اخدت قرارين ...
الاول : .....
والتاني : ..... *جزئية معلقة*
قمت من سريري ،، صليت ركعتين لله ، بنية تيسير الامور و يقويني و اقدر اكون الشخصيه دي ..
بعد خلصتا صلاتي ، جبت تلفوني و وصلتو في الشاحن ، دخلت بحثت عن كورسات انجليزي ، لقيت كذا واحد ، تاني قلت ليه امشي كورس وانا ممكن اتعلم اون لاين و استفيد من النت .. قلت محتاجة لابتوبي الفي البيت ، طيب اسي اسوي شنووو .. دورتا الفكرة في راسي ، و قمتاا ، غيرت لبست لي بجامه فيها جيب ، و نزلتت ااصاله تحت ، قعدت في الكنب و ختيت رجل علي رجل ،و فتحت التلفزيون .. فتحت روتانا دراما لقيت لي مسلسل تركي شغال ( هوى الحب ) ، بقيت بتفرج و مندمجة ومعلية الصوت ... جاني الما بيختاني ..
( في جانب تاني )
_ طيب رليك سنو نعقد ؟
*يا بت انتي هبله دا ملام رجال خلاص منتهي و انا عند كلمتي مع ابوكي
_ياخ انا فرحانه اخيرااااا حتبقي لي و ابقي ليك يااارب ،و بعدين تعال هنا انت عايز تقتلني ؟
*ليه حبيتي بعد الشر عليكي
_ياخ دي احلا موته ، بي قشرتك دي و ريحتك يا سلاام دا كلو عشاني
*ما عندك موضوع ههههههه ، اها رايك شنو في علبة الشكولاته
_لسة ما مشيت عليها لمن. بكون فرحانه نفسي بتتسدا من الاكل ،
*دايماً فرحانه يااا رب العالمين
_وياك انت فرحتي وبس
*الله يخليكي لي
_ ااا صراحه عندي سوال
*شنو ؟
_شغلك رجع زي م كان ؟
*لا و مافي زول عندو نية يسلفني المبلغ ،لانه ضخم شديد
_عشان كدا ما جبت لي موبايل ايفون
*موبايل شنوو انت من فترة جليب ليكي جلكسي
_قدم يا روحي ،وصحباتي كلهم معاهم ايفون الا انااا ،كنت متخيلاك حتجيبو لي هدية قراية الفاتحه
*تستاهلي الاحلي من الايفون يا قلبي ،مسألة وقت بس
_ طيب ن تتاخر لي فيهوو ،، اهاا كلمت ابوي انك متزوج ؟
*لا لاني م بعتبر نفسي متزوج
_بالجد
*ايوة
_يعني حتطلقا ؟
_اممممممم معاي اتصال برجع ليكي حبيبتي ، لحظة
*طيب ....
جاتني ام عثمان .. وقفت عاينت لي مسافه لمن ما اشتغلت بيها جات شالت الريوت و طفت التلفزيون .. وقعدت ..انا كمان شلت الريموت و فتحت التلفزيون ومن غير ما اعاين ليها ... تاني شالتوو و قفلتوو ، واصلو قلت الليله ما بسألها بتسوي كدا ليه ..
استمرينا بس كدا هي تطفي و انا واولع ، لمن هي زهجت .. قالت لي بتدفعي الكهرباء انتي ؟ رديت ليها طوالي ،قلت ليها ، ولا بتدفعيها انتي ..قالت لي شنو. ؟ قلت ليها السمعتيهوو ،،قالت لي داا شنو انتي ناسيه نفسك قاعده وين ؟ قلت ليهااا قاعده في بيت راجلي ..قالت لي حعتبر نفسي النقاش دا ما حصل و ما سمعت منك شي ...قلت ليها ليه ؟
بس انا قلتووو ، و ما قلت حتجة ، غلط ،، قالت لي انتي قدر الكلام دا يا وهاد ؟
قلت ليهاااا و قدر اكبر كبير في البيت دا يا بتول .. قالت لي شششش شنوووووو
يا بت انتي نسيتي انا منو ، و و دااا شنو ؟ البتقولي فيهو دا ؟
قلت ليها م عندي طاقه اعيد كلامي تاني ، بعد ازنك زحي لي من قدام التلفزيون لمن تبقي انتي بتدفعيها كهربة التلفزيون دي و قتها حأبقى اطفيهووو ...
*في الحلقات الجاية *
يا ربي انا حأجن
يا رب يارب يارب ، تقويني يا رب عقلي ما يروح مني و انا بحاول استوعب الحاجة دي يااارب تديني القوة يا رب ، يا الله يا كريم تسهل علي امري ، انا كداا في و رطه كبيرة ، انا ما قادرة استوعب و الله يا ربنا انا ما بعترض علي ارادتك و علي حكمك بس كمان صعبة اتعايش مع اسرة زي دي و يلقو فيني عيب والله صعبه ، يا الله
..
طيب هي عرفت من وين نتيجة التحاليل !!
وعرفت من وين مكاني و تحديداً كمان في المعمل دااا ؟
وشنو التقارير البتتكلم عنها دي ؟
طيب اذا انا ما حامل انا شنوووو ؟؟
يتبع....
أنت تقرأ
عقيمة ولكن
Mystery / Thriller📝 بقلم: سحر سمير في مثل معروف في مجتمعنا ، بيقوليك ،قدم السبت عشان تلقى الاحد ،، انا ضد الكلام داا ، لان في ناس لو قدمنا ليهم رووحنا و حياتنا و احترامنا في طبق من دهب ، حيفضلو كعبين ، ااي هم بشر ، لكن تصرفاتهم #حيوانية عشان كدا .. "كل الأخطاء الت...
