عقيمة ولكن

الجزء 33

ياجماعه ارحموني عليكم الله عليكم الله ،تااني عليكم الله ياخ 😢 ، ماهو ما جديد عليكم اني انزل اربعه حلقات في اليوم ، انا يدي ما آلة م كاتبة ، الحلقة الوحدة من الاربعه ديل ، انتي ما عارفه بتاخد مني مجهود قدر شنوو اقسم بالله من السهر طلعت لي هالات بقيت شبه دب الباندا 🐼 ، الانتي بتقريها في ثواني دي انا بكون تعبانه فيها ليالي لحد م ارتب الاحداث دي ، بالله شوية تقدير .

قالت لي ايوة ، وعشان تكوني عارفه نتيجة التحليل حقتك حتطلع سلبي ، قلت ليها كيف ؟ قالت لي يعني التقرير الطبي حيقول انك #عقيمة !

قلت ليها ش شش شنو ! شنوو بتقولي في شنو انتي و ... ، فجاة قامت من شافت ام عثمان جاية من بعيد .. و بعاين فيها دايرة اديها رقمي انا ليه غبية كداا ، ودي شكلها نفس الزوله بتاعت العرس ، انا البحصل في حياتي دا ما عادي .. ام عثمان جات ، قالت لي قومي داخلين .. قمتا معاها ، سحبو مني دم ، وشالو بول ، و كم كشف كداا ،، غريب كأنه من خلاله حيطلع تقرير طبي .. قالو التحاليل بتطلع المساء .. ّ

طوالي طلعنا ، وانا بتلفت بفتش في الزوله دي ، ام عثمان ، قالت لي مالك انتي ؟

قلت ليها مالي ؟ قالت لي بتتلفتي زي الحرامية كدا ،قلت ليها اها ، مافي حاجة، ركبنا العربية الكانت مستنيانا ، و اتجهنا علي البيت ، وام عثماندي تشيل و تتبسم ، وانا بالي مشغول ..

طيب هي عرفت من وين نتيجة التحاليل !!

وعرفت من وين مكاني و تحديداً كمان في المعمل دااا ؟

وشنو التقارير البتتكلم عنها دي ؟

طيب اذا انا ما حامل انا شنوووو ؟؟ّ

وصلنا البيت .. مع دخلتنا كدا ام عثمان جاها اتصال ، والفهمتو انو ضيوف جايننا ، كانت متوترة شديد , دخلنا البيت ..قالت لي اسمعي انا جايني ضيوف و ياهم ناس العرس ديلاك زاتهم ، اياكي اياكي تطلعي من غرفتك عشان ما يشوفو منظر وشك دا فاهمه ، اذا سألوني حأقول عند اهلك ، لانو جاية معاها بتهاا ..

سكتا ، و طلعت غرفتي

بعد دايرة اغير ،جاتني قالت لي اسمعي ، امشي السوبر ماركت الناصية ، جيبي لبن قبل يجو سرعه عشان هما في السكة ،، قلت ليها تمام ، خليتا طلعت ، شلت قروش من شنطتي عشان احول رصيد ، و نزلتا سرعه ، وفعلا ٠كنت محتاجة الطلعه دي نفسيتي كعبه شديد نفسي اكورك واصرخ ،نفسي القى زول يحس بي و اقدر اشكي ليهوو ، نفسي احس اني عايشه .. لقيت دموعي دي جرت ، وصلتا الماركت وقفت مسافه لمن قدرت اشتري كان زحمة و ما يفوتكم الناس عملتني فرجة كانو بعاينو في وشي المشوه ، بس خلصتا ،و مشيت جمبو حولتا رصيد ،،

و خلصتا وانا راجعه في الشارع ، ورجولي واجعاني وجسمي بينتح وجع ،اتزكرتا منظري وانا تحت يد عثمان والدق والاهانة الانا عايشه فيها و مافي امان ،

ممكن في اي وقت يحصل لي كداا ..والله قعدت ابكي وانا ماشه في الشارع ، لمن وصلت جمب البيت ، رجلي من الوجع اتشنجت ، قعدت في مسطبة ، وبقيت ببكي بي هيستيريا ، و ماسكة رجلي .. بس فجأة حسيت بزول واقف قدامي من الدموع لمن م قادرة احدد رؤيتي ، رفعت راسي ، لقيتو #اخو دكتور محمد ،،طوالي غطيت وشي بالطرحة .. حاولتا اقوم ، قالي خليكي زي م انتي ،وقعد علي رجولو قصادي ، جر الطرحه من وشي و نفسي القايم من البكي ،، حاولتا اقوم تاني ما قدرتا ، هو قام و قبل مني ومسك راسوو ..

طبعا في اللحظة دي ما عندي طاقة اتشاكل معاهو كالعاده ، بس خاته ف بالي مالازم زول يعرف حاجة و ام عثمان حتشاكلني عشان اتاخرتا ،كدا عرفتا انهم جو البيت ، و والله ماقادرة احرك رجلي من احركا تشمط و تتشنج ، بعاين ليهو فضل مسافه ماسك راسو ،جاني قالي قومي ،قلت ليهو بقوم براي ، و اعتبر نفسك ما شفتني ارجوك .. قالي حاخدك المستشفي ،قلت ليهو مستحيل و انت ماليك اي دخل بي فاهم ،، قالي ضاربك صح ؟

قلت ليهو انت منو عشان تتدخل في حاجة تخصني !قالي انتي ما شايفه نفسك عامله كيف ؟ قلت ليهو براك قلتها ، نفسي ، ما نفسك انت ، اذن م ليك دخل بي ، قالي لا لي دخل و كيف سايبنك وانتي بالحالة دي وشك لمن وارم ، انا حاتصل بعثمان،قلت ليهو اووع تسويهاااا لو سمحتاا ، انا ماف زول بيهمو امري لوسمحت م ليك دخل بي ولا بالشفتو ،فاهم ،لو سمحت انا بترجاك بعيد عن النقاشات البينا ،، تكيت في الحيطة و لفيت الطرحه في وشي،و ماشه لاذة نفسي لذ ، وهو واقف بعاين فيني وماسك راسوو ، ، وصلت البيت ، لذيت الباب ودخلتا علي المطبخ طوالي ، ختيت اللبن و ،و هما ماديني ضهرهم و بتونسو ، مشيت البيت بي ورا من باب براني و ممن هناك ، طلعت غرفتي ،زول انتبه لي مافي ،،

كانت في نون وامها و مرة كبيرة كدا و معاها بت ..وسمعتها وقت سالت مني ولمن تم عثمان قالت ليها مشت اهلها زعلت و اكتئبت ، ،،

يتبع .....