عقيمة ولكن

الجزء 39

_يا لطيف منك يا كرم ياخ م تبقي صعب كدا الراجل دا عندو امو و مرتو ما بينفع يخليهم براهم في البيت !

*مرتو !!!

_ايوة مرتو مالك مسكت في الكلمة دي !

*ولا حاجة .. اسحب ليهو نص القرض بكرة و بعد 30 يوم يسدد لي المبلغ كامل و م داير عوايد ، ..

_تمام ..

انا ونون قاعدين نتونس و بتحكي لي عن جامعتا و عن صحباتهاا ،و عن حياتها عامتاً، رغم وضعهم الواو الا انها بسيطه شديد ، مكيجتها و اتصورناا، ما انكر غيرت لي مزاجي شديد ، جات الساعه 9 و عثمان م رجع ، قلت ليها عثمان اتأخر شديد ، كدي يا نون انا حنزل اشوف ام عثمان وضعها شنو صانة كدا ،، ( بيني و بين نفسي وضعها ما عاجبني اليوم كلو كلووو ،ساكته يا سرحانه يا بتحرد فيني ، الله يستر م تكون بتخطط لي مصيبة ) ..

و انا نازلة ، و كرم صاري وشو و طالع .. عاين لي و بدون تردد قالي ، خلي بالك من نفسك و مافي حاجة تجبرك تجي علي نفسك ،، و مشى ، شي غريب انا لحد الان لو اتبادلتا معاهو الكلام عندي باقي لماضه م تميتا ، كدا بحس براحة لمن اتلائم معاهووو ،، لو وقف شوية كنت حاقوليهوو دخلك شنوو ، بس مشى ..

( في جانب تاني )

_التغير ما كدا يا سهى

*لا كدااا اخدت شنو انا من المسكنة غير الضرب علي القفاااا ، اخدت شنوو غير انه امي ماتت وانا ما عارفاها اذا راضيه عني ولالا

_يا سهي في حاجة اسمها قانووون دقي بابو

*القانون لا يحمي المغفلين وانا اكبر مغفلة شوفي فاتت كم سنة ولحد اللحظة دي انا بتحسر علي حالي و علي حب حياتي ، صعب صعب يا منال الله لاختاك مكاني ، وعسان الوجع الانا عشتو مافي زول حاسيهو ولا بتمني زول يحسوو ، انا بي دوري هنا امشي احمي بت الناس دي ، العشتو انا مالازام تعيشو هي ، و سبحان الله يا منال ، كأن الزمن قاعد يعيد في نفسوو ،و عشان الزمن قاعد يعيد في نفسو و الفرصه الراحت و ضيعتها من يدي ، اسي جاتني تاني و انا مأضيعا من نفسي ...

_ما خايفة منه

* هئ ليكي حق تقولي كداا لأنك م بتعرفي عثمان ، دا ود اموو ، ما ينخاف منو لانه معليش يعني في الكلمة ، مُسير ما مخير

_طيب الخوف من امووو

*امو زاتا ما حتقدر تعمل لي حاجة ،

_ليه مالية يدك ككداا ؟

*لان معاي نسخ من التقارير الطبيه كلهاا ، و اسي دا فايل و فيهو كل ال ...*جزئية معلقة*

_طيب ليه ما كشفتيها في وقتها يا سهي

*يا منال لحد ما عرفت الحقيقه كان الوقت فات ، بعد وفاة امي بيوم قدرتا اتحصل علي الاوراق دي ،واني اكشفاا في الوقت داك كانت شينة في حقي و ما حتوجعووو ،، لكن اسي دا الوقت المناسب ، انه يضوق الضوقني ليهو هو امووووو ،ّ....

_ طيب خليكي مم عثمان ، عملتي شنو مع خالك ؟

*اتنازل لي من الورث الحرمني منو اسكتي يا منال ايام الله لا عادااا

_اسمعي انا عندي نذة اسافر عمرة رمضان الجاي دا ، رايك شنو تسافري معاي تعملي عمرة لامك ، و دخلي ليك كم كيس اسمنت في جامع بيتبني ، و ادعي ليها لاني متاكدة لو كانت عرفت الحقيقه م كانت شالت منك بالعكس كانت عفت منك ، و بالمرة تبقي ليكي صفحه جديده ..

*اكيد يا منال ، اكيد ... كل شي بيحصل في الدنيا دي لخيرررر وحرقة قلبي ما تعدي علي خير ... المهم ،زولتك دي قدرت تجيب لي الرقم ؟

_ااي اكتبي عندك

* ما عارفه اجازيك كيف والله يا منال ، ريحتيني شديد فترتا من لبس النقاب و المرازية من مكان لمكان

_ ما بيناتنا كل همي اشوفك مرتاحه كفاياك تعب ياااخ .. اكتبي اكتبي ..

مشيت الصالة ، لقيتا نايمة ولا مغفية علي الكنبة ،ام محمد قالت لي خليهاا نايمة لمن عثمان يجي لاني قدر ما حنستهاا تبيتو معانا رفضت .. قلت ليها معاكي رقم عثمان ؟

طبعاً اتخلعت قالت لي راجلك و ما معاك رقمو ؟ بقيت اتمتم ، قلت ليهاا ممم تت تتلفوني طفا شحن عشان كداا .. ّ

قالت لي ايووة ، دقيقه انادي ليك محمد ..

مشيت قعدت لي في كنبة ..

نادتو لي جاا ،، قعد و ما ماسك تلفونو ، قلت ليهو خالتو كلمتك ؟ انا عايزة رقم عثمتن عشان تلفوني طفا شحن !

قالي خليك من عثمان ورقمو و تلفونك ،، و ........سكت .. لاحظت لعينو مركزة في حته فيني .. لمن اتوترتااا

قلت ليهو ففف في شنوووو ! عاينت لنفسي محل عينوو ، لقيت كمي متني من وقت كنت مع نون في غربتا و ما رجعتو تاني. ،، عاينت لقيتو بعاين في الكدمات و البقع الفي يدي ،، قالي دا شنووو ؟

طوالي جريت الكم حقي ..

قالي وهاد دا شنو ؟ قلت ليهو عادي اثر وقعه ، عاديه. ، قالي كدي يدك التانيه !

قلت ليهو مافي حاجة المهم اديني رقم عثمان ، قالي عثمان شنو وزفت شنو ارفعي الكم دااا !

لمن امو جات جارية ، وانحنا م قاعدين في نفس الكنب النايمة فيهو ام عثمان ، قاعدين مقابل ليها بمسافة ..

قالت ليهو محمد مالك بتكورك !

قاليها دقيقه يا امي عليكي الله ، ارفعي الكم دا يا وهاد !

يتبع .....