عقيمة ولكن

الجزء 09

، و انا من النعاس م شايفه قدامي ، اضطريت رقدت و اتغطيت ، والله من التعب نمت طوالي و ما صحيت الا ب عثمان بجر في الغطاء مني و حسيتو قريب مني ، بقيت بحاول اجر الغطاء علي ،وهو مصمم ، بقيت بحاول بعمل فيها نايمة و ما حاسه ، لكن هو كان بيتمادى ، فتحت عيوني ، لقيتو قريب لي شديد ، قلت ليهو بخوف ،داير شنو ؟

قالي مرتي ، كيف يعني داير شنووو ، دي الحاجة الوحيدة الحتعلمك الادب ، قلت ليهو في شنو اسي و عان الساعه كم ، زح مني ، قالي قلتي شنو ! ازح منك

كدي ابقي مرة قوليها تاني ، قلت ليهو ما قصدي بس انت خلعتني ، والله دخلت فيني خوفه لمن بقيت ارجف و عيوني ديل رقرقو ، قالي زحي يدك( محل جارة الغطا) ..ابيت تزحها ، قلت ليهو ياخ زح مني ما تهبشني زززح ،بس لقيتو ضاغطني بي يدينو في وشووو ،قالي ما علي كيفك ،و فجاه بقى زي المجنون ،قطع لي الجلباب الابساهو من الرقبة والصدر ،وانا بكورك،قالي تفتكري حيجي منو يمنعني عنك هاااا ، هسان كدا انكتمي و ما داير اسمع صوتك دا فاهمه ولالا ،، بس بقيت ابقي وببعدووو مني ،، للحظه الدنيا دارت بي و بقيت ما واعية ، تحت تأثير عنفي انا ما اتخيلتو في حياتي ، بقيت مخدرة كلياً و من الخوف سكري ارتفع ، بقيت بس ببكي ، لمن انتهي و وقف براهووو ، بقيت دايخه ، و بقوليهو انا دايخه و شايفة الاوضه دي زي الطبق الطاير زي الحاجه لافه بي في السماء فوق ،، وتاني ما وعيت بحاجة ، بقيت بين نايمة وصاحية بس ما حاسه بشي ...

( كان في جانب تاني ) ..

* انا مقلقه

_مافي سبب يخليك تقلقي

*كيف يعني ما اقلق انا صحيت نص الليل بي طعنة في صدري و دي ما بتجيني الا لمن تكون وحدة من بناتي حاصل معاها حاجة ، وانا متأكدة وهاد بتي دي ما تمام ..

_يا ثريا بتك عروس ياداب الليله ليها اربعه يوم

*طيب اربعه يوم ما ترفع سماعة التلفون دي تتصل علي تطمني عليها ، وهاد دي بالذات عمرها ما غابت عني

_بتتصل ما تسيلي هم

*المرة ست الجدله قالت دايرة جدلتا اتاخرنا عليها شديد ودايرة وهاد تفتح تلفونها عشان اعرف حتصرف كيف .. اااححي يا قلبي ااحي بس كان سمعت صوتا برتاح ، البت عندها سكري وسكراا كعب ، حي انا ربنا يطمني عليك يا بتي ...

_ يا مرة مالك بتنوحي وتلوحي ،في شنو هو اصلو ، لمن ما قدر العرس بتعرسي ليها مالك ش دي سنة الحياة اصلااا كدا البنات في بيتو اهاليهم ضيووووووف ..

*عارفه ، بس انا ام و قلب الام احسايو براه ، بتي ما كويسه صدقني

_بتصل علي عثمان انا وبطمنك ،استهدي بالله و رووقي كدا مافي الا الخير ..

*ياااارب يااارب تلطف يا لطيف ...

فجأة صحيت ،وحاسه بي وجع في جسمي كلو ،ما قادرة اتحرك ، حاولت ارفع ضهري بالمخدة و اتكي ،ما قدرتاا .. جاا عثمان فاتح الباب بي لهفة وخوف والله عمري ما انسي نظرتو دي ،جاا علي قالي ، صحيتي ؟ دقيقه دقيقه انا بساعدك ،،،من شفتو اتزكرتا الحصل ، و ثبت يدو قلت ليهو زح مني ..

وقف بعاين لي ، قالي ،طيب طمنيني ، اسي انتي كويسه ؟

م رديت عليهووو ،، كل القلت ليهو :

أنا عارفه ان دا بيتك و مالي فيهو اي حق ، بس دايرة منك طلب ، ياريت تطلع برا الغرفه ما حابة اشوفك بأختصار شديد ..

قالي ،كيف الكلام داا ؟ ّ

قلت ليهو عديل ، قالي بس انتي تعبانةما بقدر اخليكي بي وراااي ،و الدكتور غير ليكي الانسولين و قال لازم نراغبك باقي اليوم دا .. قلت ليهووو ،، شنووووووو ؟

انت منو اداك الحق تغير علاج انا لي سنين باخدو وجسمي اتعود عليهو ونافع معاي ، انت منو اصلاا عشان تسوي كدا من غير علمي ؟ كيف تعمل كدااا ودا منو الدكتوور المتخلف دا وهو عرفو شنو بحالتي انا عندي دكتور و متابعه معاهو بيجي من برا السودان و متابع وعارف حالتي ، استغفر الله

استغفرالله ياخ اطلع براااااا ،زح من قدامي

اففففف

يتبع......