عقيمة ولكن

الجزء 35

_يسلمو لي ، بس دايراك تجيب لي عربيه

*من عيوني بس اناي ابقي مرة وجيبيهو لي

_يسلمو لي عيونك حبيبي

*وعمرك كمان... لبعدين عندي شغل ،،

_طيب ...

في عز حيرتي من جية نون لحد عندي بالطريقه دي كانه في حاجة جابتا لي ، قمت فتشت الادراج ، لقيت مرهم ، انا نا عارفه هو حيعمل شنو لكن دا اسكن ودايرة الفيني دا يبراا .. مسحتو و نمته كيف و متين ما عارفه .. صحيت الصباح بتلفون من ياسمين يمكن الساعه 12، واغرب شي ماف زول صحاني

رديت عليها قالت لي انا جاياكي وجايبه ليكي الابتوب ، طبعا الساعه ديك انا خاته بالي مع التحليل ، قلت ليها تمام منتظراكي و نسيت انها م لازم تشوفني بالمنظر داا ..

جا عثمان داخل الغرفه ، من جا داخل عينو علي ، قعد في طرف السرير

متوقعاهو يقول لي حاجة عن التحليل ، لقيتو جايب لي مراهم و علاجات ل وشي و لجسمي ، مد لي الكيس ما مسكتو منوو ، قلت ليهو نتيجة التحليل طلعت ؟

قالي من بليل بس ياداب حأمشي اجيبها ، سكتا منوو ، لمن قام براهو ... استنيتو طلع

حتى قمتا من سريري بعد وصلتا الباب تلفونذ رن ، اتصال من رقم غريب ، رديت :

_ وهاد !

*ايوة

_انا نون يا وهاد ّ

* ( م عارفه ليه دموعي جرو حسيت بالحنية في البت دي و ردت فعلها لمن شافتني كدا ،واسي كلامها لي فيهو لهفة ، و مغبونة وزعلانه علي شديد )، اهلااا نون ازيك ؟

_حمدلله ، اسمعي ، اديني عنوان اهلك

*نون انا بقدر امشي اهلي في اي وقت ، بس انتي ما عارفه فهم ناسنا ،فرق من مجتمعكم ، اي ناس متعلمة و واعيه ، لكن عندهم مفهوم عروس تطلق في اول اياما ، دي فيها مشكلة كبيرة،وغير كدا امي و ابوي ما عندهم طاقه لاخبار زي ولا انهم يشوفوني بالمنظر دا ..

_ خلاص تجي تقعدي معانا في البيت

*ما تتعاملي بعاطفه يا نون خلينا نتكلم بالمنطق ، غير كدا انا عرفتكم عن طريق منو ؟ دي زاتا حتخسركم بعض ، وانتو ما بتعرفوني ،و انتي اتعاطفتي معاي من غير م تعرفي انا اذا كنت مذنبة واستحق الضرب دا ولالا ...

*اي ما بعرفم ، لكن البعرفو مافي غلط في الدنيا يوصل راجل للمرحله دي وانا ضد ضرب المراة من راجلها انت متزوجها ما مستعبدها ، كف ساي ما من حقو يضربك ، طيب الله خلق لينا العقل ليه و ميزنا علي الحيوانات ؟ و غير كداا انا عارفه ام عثمان كويس و من اول مرة عرفت فيها انك زوجة عثمان ، انا وكلت امرك لرب العالمين

*ليه في شنو ! يعني قصدي انتو عارفين اطباعو ؟

_لا هوصاحب محمد اخوي شديد ، بس مرتو الفاتت عزبوها كدا لمن طفشت و عشان عمايلها دي ماف ولد ولا بت من اولادهاا راضي انها تقعد معاهم في البيت ، ماف زول مسكا غير عثمان..

*مرتووووو ! مرتو يا نون. !

_اي مالك بسم الله

*عثمان كان متزوج قبل كدا ؟

_انتي ما عارفه ؟

*اول مرة اسمع الكلام دا منك والله

_كان متزوج ، والله اعلم كان حاصل شنو طفشت من البيت لحد يوم الليله غايتو ما سمعنا عنها خبر ..

*لا حول ولاقوة الا بالله ، طيب نون انتي عرفتي كيف انا في البيت ، دا بالنسبه ليوم امس ؟

_والله يا وهاد ، انا قاعده عندكم كرم اخوي رسل لي في الواتساب ، قالي اطلعي فوق باي حجة و اطمني علي مررة عثمام ، سالتو ليه ما قالي اي حاجة ، عامتا كرم كتوم ،هو شافم وين ؟

*لاقيتو في الشارع ،يعني دا اخوكي ؟

_ايوة اخوي بعد مهرة طوالي ّ

*علي سيرة مهرة ،كيف حالها ؟

_مبسوطة حمدلله ،المهم يا وهاد اسمعيني

*اها

_خلي شخصيتك قوية ،و غيري حياتك ما تحسسيهم بالضعف و م تخلي يتعود يمد يدو في النهاية انتي ما مجبرة تتحملي انتي عندك اهل و لو عرفو بكداا ما حيسكتو ،، وانا ثا حخليكي ، و بكرة مهزومين عندنا غداا

* بكرةةةة !

_ايوة ، حماتك حاولت تتعذر وتعمل حركات وانك لسة عند امك لكن ما قدرت تتخارج مني بقيت ليها في رقبتاا ..

*صراحه محتاجة اشوفك فعلاا

_ان شاءالله نتلاقى

* يلا ي نون انا استأذنك عندي حقنة وعلاج لازم اخدو اسي وصحيت متاخر زاتو

_علاج شنووو كر علي

*م حاجة خطيرة ، انا مريضة سكري

_سكري ، و ما حاجة خطيرة !

*اي لاني اتعودت عليهومتصالحة معاهو وحمدلله سكري م خطير حمدلله

_طيب حمدلله ، يلا بعدين تاني بتصل عليكي

*تمام حبيبتي تسلمي

_الله يسلمك مع السلامه

*مع السلامة ...

دخلتا الحمام ، اتوضيت و صليت ، وغيرتا

و اتحسنت شويه في حركتي ، نزلتا وحدة وحدة ، لقيتا قاعده في التلفزيون بتتفرج ، دخات المطبخ ، عملت لي بيض واخزت علاجي واكلتا ، و لملمت حاجاتي وانا عيني في الدولاب ،دايرة اصوو الحبوب ولا اشيلها وحاسه بعدم امان ممكن تجي في اي لحظة .. في اللحظة دي سمعت صوت الباب ،و اترززززع شديد لمن شكيت انه اتكسر ،،جريت طلعتا وقفتا جمب باب المطبخ ..

لقيتو عثمان شايل الفايل حق التحاليل وامو دي الضحكة واصلة اضنيهاا،قالت ليهو مالكيا ضناي؟

بعاين لي وقاليها ، التقرير الطبي بيقول ان وهاد مر بتلد ..يعني #عاقر

يتبع .....