عقيمة ولكن

الجزء 36

قاليها التقرير الطبي بيقول ان وهاد #عاقر !

طبعا انا بدل صوتو بقيت بسمع صوت البت الامس في المركز حق التحليل ، انه النتيجة حقتي حتطلع سلبية ،واني حاكون عاقر !

سكتاا و ما اتكلمتا .. مشيت شلت التحليل

و طلعت غرفتي ..

قعدت في السرير و فتحت التقرير .. لقيت نصو انجليزي ، طوالي فتحت تلفوني و ترجمته الكلام .. و التقرير بيقول ان عندي مشكلة في الرحم و ما بقدر احمل بنسبة 95%، و العلاج ان وجد حيكون خارج السودان و نتيجة غير مضمونة.. قفلت التقرير ،وسرحتا بقيت حاسه بنفسي ما واعيه و بقول و بكرر ،، يا ربي انا حأجن

يا رب يارب يارب ، تقويني يا رب عقلي ما يروح مني و انا بحاول استوعب الحاجة دي يااارب تديني القوة يا رب ، يا الله يا كريم تسهل علي امري ، انا كداا في و رطه كبيرة ، انا ما قادرة استوعب و الله يا ربنا انا ما بعترض علي ارادتك و علي حكمك بس كمان صعبة اتعايش مع اسرة زي دي و يلقو فيني عيب والله صعبه ، يا الله ..

كنت متوقعه منهم ردود فعل بس ما لقيتا منهم ، بس بعد شوية جاني عثمان قالي انحنا معزومين غدا ، عند بيت صحبي ، قومي اجهزي و اي زول يسالك عن الفي وشك دا قولي انك وقعتي او اي عذر ، ولو الغدا دا ما مهم بالنسبه لشغلي ما بسوقك معانا ..

انسان حقير ، كل حاجة عندو مصالح ، م عندو خوة نضيفه ، انا كمان قمتا فتحتا دولابي ، شفت طقماتي الجداد ، في اللحظة دي تلفوني رن ، شفت اسم ياسمين ع الشاشه اتزكرت انها قالت جاية ،. رديت ليها ،قالت لي انا تحت و مستعجله ، انزلي شيلي الابتوب بسرعه .. لبست توبي و جريت نزلت ليها وانا ملتمة وشي ،سلمت عليها ،شلتو ورجعنا طلعتااا .. ختيتو في دولابي ،، طلعت لي لبسه ،،لبستها ،وانا شاطرة في المكياج شديد ممكن ادس الكدمات دي ، بعد قلت ما حادسها ، تاني قلتا عشان منظري اناا ، قعدتا زبطتا وشي بالمكياج زي المافيهو حاجة ، ختيت طرحتي في راسي و نزلتا .. ( طبعاً مستغربين ان زعلي علي نتيجة التحاليل اتلاشي سريع ... بس حتعرفو كل حاجة في وقتها ، زمن المسكنة فات و ولى ) ..

نزلتا و قعدتا في الصالة ، لمن هما لبسو و جو ، طبعا ما تفوتكم نظرات امو لي ، الاستحقار. والغيرة ..

طلعنا علي العربيه ،طبعا امو قدام وانا وراا

( في جانب تاني )

* انا راجع البيت

_طيب و عينات الرخام الجابوها دي

*ما مشكله بسهر عليها بليل و بديك خبر

_كرم ، في شنو حاصل معاك ، وش الارهاق لابسو لبس في شنو ؟ لو في مشكلة في الشغل ما تدسها عشان نعالج الموضوع انحنا شغالين معاك ليه اذا حتشيل الهم براك.