تاني سمعت ، صوت عثمان ، بيتونس و يتكلم ويضحك في التلفووون و اخر اندمااج ، وقفتا مسافه ما عشان اتصنت لا والله بس ذهول ، وقفني ، وغصب عني سمعت بيقول للبيتكلم معاه .. مشاكل شغل و حتتحلااا و برجع اقيف علي رجليني و محلي يبقى معروف عالمياً ...
اتجاوزتا السمعتو ، و نزلتت ،ولا عاينت ليهو ولا اديتو اي اهتمام ، دخلت المطبخ ختيت الحاجات في المسطبه ولا غسلتا ولا لملمتا حاجة ، و رجعت زي الما حاصل حاجة ،هو السكت و هو الاتخلع ،وهو القفل الخط ..
انا قعدت اسبح و استغفر لمن نمتا ،و منبهي بتاع الصبح ضرب ، قمت صليت و رجعت كملتا نومي ، وهو مافي جمبي ...
فاتو 24 يوم علي الحال دا ،كل اسبوعين بمشي مقابله ، و مختصرة نفسي في غرفتي
و كل يوم ، ام عثمان بتطلع بتاخد اليوم كلو وتجي راجعه ... المهم في يوم و من غير اي مقدمات
نزلتا الصالة ، لقيتا فاضيه ، قعدتا كدا ما عندي موضوع ، جاتني ام عثمان ، قعدت في الكنبه الجمبي ، طوالي قمتاا من محلي و دايرة اطلع فوق ،، قالت لي اقيفي يا (بتي).
قلت ليها انا ؟
قالت لي ايوة ، يا بتي ، سكتا ، قالت لي اقعدي دايرة اتكلم معاك ، طبعا مستغربه شديد ، بس قعدتا ..قالت لي انتي اسي من جيتينا ليك كم ؟ ( في اللحظة دي جا عثمان داخل ) .. قلت ليها ، لي قريب 30 يوم صراحه ما حاسبه .. قالت لي ما مهم ، المهم انتي من جيتينا ما مشيتي علي اهلك ولا هما جونااا ، المهم يا بتي امشي عليهم ، و اعزميهم عندنا للغدا في يوم .. في سري قلتا هو انا من جيتكم ما اتغديت معاكم في صينيه واحدة ،و كل واحد بياكل براهو زي اولاد الاخرة لمن اعزم اهلي ،. والله دي غريبه ، انا سكتا م رديت ، قالت ليهو ولا شنو يا عثمان عيب لي كلامي دااا !
هو زاتو مستغرب و بعاين في امو بس كتما ، و قاليها ، عداك العيب يا حجة ، قالي رايك شنوو تمشي تزوريهم و تطمنيهم و تاخدي ليك يومين وتجي .. ياخ فجأة امو دي صرخت بصوت عالي من غير ما تحس علي نفسها ، قالت ليهو #لالاااااااااااا يومين شنو لالا ، هي تمشي الليله و تجي ، اااا بصراحه البيت ما بيقع لي من غيرهااا ، اي كل وحدة بتكون قاعده براها ومختصرة بس اتعودت عليها والله يا عثمان يا ولدي ، بس يلا انت اسي تقوم توديها عند اهلا و رجعا بعد المغرب ،، والله يا ناس ما عارفه انا حاسه بشنو ولا اقول شنووو ، بس بتفرج فيهم ، او فيها بمعنى اصح ،، قلت ليها فعلاً اشتقت لامي واخواتي ..قالت لي طيب قومي اللبسي ، قلت ليهو اسي طوالي ؟
قالت لي ايوة عشان ما تتأخري في الرجعه بعدين ، عثمان قالي ، عندي حاجة داير اقولها ليكي قبل اوديكي اهلك ، م رديت بس عاينت ليهو ، قالي بكرة في مناسبة زواج اخت دكتور محمد ، و في نفس الوقت ام العروس صاحبة امي شديد ، انا وريتك لانك اسي مرتي و بما اننا لسه عرسان جداد فا الكل حيسأل منك اذا مشيت براي ، يا ريت بكرة تعملي حسابك للموضوع داا ..قلت ليهو وانا ما حأمشي ، قالي هو الطلب دا نفذيهو و تاني ما حأطلب منك حاجة ، فضلاً ..
قلت ليهو ربنا يسهل ، حقوم اجهز عشان توديني ..قالي تمام ... اغرب حاجة كانت حاصله ، هي ضحكت امو الما قدرتا افسرا ولا افهما دي ، علي كل حال قلت انا الكسبانة شوفة اهلي و فعلا مشتاقه ليهم ، دخلت شبكت تلفوني في الشاحن ، اخدت حمامي ، و لبستا لي لبسه عشان اهلي م يحسو .. و شلتت شنطتي و نزلتا ..
لقيت عثمان منتظرني ، طلع قدامي و طلعت وراهووو ، وامو دي تتبسم و تعاين لمن طلعنا ، ركبنا العربيه ، بعد داير يحرك ، وقف العربيه و قبل علي ،مد لي قروش ، قلت ليهو دا شنو ؟ قالي خليها معاكي ، اذا حابه تعملي حاجة و لا تجيبي حاجة ،، قلت ليهو لا ما دايرة ، قام جر شنطتي فتحا و خت لي القروش فيهاا ، دوور العربيه .. واتحركنا لحد اخر الشارع ، وقفتوو ، قلت ليهو لحظة لحظة نسيت تلفوني محتاجة ليهو دايرة اكلم بت عمتي ياسمين و .... قالي طيب روقي ما حصل حاجة م مشينا مشوار يعني ، لف بالعربيه و رجع ، كان هو داير ينزل ، انا وقفتو ، قلت ليهو لا بنزل انا سرعه واجي ،، فتحت الباب و نزلتااا ..
، اساسا باب الشارع البدخل الصاله دا فاتح ، دخلتاا و امو م كانت موجودة ..
طلعت السلم عادي ، وصلت الغرفه و فتحت الباب ، وعينكم ما تشوف الا النور ، ام عثمان .......
يتبع.....
أنت تقرأ
عقيمة ولكن
Mystery / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
