_اااي اهرب ، انا العندي قلتووووو وما بتنازل عنو ان جا الجيش وريتك .....
*امي ! قلت ليكي صحبي جا ، حنسمع الناس خصوصياتنا يعني ولا شنوووو ؟
_سكتا ، انا طالعه زاتي ..
*لاحول ولاقوة الا بالله ..
بعدها الاتنين طلعو من الغرفة ، و بعدها بدقايق جا دكتور محمد و عثمان داخلين ، و كانت ونستهم بتدل علي اننهم اصحاب شدييد ، و عرفت ان محمد دا ما حضر عرسنا وانو كان برا السودانر، و انه زي العندو محل منافس لمحل ناس عثمان و نفس الشغل .. اغرب حاجة عثمان قاليهوو ، رايك شنو في عروستي ! اتخيلو حرفياً كدا ، حتي الدكتور اتردد و حاول يهزر ، قاليهو ، اصلاً ناس السكر حلوين ، ربنا يشفيها ليك !
عثمان اتفاجا و وقف علي حيلو وبغضب قاليهو ،. سكر شنو يا زول ؟
قاليهو روق ي عثمان السكر دا مرض عادي الايام دي م حاجه خطيرة ، بس خلي بالك منها !
عثمان رد ، قاليهو ، قصدك ان سكر عرضي ظهر ليها اسي ؟ ّ
قاليهو لا مدامك عندها سكري من بدري اعتقد و هي متعايشة معاهو و شكلها م اخدت العلاجات ، انت دورك تهتم بيها يا عثمان ! عثمان كان ساكت و مخلووع ومحمد بيتكلم بهدوء و ببساطه ، قام قاليهو ، يعني اسي هي ما عندها حاجة ؟
ذكتور محمد قاليهو السكر عالي شديد ، و الحقنة دي حتنزلو ليها ، ولازم تتابع مع دكتور باطنة كويس اذا متابعه خلاص واذا ما متابعه جيبها لي العيادة ، بس دا كلو مترتب عليها لمن تصحى نعرف الحاجات دي كلها ، واهم حاجة لازم تاكل لانو الجوع زاتو مرات بيرفع السكر ،، عثمان قاليهو تمام اكتب لي العلاجات وانا بجيبها ليها اسي ،، قاليهو لا نا حأديها حاجة هي لمن تصحى بلغا بكلامي دا وافهم منها وزي م وريتك لازم تاكل وانا بعد دا حأتحرك و قدامها العافية ان شاءالله ...
طلع محمد ، و طلع معاهو عثمان عشان يقدمو ...
حابة اعرفكم بي نفسي و بعدها نتابع الاحداث ..
طبعاً ما فات عليكم ، ان اسمي وهاد شرف الدين عبد المولى ، عمري23سنة ، و طبعاً انا مريضة سكري ، من عمري 18 سنة ، و متصالحة مع مرضي دا شديد و نهائي ما مشكل لي عقدة ولا مشكلة .. اما بالنسبة ل قبيلتي ماف داعي ليها ، مابحب موضوع القبليات دا كلنا سودانين في الاخر ، انا من قمت ، قمت في الخرطوم ، و الاجازات في الدامر عند اهل امي .. امي اسمها ثريا ، و ابوي شرف الدين بيشتغل في الاثاث الدمياطي ، عندو محل بس ايجار قديم و معيشنا احسن عيشه حمدلله دا غير انه كان وارث من ابوه ،، الاخوات عندي ماشاءالله خمسة بي ، ما حاقوليكم اسامي عشان م تتلخبطو حتتعرفو عليهم قدام .. ترتيبي انا القبل الاخيرة ، والاخيرة مخطوبه والتلاته الفوق متزوجات كل واحدة بي بيتا ، ما عندنا اخوان اولاد ، بس في ولد خالي فتحي قاعد معانا للجامعه يعني و اسي شغال مع ابوي ، زي اخونا يعني ،،، يلا انا درست لحد الثانوي ما دخلت جامعه ، بس مخي مليان يعني متطلعه للحولي ومنجذبة للحياة يعني ، ورغم كدا بسيطه ، يمكن دا يكون تناقض كبير في شخصيتي حالياً ويمكن لمن تعرفوني اكتر حتفهموني ،، عندي مشكله اني دقيقه ، عندي قوة تركيز ما عاديه ، بهتم بالتفاصيل ، كضرب مثال : ممكن اركز علي كيس الشيبسي ، نكهة الطماطم بالاحمر والشطه اخضر و ما بنسي لدرجة لو اتغير التصميم حق الكيس بنبهر و بنجذب و بعمل مقارنه و بخت بدائل من افكاري ، و بنبهر بس ما بسرعه ما اي حاجة بتعجبني ، بس سهل الحاجة تلفت نظري ، لو شفتك الليله راسمة حواجبك بطريقه معينه وجيتيني بعد كم سهر مغيراها بلاحظ ليكي ، والحاجة دي عامله هاجس ومخلياني منعزله في عالمي الخاص بعيش فيهو براي و بكل سرور ، بس السوال هنا ، تفتكرو الحاجة دي حتفيدني لقدااااام ؟؟؟
اما ، عن حياتي الشخصيه والخاصه ، ما عندي صحبات غير بنات حلتنا ، انا بيتوتية شديد يعني ، اقرب اتنين لي ، لينا و تماضر ، و ياسمين دي بت عمتي اقرب لي منهم اكتر .. ما حصل حبيت ولاجربت الحب ، اتقدمو لي كتير ، بس نصيبي وقع مع عثمان دااا ..اكيد حابين تعرفو بما اني بهتم بالجمال والتفاصيل الحلوة وان ماف شي بعجبني بالساهل ، اكيد نفسكم تعرفو انا مقدار جمالي دا نسبتو كم ...
انا ما بشوف نفسي شينه ما غرور بس لاني مقتنعه ان مافي بت شينة ، بحب كوني بنت وبقدر ابرز جمالي دا في كل حاجه حتي في حياتي و في بيتنا وف تعاملي و في مظهري ، ما معني اني شينة ما اهتم بنفسي ، بالعكس انا جميلة لاني متصالحه مع نفسي لابعد حد و العيب الفيني بعالجو بكل سرور .. و ما شايفه ان في وحدة اجمل مني لان ف النهايه نحن الاتنين بنات م بتميزنا غير اخلاقنا ... ّ
بعد عثمان مشى قدم دكتور محمد ، جا راجع لقاني صاحية ، اول سوال سألو لي انتي كويسه ؟ قلت ليهو حمدلله .. طلع جاب لي الاكل في محلي ، و ما فتح خسمو معاي بكلمة .. قلت ليهو انا غلطانه م اهتميت بعلاجي حتي الحقن حتكون باظت ، قالي فداكي اديني الاسم واسي بنزل اجيبا ليكي ، بص احه استغربت من ردة الفعل ، و اتزكرت ردة فعلو لمن عرف ان عندي سكري ، اول سوال خطر في بالي ، ابوي واهلي
ما كلموهو بمرضي داااا ؟؟
بس م سالتو ،، اديتو اسم الحقن وسالني اذا عايزة حاجة تانيه ولالا ، ومشى
بعد قفل الباب ، سمعت امو بتقول ليهو : صدقتني اسي ، اكيد الدكتور قاليك حامل صح !
قاليها لا يا امي ،، قالت ليهو ما تسترا ما تغطي عليهااا ،، انفعل و قاليها يا امي م تدخلي بيني و بين مرتي ،، قالت ليهو اثبت لي انها بنت شريفه الليله دي !
قاليها دا كلام شنو يا امي ؟ دي حاجة شخصيه بيني وبين مرتي ..
قالت ليهو مش انت ما لمستها وقلت انها ما حامل ، الليله دي تثبت لي انها بنت و الا ما حعفي ليك لا دنيا لا آخرة ..
قاليها امي لا اله الا الله ،معقول وصلت بيكي المواصيل للكلام دا ؟
وياتو يوم دي كانت عاداتنا ولا تقاليدنا ؟
قالت ليهو انا امك ما غريبه ، اثبت لي انها بنت وتعال وريني ، الا اذاااا ........
يتبع......
أنت تقرأ
عقيمة ولكن
Misterio / Suspenso📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
