عقيمة ولكن

الجزء 38

ما ما اتفاجأو بي حسيتهم اتحرجو من اسلوبها الكعب ..

قامت نون قالت ليها ، دي حاجة حتي لو حاصله انتي ما بتجاهري بيها بالطريقه دي علي الاقل اعملي ليها حساب معليش يعني لكن شوية احترام م حيقلل منك ، وثم تانيا الحمل رزق و ربنا ما اراد و كل شي بي وقتوو .. ام محمد قالت ليها ي نون م تتكلمي انتي في الامور دي ، و ما تتكلمي بالاسلوب دا مع خالتك .. لكن من جانب كلامها صح ، وهاد لسه صغيرة و يمكن هي ما دايرة تحمل اسي .. في اللحظة دي كان نازل كرم واعتقد سمع جزء من الكلام ..

اصلو خشمي دا ما فتحتو حتى وشي قلب

و حسيت ان نون وامها متاثرين ودايرين يجبرو بخاطري و حاولو يغيرو الموضوع ، نون قالت لي خلصي جبنتك دي عشان تمكيجيني ونتصور ياخ قبل راجلك دا يرجع .. برضو م رديت ، بقيت بكب ليهم في الجبنة. ، وكبيت لكرم في كباية ،امه قالت ليهو غريبة م بتحب البن داا ، قاليها ريحتو سمحه .. وطبعا انا م شايفاهو خالص بس سامعه صوت ورااي ..

تغيري الحصل في مزاجي و ضييقي دا ، اي انا متعودة علي اسلوب الاهانة منهم ، بس وجعتني المرة دي لانها ككانت قدام ناس انا بحترمهم و بحبهم ، نون قربت مني قالت لي روقي خلاص وهودة ، امها قالت لي قومي مع نون بنلملم ديل انا وخديجة ،، كبيت ليهم اخر حاجة ، وجيت اقوم م قدرتا لانو البمبر واطي و قعدتا مسافه ، وانا بحاول اقوم مع قولة آه دي كلهم قالو لي مالك م عدا ام عثمان ، و كرم تلقائيا قام جا علي ، قالي عوافي ! نون مدت لي يدها و هي بتقول ،قعدة البمبر دي اصلا فقرة كدا غير بتخدر الرجلين م بتسوي شي ، قومي براحه كداا ، المهم قمتا و الرجل دي وجعتني وجع مبالغ ، قالت لي بتقدري تطلعي السلم ، قلت ليها ايوة .. مشينا و خلينا ام عثمان وام محمد و كرم معاهم , طلعناااا و كنت حاسه عيوني ملانه دموع ، دايرة انفجر بس ..

لمن وصلنا غرفة نون ، قالت لي ارقدي ارقدي و قفلت الباب ، قالت لي بعد ازنك عايزة اشوف رجلك ارفعي كدا للركبه '

رفعت ليها ، قالت لي انتي وقعتي عليها ؟ قلت ليها بما انك عارفه الحصل معاي ، حاقوليكي بكل صراحه ، هو بيحاول يجر فيني علي السلم اتنت تحتي بطريقة غلط و اتخبطت اكيد ..

قعدت جمب رجلي و بقت تدلك لي فيها ، قالت لي وهاد ، دي ما حياة ولا دا راجل ولا دا زواج ولا امه ام .. ابسط حاجة الحركة العملتها تحت ، دي شيالة حال ليه بتحكي عن حاجة خاصه لينا حتي لو امي صحبتها ، ما صح ،حتي بينها و بين نفسها مفروض م تتكلم بحاجة خاصة ليكي انتي و راجلك ، قلت ليها بقدر اثق فيكي يا نون ، بس كلها مسألة وقت ، انا ابوي م حصل رفع يدو علي و عايشه معززة مكرمة اتربينا علي الاحترام و احترام بيناتنا ،بعد اتزوجت عثمان اتقلبت كل المقاييس دي .. نون انا محتاجة ارجع البيت ، في حين انك م حتتخيلي الراحه الانا حاساها في بيتكم دا ، بس نقول حمدلله

قالت لي في حاجة انتي عايزة توصلي ليها صح ؟ قلت ليها صراحه ايوة في حاجات غريبه بتحصل لي و انا دايرة افهما ، قالت لي قولي لي يمكن اساعدك بحكم معرفتي بيهم ،، يلت ليها عشان معرفتك بيهم صعب اني احكي اسي ، خليها في وقت تاني ..قالت لي انا م عندي مشكله بس خليكي قوية م تخلي زول يكسر جناحك انتي بت ماشاءالله عليكي جميلة و صغيرة و واعية ، انا لو مكانك والله ما اتزوج اشتغل واقرا و اسافر واصاحب و اللبس واعيش حياتي دي ..

قلت ليها انا الناقصني اقرااا ،و عندي الشغف للنجاح ، و ان شاءالله حأستغل الوقت الجاي

( في جانب تاني )

_ يا محمد انا في ورطه اسي

*اي اي اسي ياداب شفت الخبر ، النشر الكلام دا منو ؟

_دا خبر عادي بيحصل مع اي مجموعه اسي انا ممكن اتسجن بسبب القرض يا محمد عليك الله اقنع كرم ان شاءالله يديني نص المبلغ و انا بسددو ليهو لو ابيع عربيتي بس ما اتسجن و اخلي ام ومرتي براهم .. بعدين الشغل دا مش حقك انت برضو مفروض يكون عندك كلمة علي كرم ..

*يا عثمان الشغل دا انا بديتو وكرم بعقليتو و طموحو كملو واتطور فيهو و ما اكتفى بفرع واحد زينا ، وانا م بقدر اجبروو يديك القروش لانو هو ادرى بي ميزانية الشغل اكتر مننا ، وغير كدا ما تنسي عرس مهرة كمان اخد مننا ،، واخاف اجبروو يحصل خلل في ميزانيتنا فا اعفي لي يا عثمان لو رفض ..

_ايواه لالا تمام ، وصلت ، عن ازنك

*عثمان ...... الووووو الووو ،كيف يقفل في وشي ! اففف

، كرم قال لي محمد ، جايط في التلفون مالك ؟ محمد قاليهو ما جايط بتكلم عادي ،، قاليهو تمام ..محمد قال لي كرم :

_الشغل ماشي كيف ؟

*حمدلله

_في قروش فايضه ؟

*محتاج حاجة لسه للعياده ؟

_لالالا بس عثمان عندو قرض لازم يتسجن

*كووويس السجن للرجال

_دا كللم شنو يا كرم !

*دا كلام واضح يا محمد السجن للرجال خلي يتسجن يمكن يرجل ..

_م تنسي دا صديق عمري وامرو بيهمني و ليه انت شايلا نعاهو تقيله كدااا

*صحبك انت ما صحبي اناا ، لمن هو ما قدر القرض بيتسلف ليه ؟.

_اهو الحصل يا كرم

*لا ما الحصل و يجي علي راسنا احناا ما سهرنا الليل هدر

_يا لطيف منك يا كرم ياخ م تبقي صعب كدا الراجل دا عندو امو و مرتو ما بينفع يخليهم براهم في البيت !

*مرتو !!!

يتبع .......