قلت ليهو ما رافضه بس الموضوع ما مستاهل دكتور حاجو بسيطه واسي حتروح ....
عاين لامو و عاين لي ، قالي قومي اطلعك سريرك ترتاحي ، امو قالت ليهو دا كلام شنو يا عثمان ، لازم اوديها دكتورة نساء ، م رد عليها بس بعاين ليها ،و قالي قووومي يا وهاد اطلعي غرفتك ارتاحي في سريرك .. امو سكتت
و جات جمبي ، قالت لي انتي شربتي العصير ولا اسوي ليكي تاني ؟ قلت ليها شربتو تسلم يدك ، تاني ما دايرة ، قالت لي تمام طمنتيني ، قلت ليها شنو ؟
قالت لي قصدي اطمنت عليكي يعني معدتك مليانه ، خايفه ليكي من الاغماء ،، قلت ليها اطمني بس حابه انوم شويه .. قالت لي تمام شوية وبجيب ليكي كباية عصير تانيه ، قلت ليها لا انا ما بشرب غير كباية وحدة في اليوم ،تسلمي لي يا غالية انتي زاتك خشي ريحي شوية ،،، حردت فيني كداا لمن قمت و جيت اطلع ، و عثمان ابيت اخليهو يهبشني بس طالع وراااي ..
( في جانب تاني )
انا مالي ؟
دا شنو البيحصل معاي داااا ؟
يا رب انا مالي ! ليه بفكر كتير كداا اووف
طيب انا مفروض ازعل منها ولا اكرها انا ما حصل زول اتطاول علي بالكلام ولا قالي حاجة تقلل مني ،تجي دي بكل بسهوله تبهدلني بالكلااام .... اااخ بس لو تعرف نضارتي دي لو بعت هدوما ما تقدر تجيب قزازة وحدة منهااا ، اوووف بس
مالي ما رديت عليها في وقتوو , ياخ انا مالي متناقض كدا ، طيب انا اسي مالي بيهااا ليه بفكر فيهااا كداااا من صحيت من النوم بالي ما ارتاح ولا هدااا ، اااخ بس لو الزمن يرجع لي ورااا ،ما كان رحمتها بالكلام ،، كريهه ...
طلعت غرفتي ، رقدتااا ..و جسمي برجف عثمان لاحظ لي ، قالي انتي بردانه ! وهااد ، انتي بردانة ؟ م رديت عليهووو ، قالي الله يستر م تكون ملارياا ياارب ،،
فتح الدولاب طلع بطانيه ، غطاني بيهاا ، و لمس رجولي لقاها تلج ،، قال غريبه مافي حمة والجو سخن ، م يكون السكر هابط ! طالع يجيب جهازي ، قلت ليهو ما هابط ، انا كويسه بس م حابة اتكلم حابة اكون براي ،، قالي انتي كويسه يعني ؟
قلت ليهوو ايوةة حمدلله..قالي طيب انا طالع اقعد مع امي لو احتجتي حاجة ولا حسيتي بحاجة ناديني ..م رديت
مع طلعتوو ، تلفوني رنة ،، عاينتا لقيتا ياسمين. رديت عليهاا :
*ياسمينة
_مالو صوتك ؟
*مالو ؟
_مابعرف بس غي شي ،طيب كنتي نايمة وصحيتك؟
*لا يا ياسمين بس قربته انوم
_مالك زهجانة طيب ؟
*ساي بس
_م تنسي انك حكيتي ليكي اول قصتك ، احكي م يكون عثمان مد يدو عليكي !
*لالالالا ياريت والله لو مد يدو علي ي ريت
_دا كلام شنو ؟
*متوترة وبتكلم م مرتاحة خليها وقت تاني
_ وهاد في شنو انا قلقتا
*ما تقلقي بس .... والله ما عارفه اقوليكي شنو ياياسمين لكن انا في ضيقة ما يعلم بيها الا الله والله و مرعوبة شديد يا ياسمين
_عايني وهاد قولي لا إله الا الله ،سيدنا محمد رسول الله ، براحه كدا فهميني لانو كلامك دا ولع بي نارو اسهز حاجة اجي اصلك البيت ، عشان كدا احكي و ما تحرقي روحي
*طيب
_قولي
*الليله من ضمن الايام امو قررت تسوي لي فطوري عشان كانت سايقاني مشوار ، المهم يا ياسمين باختصار شديد شفتها بتخت لي كبسولة في العصير و ما عارفاها حقت شنوو وداسة الشريط في المطبخ انتي متخيلة ، هي دايرة تسوي لي شنوو يا ياسمين والله مرعوبه الله اعلم من متين بتخت لي الحبوب دي في حاجاتي لمن خفت تبدل لي علاجتي الشيطان صور لي حاحات كتيرة بقيت حاسه بعدم امان انتي فاهمة ! حأجن يا ياسمين
_ياخ المرة دي شنو هي ياخ الله لا كسبا لا دنيا لا آخرة ، اعوز بالله ياخ ، وانتي عوارتك و مسكنتك دي لحد متين لمن تموتي يا هدلة انتي ، اسمعي الحاقولو ليكي و تنفذي بالحرف الواحد فاهمة يا وهاد ؟
*بحاول ..
_ يا بت انتي غبيه تحاولي شنو بطلي هبل دا اكيد لازم تنفذي م تبقي هبلة
*طيب قولي ....
يتبع ......
أنت تقرأ
عقيمة ولكن
Mystery / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
