عقيمة ولكن

الجزء 49

*ااااي ، انا #عاقر ، ابقي مرة انتي وجيبي ليهو الولد وانا بحلق شعري دا صلعه ،و ابوي ما يبقى جابني لو حملتي منووو...

_انتي ناوية تعملي لي شنووو ؟ هاا اعترفي غيرتك فاتت كل التوقعات ، لمن ماقادر ان راجلم يعرس فيك مالك ما اجتهدتي تجيبي ليهو الولد النفسو بيهوو ؟

*قلت ليها اجتهدي انتي وجيبيهوو ليهو ...*في صوت قاطعنا ، وكانت نوون ، قالت ليها تجتهد كييف يعني يا مدام عثمان ! دا رزق من الله و الله داير كدااا ، اذا م عندك احترام للناس علي الاقل احترمي خلقة ربك يا شيخه .. قالت لي نون ، اكيييييييد طبعا لازم تدافعي ليهاا شكلك من صحباتا الافات ديل .. قلت ليها هي هي انتي اللفات ديل اشكالك يختي البعرسن رجال النساوين والبعرسن رجال صحباتن ، اوعي تقلي ادبك كله الا نون ستتتتتك وتاج راسك ، اوووعي .. نون جات مسكتني ، قالت لي خلاص يا وهاد خليها ، غايتو الله يعينك يا لطيييف يا لطييف صحي الطيور علي اشكالها تقع ..

قلت ليها سايقاني وين يا نون اقيفي اسوي ليكي عصير و نطلع ..قالت لي لا انا ما دايرة اي شي تعالي بس دايرة اتكلم معاكي ، قلت ليها نشرب ونتكلم ، قالت لي تشربي شنو انتي كلو سكر ، قلت ليها بمسخو ياخ ، اقيفي دقايق بس .. طبعا اختنا في الله واقفة و تتفرج ... نون قالت لي دا شنو الابساهو دا ما بتخجل ! قلت ليهاا عروسه وفرحانة خليها تفرح هههههه، قالت لي وانا حالتي جاية مقلقه عليكي وووب ، قلت ليها تقلقي علي في شنو ؟ قالت لي يا بت انتي باردة كدا مالك ، راجلك معرس فيكي وحدة جربوعه زي دي وم فارق معاكي .. قلت ليها لا م بفرق معاي ، لاني حأتطلق بس ما اسي ، قالت لي منتظرة لمن يجيب فيكي التالته ؟

قلت ليها يجيبهم حداشر شفتي لو يعملن فريق كورة ، داا طرفي منووو... قالت لي ارح نقعد ، قلت ليها في غرفتي ارح ..

فعلااا ، طلعناا ...

( في جانب تاني)ّ

*اها رايك شنو ؟

_عاين انا ما عارف التنفيذ حييكلف كم ولا شنو الممكن نخسرو ، بس متاكد لو طبع بنفس الجودة والطريقه دي ، انحنا حنوزع برا السودان بدل نستورد ..وانا شايف عندنا التقنيات و صدقني لو حجر واحد من ديل ااتعرض علي الجماعه انحنا حنكسب الموضوع داا .. وفي كل الاحوال انحنا الكسبانين ..

*لا ثقة لاااا م داير اي ثقه زيادة ، انحنا نعمل العلينا وحسب العرفتو عثمان سدد نص الديون ، و حاسس ان في طرف بيدعموو ..

_اكيد بيكون اتسلف

*م معروف بس حنجتهد

_م وريتني المبدع العمل التصاميم دي انا من راي نتعاقد معاهو والله

* ههههه م حتصدق والله عشان كدا خليها لوقتها

_انت ولا منو ؟