حأتقاضى عن تعليقاتكم التسم البدن .. و حأكمل بكل سرور
و كبتا في العصير ، و فتحت الدولاب حق الحلل ، و دست فيهو شريط الحبووو .. قلبت العصير بالمعلقه و جات مارقه ، ...
انا جريت علي الكرسي ، عملت روحي قاعده وبهبش في الاكل ، جات تعاين لي و ختت لي العصير و قعدت قصادي و متمحنة ، بين مصدومة وبين دايرة اتهرب من الشي دا و بين دايرة اعرف الكبسولة دي حقت شنوو ، بقيت عايشه صراع نفسي عنيف في دقايق ، قاطعت تفكيري ،قالت لي مالك بتلعبي بالمعلقه اكلي قومي خلينا نمش !
قلت ليها طيب قومي اللبسي مسافة اكل ، قالت لي انا ما عندي حاجة توبي يدا ليهو جمبي .. حسيت بي ورطه
قمتا ،قالت لي ماشه وين ؟ قلت ليها ماشه المطبخ اخد حقنتي ! قالت لي اهاااا تمام..
دخلتا شلت حقنتي و بسخن فيها وبفكر اعمل شنو اسي في الورطه دي ، ياربي !
سجمي م تكون عايزة تقتلني كمان ، ياااربي
صح الانسولين حقي م حتقدر تخت لي فيهو حاجة ،طيب اسوي شنو اسي !
انا لازم انتبه للحبوب حقتي ما تقوم تبدلا لي. ، يا الله ، دا شنو البيحصل لي دا يا رب ، طيب الكبسولة دي حقت شنووو !
اتزكرت البت الفي العرس ،كانت واقفه مع ام عثمان !
في حاجة غلط ! عايزة تسوي فيني شنو ، تسممني يمكن لا ، ما بصدق لالالا مستحيل ، هي بشر برضو واكيد لالالا ، انا فاهمه غلط ، انا ما اذيتها بي حاجة والله ،لالا ما للدرجة دي طيب طيب بسم الله ، بسم الله ، يا رب بيحصل معاي شنوو اناا ....
طيب البت ديك منوووو،و وليه قالت كدا قدام الناس ،وليه هو ما سكتااا !
لا البيحصل دا مستحيل ، يا رب تساعدني يااا رب ، يا اضعف يا اقوى .......
فجاة حسي بيها واقفه جمب باب المطبخ قالت لي مجنونة انتي ! في شنو ساعه عشان تاخدي حقنة ؟ مش قلت ليكي طالعين مشوااار خلصيني بسرعه .. ومشت
قلبي دا سغال ضررررب ، بس بالي مشى انها يمكن دايرة تسوقني حته و تقتلني بعيد عن البيت ولا تعمل فيني مصيبة زمان ، اوووف يا رب تساعدني يا رب يااااارب ..
اتوكلتا و طعنتا الحقنه ، ورجعتها التلاجة ، سمعتها بتتكلم تلفون ...
جريت طلعت برااا ، و قعدت في الطاوله و قعدت اكل لاني طعنت الحقنة مجبرة و الله وانا باكل خطر علي بالي ان ممكن تكون ختت لي حاجة في الاكل برضووو ، تفيتو من خشمي و قعدت اقح عملت فيهاا اتشرقتا ، و انا قايمة شلت كباية العصير معاي ،وهي بتتكلم تلفون وتعاين لي .. بس جريت المطبخ من الماسورة بغسل في وشي و كبيت نص الكبايه في حوض العدة ، و النص الباقي خليتو في المسطبه .. جاتني وخاته يدها في التلفون ، قالت لي في شنو ؟ قلت ليها شرقه عاديه ، قالت لي طيب كملي اكلك ..
حاولت اوهما بيني و بين نفسي ، قلت استغل الموقف لصالحي ، قلت ليها عندي طمام و ريحة الطبيخ زعجتني ، ما قادرة اكل ، حعمل سندوتش جبنة ولا اي حاجة عشان بس ماخدة العلاج ...
قلت لي شنوو شنوووو ( بي خلعه كدا )
قلت ليها عادي بسيطه ، بس دا الحاسه بيهوووو ،، قالت لي اسمعي هناا ،المشوار الكنا ماشين ليهو اتلغى .. ارح اوديكي الدكتور اكشف عليكي يمكن دا حمل ..قلت ليها لالالا ماقادرة امشي اسي راسي لافي ( للاسف م كنت قايلة اني بكلامي دا بجني علي نفسي واخت روحي علي المحك !!)..
عاينت ليها لقيت عيونها دي زي الشرار والله ،خوفتني شديد بقيت ما قادرة افسر هي حاسه بشنو بالضبط ..
قالت لي بي هررررشه انا قلت ليكي يلا الدكتوررر، لمت بقيت ارجف من جهامة الصوت ، بس في اللحظة دي جا عثمان داااخل ...
قالينا مالكم ! يا امي مالك واقفه كدا ؟
قالتي ليهوو ،، مرتك عندها طمام و وقلبة بطن و رجعت الاكل قبل شوية ! و دايرة اوديها الدكتور رافضه تمش معاي ..قلت ليها ما رافضه بس الموضوع ما مستاهل دكتور حاجو بسيطه واسي حتروح ....
يتبع .....
أنت تقرأ
عقيمة ولكن
Mystery / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
