عقيمة ولكن

الجزء 52

عثمان قاليهوو ،، يا سلاااام بتكورك فيني في مرتي كمان ! تماضر قالت ليهو مش قلت ليك حبيبي صدقت كلامي اسي !

قلت ل كرم ، بقدر ارد علي الاشكال دي ما يفوتك ، قالي اللبسي وانجري معاي ، ام محمد قالت لاحول ولاقوة الا بالله ،، قاليها مالك يا حجة ! قالت ليهو الله يضوقك الضوقتو للبت دي اضعاف اضعاف ، محمد قاليها خلي يا امي ،فاكر الرجولة مد يد ، وكسر رقبة، قاليهو ي محمد اسكت مني عشان م اخسرك للاخر .. محمد قاليهو وخير يا طير خسارتك ما بتدخلني الجنة ! ،، قلت ليهو ما ماشة بايته هنا الليله ، قالي وهاد ! كلامي واضح عشان ماتشوفي شي م يعجبك .. تماضر قالت ليهو خليها العاقر دي ، قلت ليها هاهاهاهاها مش انتي حتجيبي ليهو الولد فالحه تحبي اوريهم جبتي كيف اااا ولا استرك ، جنيتي علي نفسك وقعدتي اشرررربي ، قمتا قلت ليهو صحي عثمان مبرووك الحمل .. طوالي عاين لي مرتو قاليها دا كلام شنو ؟ طبعا حبت تدلع و تعمل حركات ،. قالت ليهو عاملاها ليك مفاجاه حبيبي ،، قلت ليهو مخلوع مالك ؟

قالي انتي المخلوعه لو مرة كان جبتي ،، نزلت ليهو قريب ، قلت ليهو وانت لو راجل كان جبتو ! يا مريض .. اتصالح مع نفسك ولو مرة وحدة بس بي حقيقتك ، العجز من الله والمرض من الله والاولاد من الله ، لو كلمتني من البدايه من غير العملتو فيني انت وامك كان حيحصل شنو ؟ امك عملت المستحيل عشان تثبت العيب فيني في حين انها عارفه ان العيب فيك مافيني انا ، لكن ربك ما بخلي حق يا عثمان ، وانا عارفه انك مستحيل تجيب اولاد الا بارادة الله ، تقدر توريني مرتك حملت كيف ؟ وريهو يا تماضرررر خلي يقتنع ويعرف منو الافة فينااا ! ّ

سكتت من الخلعه لمن اترتعت وهي عايزة تطلع .. قلت ليهوو حقي بجيبو من عيونك انت وامك ، شفتا من عيونكم انا بجيبووووو ، بس اياك واياك تترجاني ، لان م حتكون عندي رحمة في وقتهااا ،،

و مشيت غرفت نون وخليتهم مع بعض ، ببفتشو للباب اليمرقن ،، سمعتو بيقول كذابة كذااابة ، كذااابه ..

بعدها اتصلت علي ابوي ، بعد سلمت عليهو ، قلت ليهو انا بكرة جاية عندكم ، قالي بتستأذني في بيتك ؟ قلت ليهو بقصد عايزاك تكون موجود بأذن الله ، وحتي اعمامي وخيلاني لو بيقدرو يجو عندنا المساء ،، قالي في شنو كلامك دا ما عادي ، قلت ليهو اصلو ما تقلق والله كلوو خير يا ابوي ، وسلم لي علي امي واخواتي كان معاكم ، و شلت رضاهو وقفلتا منوو .. ّجاتني نون ، قالت لي بتتكلمي مع منو ؟ ّ

قلت ليها مع ابوي ، قالت لي خير ! قلت ليها خير ، بس بكرة وريتو اني بجي البيت وعايزة خيلاني واعمامي يكونو موحودين بالمساء ، باختصار الرجال الكانو واقفين يوم عرسي ، قالت لي ياريتني ابقي زيك واحسم فوضى كتيرة في حياتي .. قلت ليها كلمة واحدة من امك العسل دي والله تديكي. قوة كدا تكسري الدنيا دي كلها و ما يفرق معاكي هههه ، قالت لي والله عجبتيني خليتيهم بتراجفو زي السواسيو الدقتهم مطرة ، قلت ليها انا ة بحب استضعف زول بس هما الوصلوني للمرحله دي يا نون و ماف زول حيفضل مسكين ويتحمل فوق ، طاقتو دا لسه غير بلاوي تانيه انا ما اتكلمت عنها لمصلحه الشغل حالياً لسه وقتها م جا .. قالت لي علاقه الشغل شنو ؟

قلت ليها اسرار شغل ، بس بكرة م بعيد حتعرفي كل حاجة يلا خليني انوم ونومي انتي كمان .. قالت لي يلااا ...

( في جانب عثمان )

ياااا امي يااااا امي ويخبط و يرزع قداموووو ، ياااااا امي قووومي ما تعملي لي فيها عيانه ، قوومي وريني العرف منو ، منو الكلم وهاد بي عقمي ،عرفت كيف ، ردي لي ما تسكتي كداا ، وانتي يا زفته يا تماضر الليله اانا بوريك يا بت الكلب ،.

مشى عليها بالقاش ، وقع خبت فيهاا ، داا جزااي يا جعانه يا مقطعه لميتك انتي واهلك وعيشتك في بيت عمرك كلو م نحلمي بيهو ، بصرف عليكي و بديكي الدايراهووو ، دب اخرتها تخونيني يا تافهه يا حقيرة ،انا حبيتك طعنتيني في ضهري ، والله الا تموتي في يدي ، شوووفي دا ولد منو الفي بطنك دا ما تلصقي فوقي انااا يا بتاعت الشوارع ..... الخ

،، هنااا في عبرة بسيطة ، مرات الحقد والكراهذة والغيرة بتوصل لمراحل من التصرفات الغريبه بتدخل في مرحلة الاوعي ، تكون خاتي انك داذر تصل لفلان دا وتعمل وتسوي وتثبت انك الاحسن والافضل و تجبر نفسك تسلك طرق حتي لو كانت محرمة عشان تصل لهدفك ،بس والله ربنا ما بيقبل بالغلط مهما ربنا سترك ، بيسترك عشان تراجع نفسك ما عشان تستمر في الغلط .. و دي نهاية الخيانه كله الا خيانه الزوج بغض النظر عن اخلاقوو .. عاينو تحت رجلينكم ما تعاينوو قدامكم..

يتبع ...