عقيمة ولكن

الجزء 20

و ما خليت جيهه ما اتجيهتا ، لمن بعاين في المراية لمن خفت اسحر نفسي ..

ياسمين قالت لي ، ماشاءالله تبارك الله عاد يا وهاد في عرسك ما كنتي نايرة وجميله كدا ماشاءالله عيني باردة ما اسحرك ، اتحصني .. قلت ليها م للدرجة دي ، قالت لي ياتو يوم بتستقلي بجمالك ؟ قلت ليها ولا تكبر كمان بس حمدلله علي كل حال ربنا خلقني بيهو جميلة لان ربنا عايزني اذلع كدا هو خلقني في هيئة هو ارادو عشان كدا انا جميلة حمدلله ،، قالت لي نا انكر اني بحب عقليتك و فلسفتك ،، اها راجلك الما بيستاهلم دا بعد دا حيكسر الباب ، صحي يا وهاد ، ما بيخجل يمشي جمبك اسي عليكي الله ، ما عارفه شن جاب لجاب ،، قلت ليها عيب يا ياسمين ياخ القسمة بتدي و بعدين هو مالو ؟

قالت لي شين ومجلح واسنانو صفراا و 24 ساعه السجارة ف يدووو ، علي قولتك النصيب بيدي ،، قبل تتم كلامها خبط الباب لمن خفت يكون سمعهاا ، قلت ليهو من ورا الباب :

*اناولك الريحه حقتك ؟

_ممنوع ادخل ولا حاصل شنو ، بعدين اتاخرنا لسه انتي ؟ّ

*لا خلصتاا

_طيب افتحي خليني اتريح و ننزل انا جاهزز

*طيب ، ادخل .. ياسمين لفي طرحتك ..

_طيب ...

دخل وانا ورا الباب فتحت ليهو طوالي مشى علي التواليت ،، ياسمين قالت ليهو اهلا و طلعت وانا وراها وهو ولا فكر يشوفني اصلاا ،،مسكتني و نزلناا الصاله التحت ،قالت لي وووب علي من دم البقر ولا رفع راسو عاين ليكي ،، قلت ليها انا متجيهه لي نفسي ما عشان زول ..قالت لي شوفي انا حاطلع بعد دا ، قلت ليها استني نوصلك ، قالت لي لا طبعا وباستني وجرت ..

انا طلعت جمب باب الشارع بي برا بعاين ليها لمن مشت ،و جا عثمان طالع ...قالي يلا يلا اتاخرناا ، و ما كان متلفت علي ، فجاة قبل علي و بيتكلم ، فضل فاتح خشموو ومخلوووع وساكت ، لاني ما طايقاهو نظرات الاعجاب الفي عيونو كانت بتحرق قلبي من جوااا ،،قلت ليهو اسي قلت اتاخرنا حنفضل واقفين كدا كتير ؟

قالي غطي شعرك من قدام ( بي تمتمة ) قلت ليهو انا حاباهو كداا ، قالي يلااا ،ماشي قدامي ومتوتر لمن اتعتر من ولا شي ، لدرجةفتح لي الباب قدام ، ابيت اركب ، فتحت الباب الوراا ، قالي معليش اليوم دا استحمليهو واضغطي علي نفسك شويه ،انحنا حننزل قدام قاعه م مامعروف منو يشوفنا ، فا لازم تركبي جمبي ...سكتا مسافه

وجيت ركبت قدام ، و هو ركب و دور ،و طول السكة كان متوتر لمن يدو بترجف ،صحي الرجال ديل راسهم بيجي من ولا شي ما كان بيرفع عينو فيني ، رغم اني ما مهمله في نفسي ( بعتذر علي التعميم بس مسار القصه ) ..

لدرجة فتح غنيه رومنسيه كداا ، وانا كمان اعجبكم في البرود ، فتحت تلفوني و بقيت اهبش و اتكلم مع ياسمين واضحك زي الما جمبي ، قالت لي اتصور ليها ، اتصورت كذا لقطه ، هو انتبه واتضايق شديد، قالي بتعملي في شنو ؟ عاينت ليهو وما رديت ، قالي وهاد ما تسفهيني بتكلم معاك انا ، قلت ليهو البعملو م محتاج شرح قدان عيونك بتصور ،، قالي لشنو يعني ؟ قلت ليهوو خلقتي وانا حرة ان شاءالله اولع في نفسي ما ليك دخل ،، قالي سوال واد و ردي علي قدروو ، بتتصوري ليه ؟

قلت ليهو معجبة بنفسي ،انا زولة فرحانه وحابة اتصور ، في مانع ؟

قالي لا .... سكت منو ، واصلا سبب انفعالي اني ما شغاله بيهو ولا بالغنيه المشغلاا .. بعدها بشويه قالي وصلنا ،، فتحت الباب و نزلتا و سامعه صوت الاغاني ..

مشيت لمن هو يقفل العربية و يجي ، جا لاحقني مسكني من يدي ، حاولت افك يدو ، شد علي يدي ومسكا شديد عظان ما اسحبا ، و قابل ولدين بيعرفهم قبل ندخل ، سلم عليهم سلام حار كداا ، و سلمو علي من غير مصافحه رديت ، رجع تاني مسكني و دخلنا الصالة ،،وانحنا داخلين حسيت برهبه كدا من قوة الاضاءة ..

و الناس كانو بعاينو لينا ،كأنو في حكم صفر انو انحنا داخلين .. والضحكة الكانت في وش عثمان بتدل علي انه فرحان بي ولا فخور بي ولا قاشر بي ما كنت فاهمه صراحه .. حس بي متوترة ، قالي الصالة سمحه صح ،م رديت عليهو ، قالي طيب فكي وشك ،برضو ما رديت عليهوو .. لمن وصلن تربيزة كدا م كان فيها زول غيرنا ، انا قعدت و هو فضل واقف جا دكتور محمد حضنو وسلم عليو ، و مشي معاهو وخلاني براي في للتربيزة ..

و طبعا ما عارفه اي زول ،بعد شوية جاتني وحدة منقبة .. قالت لي ازيك وهاد ( مدت لي يدها ) ، قالت لي وهاد صح ؟

قلت ليها ايوة ،و مديت يدي و سلمت عليهاا ،، قلت ليها م عرفتك معليش .. قالت لي احسن كدا انك م تعرفيني ، لان معرفتك بي ممكن تهدم زواجك .. و صراحه طلعتي اجمل من ما اتخيلتك .. و مشت ..

يتبع .....