تغلطي غلطه تتحسب عليكي
*شوفي انا اسي مولعه نار
_براكي كبرتي الموضوع
*انتي عشان ما مكاني و ما حاسه بي ناري عشان كدا بتقولي كلامك دا
_انا البعرفو اني عشان برا موضوعكم دا بقدر احكم وانصح بصورة سليمة من غير ما عاطفتي تتحكم فيني وانحاز لطرف معين ،و ما تنسي هي كمان كانت صاحبتنا برضو ،و حاجة اهم من الكلام دا كلووو ، جوطتك و كلامك دا مجرد افتراض ، مافي اي اثبات ولا دليل انه ساقها معاهو العرس لانه هو لو داير يسوقا ماكان كلمك بالعرس دا اساسااّ...
*اممممممم قلتي كداا ؟
_ايوة ،روووقي و لمن يرجع اصلا حيتصل عليكي و بهداوةو بشطارتك انتي اسحبي منو الكلام
*طيب لو كذب علي اعرف كيف ؟
_لازم تكون في ثقه
*صعب اثق في واحد #بيخون مرتو معاي !
يتبع .....
أنت تقرأ
عقيمة ولكن
Mistério / Suspense📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
