عقيمة ولكن

الجزء 17

دخلت علي حتت ناس امي .. سلمت عليهاا شديد انا كنت حاضناها عشلن فاقداها و ما متعودة علي غيابها، ونفسي اشكي ليهاا ، بس ما بقدر اشيلااا هم ..

صح في حاجة انا ما قلتها ليكم ،زي ما تقولو كدا بتهرب منهاا ، بس اسي حابه اوريكم ليها ،، السكر الجاني من عمر صغير دا ما وراثي ،لا امي لا ابوي ولا حتي زول من اهلي ورا عندهم ، انا جاني سكر عرضي خلعة ، خلعة بي وفاة اخوي لمن كنا في الدامر ،كلمتكم اني ما عندي اخوان اولاد ، بس انا كنت تومة ،تومي ولد و اسمو وجدي ، ضربتو عربيه قدام عيوني لمن كنا في الدامر في اجازة من الاجازات ، قطع الشارع جاي علي ، جات العربيه ضربتو قدام عيوني و مات في لحظتها و انا مم الخلعه و الدم وقعت جمبو ، كنت عيانة فترة واخر حاجة طلعت بيها السكري ،، وفاتو ما مرقت من جوا زول فينا ،كان فرحة ابوي ، لانو كان نفسو في ولد يبقي لينا عمود البيت في غيابوو ، بس حمدلله علي ما اراد الله ،عشان كداا انا نفسي ربنا يكرمني واجيب ولد و اسميهو وجدي وافرح بيهو امي وابوي واخلي هما يربو زي ما ربونا انا واخواتي و زي ماكانو نفسهم يربوو ...

سلمت علي ياسمين و علي ولاء اختي الصغيرة ، و وصال دي التانيه عندها بتين ماشاءالله ، قعدت اتونست معاهم ما خلينا شي ،للحظه حسيت اني ما متزوجة و زي الحاجات ديك كانت ما موجودة في حياتي ، اتمنيت انوم في سريري ،و فعلااا

مشيت طلعت ملابسي و لبست من ملابسي القديمة و رقدتا .. طبعاً ما يفوتكم ،جاتني ياسمين بتاعت الشمارات قلت ليها :

*اهااااا خيررررر !

_اخس عليكي يا وهاد دي مقابله تقابليني ليهاا

*ما عارفاكي ما بتجي ساي الا لو وراكي حاجة

_ابدا والله بس حابه اطمن عليكي.

*اممممم ،،طيب تعالي اقعدي احكي لي اخبارك شنو والجامعه كيف معاكي ..

_ حمدلله تمام بس صغطه جد شوفي الشمس حرقتني حرق

*احسن ليكي ي زوله انا اسي ندمانة عشان ما تميت قرايتي اها وريني استفدت شنو من قهدة البيت والزواج كله قرف ..

_اووووف ،مالك في شنو حاصل ؟

*مافي شي حاصل ، عادي

_لا ماعادي والله تدسي مني ما عافيه ليكي

*عادي يا ياسمين اي بيت فيهو مشاكل

_لا يا وهاد فرق انتي شهرين ما تميتي عايني منظرك حنة بعد عرسك ما رسمتي ،ريحتك زاتا عاديه ، مكياج ما خاته ، ياخ العرايس سنتين بعد الزواج تشوفيها تعرفيها عروسه لكن عايني منظرك ..

*صح كلامك يا ياسمين اموري ملخبطة شديد و ما مرتاحه

_ في شنو ؟

*طيب بحكي ليكي بس وعد م تحكي لأمي

_اكيد انتي هبلة احكي

* طيب ، الحاصل يا ستي ( ....) ..

حكيت ليها كل حاجه حصلت معاي من تصرفات ام عثمان و تصرفات عثمان معاي ..

_لالالالا ما بصدق وهو كيف سامح لامو تدخل كدااا ، ياخ عييييييييب ، وهو زاتو ياخ والله ما قادرة استوعب يا وهاد

شوفي هنا يا وهاد دايرة نصيحتي ، اطلبي الطلاق احسن من يبقي بينكم في شافع يربطك ، اطثعي كلامي انتي لسه صغيرةوالف من يتمناك ..

*اكيد حاتطلق بس ما اسي ، بعد اتم فترة ، دي سمعتي برضوو ما ينفع اتطلق في ايامي الاولى ..

_طيب استفيدي من قعدتك دي و خلي يتحصر و يعرف قيمتك

*كيف يعني ؟

_يعني عزي نفسك وهو القروش عندو ، اتجيهي و اقشري و غيري لون شعرك داا واتحنني و اتزبطي خلي يتقهر و م تدي امو فرصه تقول فيك حرف ...

*ما عارفه والله يا ياسمين و بكرة قال في عرس مهم بالنسبه ليهو ولازم امشي ثعاهو ومالي مزاج ..

_انتي غبية يا بت ! دي فرصتك ،، يمكن البت البيتكلم معاها دي تكون في العرس خليها ما تشوف نفسها قدامك اقهريهم بالجمال والادب انتي ماشاءالله من غير شي جميلةوسوقك نار يا وهاد ...

*فاتت علي دي كيف !

_اسمعي كلامي دا ، العرس متين هو قلتي ؟

*بكرة

_يلا شوفي بديكي رقم حنانة شاطرة بتجيكي لحد البيت ، كلميهاا و وريها انك تبعي عشان انتي م حاجزة تجي تحننك ..

*لالالا في بيتي لا .. م ناقصه كلام مع حماتي

_خلاص امشي ليها انتي عندها مشغل و بالمرة خليها نزبط ليك وشك و غيري لون شعرك

*لالا شعري بحبو اسود وطويل بس ممكن اعمل باقي الحاجات

_ سمح ، يلا شفتي توبك الاسود الوحيد النقيتيهو داك ، بس طقمو عندك و اقشري بيهو اصلا ماف زول شافو يوم شيلتك

*والله فتحتي لي. نفسي بالتوب دا اساساً مكسرني ههههه

_بركة الفتحت ليك نفسك اقعدي اتهابلي كداا لمن حقك يروح ، وشفتي عثمان دا م تخلي يقرب ليك ، مهما حصل عشان يعرف يتونس مع البنات كويس التافهه

*ربنا يسهلاااا يا ياسمين ، امسكي اكتبي لي الرقم

_ سمح وممكن نرسلي ليها واتساب

*ماعندي واتساب

_حتجلطيني والله ،جيبي انزلو ليكي و انزل ليكي باقي البرامج ، طيرةفي زول ما عندو الحاجات دي الزمن داا ...

يتبع.....