قاليها دقيقه يا امي عليكي الله ، ارفعي الكم دا يا وهاد !
رفعتو ،واليد دي م كان فيها غير بالجمبة ، قرب بعاين للكدامات ،، قالي دي وقعه ! قلت ليهو ااي من السلم كمان !
قالي وهاد .. شكلك نسيتي اني دكتور ، م عشان دكتور اسنان معناتو م قريت طب واني ما بقدر افرق بين الوقعه وبين الضرب !
قلت ليهو ضرب شنوووو قول بسم الله دا كلام شنوو ، امو قالت ليهو يا ولدي ضرب شنو بسم الله .. سكت ،قال لامه الوقت اتاخر ، خليهم يبيتوو و عثمان حيتاخر ،، و طلع ..
جات ام محمد رفعت اكمامي ، قلت لي كر عليك يا بتي ، انتي انتبهي السراميك دا فقر حمدلله ما كسرتي ليك حاجة ..
قامت جابت المويه الدافيه والله العظيم ،و بتعمل لي كمادات ، قالت لي كر علي و كمان قعدتك في الكانون وانتي تعبانه ليه ما كلمتيني يا بتي ، لا حول الله ولاقوة الا بالله .. فجاة قالت لي وهااااااد !
رجلك قبيل وقت مسكتك ما تكون من الوقعه وب علي ! قلت ليهااا لالااا عادي من القعده ، قالت لي يا حليلك ، الليله زاتو تبيتي معانا والله م شبعت منك ، و بكرة المساء تمشوو ،، قلت ليها انا عندي علاجات ، و ما جبت معاذ غير علي قدر اليوم ، لازم الصباح اخد حقنة ،، قالت لي عندك شنو ؟
قلت ليها سكري ، قالت لي صغيرة علي السكري ، قلت ليها المرض زي الموت ما بيعرف ليهو عمر ،. وانا متعايشه مع مرضي عادي و متيبلين بعض ، لانو ن عندي خيار تاني ، لازم احب الحاجة عشان اقدر اعيش ، قالت لي اريتني زيك والله ،، اسمعي علاجك شنوو اسمو اخلي محمد يجيبو ليكي ؟
قلت ليها ما حعرف الا اشوفو قدامي و انا ف البيت عندي كتير ، وقت ما يجي عثمان نمشي ، قالت لي لا والله ، ام عثمان غصبا عنها تبيت هنا ، لكن بيني وبينك حالها ما عاجبني مالها هي ؟
قلت ليها ما عارفه والله .. قالت لي لحظه طيب ،، طلعت فوق .. سمعت صوت رسالة ، طلعت التلفون عشان ااعملو صامت لاني قلت ليهم طافي شحن م ظريفه يشوفو شغال ،،
عاينت للشاشه لقيت رساله ،من رقم غريب ،مكتوب فيهااا ( ارفعي فراش السرير ، وارفعي اللحاف و طلعي كيس مخدتك و وريني حتلقي شنووو ) !
الرساله و ترتني شديد .. بس م لقيت افكر في حاجة ، جات ام محمد معاها كرم ، قالت لي قومي ، قلت ليها وين ؟ قالت لي امشي مع كرم الصيدليه شيلي علاجك ، يلت ليها لا انحنا حنمشي البيت وانا لازم امشي البيت اسي ، قالت لي بسم الله تمشي كيف براك ام عثمان نايمة وراجلك قال حيتاخر ،،
امشي مع كررم .. قلت ليها تمام .. قمتا علي حيلي ، هو ماشي قدامي وانا وراهااا ، طلعنا براا ، ركبت ورا ، و م اتكلم معاي ولا اتكلمت معاهو ، مسهمة في الرساله الجاتني !
أنت تقرأ
عقيمة ولكن
Mystery / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
