عقيمة ولكن

الجزء 43

طلعت ملحفتي ، وجيت رقدتاا ،، عاملتو معاملة الاشيئ ، كأنه مخلوق غير مرئي ..

قام قالي : مش مفروض تسألي من امي علي الاقل ؟ قلت ليهو والفرضو علي شنو ؟

قالي ، كيف يعني فرضو عليكي شنو ، علي الاقل اسألي ، بقت كيف ، رجعنا متين؟ عندها شنو ؟ .. و انا بتغطى و اديتو ضهري ، قلت ليهو وانا بتثاوب .. اكيد يعني ما حتكون ماتت ، لانه لو ماتت ما كان حتكون قاعد كدا .. ياخي لمن احتار فيني .. م حسيت الا بي يدو في كتفي ، قالي دااا كلام شنووو وهو بيخبط في كتفي .. قلت ليهو شيل يدك لو سمحت .. قالي استقويتي شايفك لسانك طولان ! قلت ليهو مالي مزاج لنقاش م نافاع نومي وراحة بالي فوق اي حاجة ..

قالي شكلوو الدقة ما جابت نتيجة .. قلت ليهو الولد البمد يدو علي مرة ، بكون داير يتم نقص فيهوو بسلوك عقيم ، زي الدق مثلاً عشان يبقي راجل ! ولا رايك شنو ؟

قام من السريرر، و طلع ، رزعة الباب دي لمن حركت طبلة اضاني الجواا ّ..و فعلاً استقويت و زمن الخوف ولى وفات ، اعجبكم في البرود ، جريت غطاي و نمتا شخرتااا .. صحيت 11 ، دخلت الحمام ، دعكت حنتي بالحمام المغربي ، اساساً كانت باهته ، طلعتها خليت ماليها اثر ، اخدت حمامي ، انتظرت الظهر ، اذن صليت .. و لبست احلى طقم عندي ، و ابسط مكياج و الشعر بوف ، و رشيت ريحتي و نضارة الشمس ، و شلت شنطتي وختيت جواها الفايلات الجابتهم لي سهى ، وموبايلي ، ونزلتاا ، لقيت ام عثمان راقدة في الكنبة و هي و ولدها ماسكين اضنين بعض و ودودة و نقه ،من جيت شافرني كدا قطعو الحركة .. دخلت المطبخ شلت علاجي في شنطتي ، و جيت طالعه ، قالي علي وين ؟ قلت ليهو لناس امي ،، انو قالت لي م بتخجلي طالعه وانا عيانة ، سؤال م بتسألي عني ! قلت ليها م متزكرة اني دكتورة ، حسب معلوماتي امبارح كنتي في الدكتور صح ! اكيد وراكي البيكي والعليكي ، ما حدد ليكي عملية تنضيف ؟

قالت لي تنضيف شنووو ؟ قلت ليها مخ و قلب ههههههه بهزر معاكي هاها .. سكتو هي و ولداا بعاينو فيني .. قالي بعلمك الادب ، قلت ليهو بسرعه عليك الله .. و طلعتا ،. ركبت اقرب عربيه ، و م حددت ليهو وجهه محددة ، بس نزلت ف اقرب كافتيريا ، اخدت علاجي و طلبت فطور ، فطرتاا ،، كانو في ولدين قدامي ، بشاغلو و بتكلموو ، يادة دي من طينة و دي من عجينة ،، طلعت الفايلات و التقارير الطبية قريتاا تمام ،، و اتصلت بي سهى ..

*ايوة يا سهي ازيك !

_حمدلله وهاد ازيك ؟

*بسط حمدلله ، اسمعيني ، في حاجة دايرة اسألك منهاا ،، امس قلتي لي اكتشفتي انك بتاخدي حبوب بتسبب العقم صح ؟

_ايوة

*عن طريق شنو اخدتيها ؟.

_كان جاتني ملاريا اتزكر ، وام عثمان ساقتني الدكتور ، و كانت بتبلعني الحبوب دي في نص علاجاتي و انا ما جايبه خبر ..