RAYUWAR AURENA

🥀🥀🥀 *RAYUWAR AURENA*🥀🥀🥀 *NA* *HAFSAT M* *Page*

🥀🥀🥀 *RAYUWAR AURENA*🥀🥀🥀

        *NA*

*HAFSAT M*

*Page*

        *58*

Sadaukarwa ga qawata
*AISHA GENTLE LADY*

Tana cikin tunanin yanda zatayi ta fita ne wani dabara yafaďo mata cikin kanta, ganin idan har Allah ya yarda dabaran ta yayi aiki zata iya kubùta daga hannun su yasa ta miqe tsaye da sauri ta soma bincika kayan dake cikin ďakin taga ko zata samu wani abu."

  "Can ta hango wani daďaďdan tsohon murfin kwano na samisa ajiye da maskito da ashana akai da alamun aciki suke kunna maskiton, kura duk ya mamaye sa haka tasa hannu ta ďauka ta karkaďe kuran da maganin sauron aqasa kafin ta dawo ta ďauki bagcon kayan ta da wayar ta ta tsaya abayan ķofar ďakin tana jiran zuwan su, zuciyar ta yana bugawa matuka tana tsoron abunda zata aikata saidai kuma idan ba hakan tayi ba sai yanda kuma Allah yayi da ita."

"A daidai lokacin bayan ta tsaya kaďan a bayan ķofar taji motsin mutum ana buďe ķofar, Cikin tsoro jikinta yafara karkarwa zuciyar ta yanaci gaba da dukan uku uku, ta qara riqe murfin kwanon da kyau a yayinda Baaba ya turo ķofar ya shigo shi kaďai yans yar wakan sa yaga ďakin kamar bakowa."

"Cike da mamaki ya soma waige waige da kansa yana tambayar cikin zuciyar sa to ina yarinyar nan ta shiga da safen Allan nan bayan ķofar a kulle take" Baiyi zato ba baiyi tsammani ba yaji an buga masa abu akan sa, cikin jin azaba ya riqe wajan yanaja da baya ya jiyo da kansa yanaso yaga meye ya buge masa kai haka."

"Ganin buguwar kamar bai shigesa sosai ba bare yafaďi qasa tasamu hanyar fita ya sanya ta kafin yagama jiyo da kansa su haďa ido dashi tayi saurin qara buga masa murfin kwanon tareda shuresa da ķafa bashiri ya rufzu aqasa yafaďi yana riqe da kansa wanda yafashe jini yana zuba."
  "Har zuwa lokacin jikinta rawa yake sosai dakyar ta iya aikata hakan dan shine kaďai dabaran da yafaďo kanta wanda takega zai iya kubutar da ita daga hannun su, Bata tsaya bata lokaci ba ta ďauki kayanta ta fice a ďakin bayan taqara mangaje shi da ķafa yana shure shure gameda ķoķarin ya miqe ya cafko ta Amman ya kasa yanaji yana gani ta fita daga cikin gidan bashida halin da zai iya kamota dan yaji azaban zafi sosai."

"Tafiya takeyi cikin sauri tamkar zatayi tsuntsuwa ta tashi sama batareda tasan inda ķafafunta suka nufa ba, Allah Allah take a ranta kawai ta kalli kanta acikin tashar mota Amman abun ya faskara domin kuwa gani tayi garin yayi mata mugun girma sosai dukda tasan ta shiga qasasai wanda sukafi wannan girma Amman saida taga tamkar babu garin da yakai wannan faďi da girma kodan shekaran jiya ana magariba ne yasa bataga girman sa ba sai yanzu da yake garin safiya ce rana ta fito kana kallon komai da ko ina ba."

"Haka taci gaba da tafiya tana dube duben bayanta taga ko yasamu damar fitowa yana binta sai taga bakowa hakan yake take qara godewa Allah"
   " Yanayin yanda take tafiyar cikin sauri da ďaga kafa tamkar kace wata zararriya mai shirin haukacewa dan yanda ķafafunta da jikinta ya ďauki ķuran qasan wanjan sakamakon sanyin da akeyi aciki garin ķatsina ya sanya taron hazo asama wanda idan ba ido sosai ka buďe bama bazaka iya gane abunda ke can gaban kaba."

"Cikin hikimar Allah tana cikin tafiyar ta hango wani shagon masu waya a gabanta batasan lokacin da tasaki murmushin farin ciki ba tana godewa Allah acikin zuciyar ta da yasa tasamu shagon da take nema" Tana sauri ta qarasa wajan shagon tashiga bayan tayiwa mai shagon sallama suka gaisa yabar aikin goge kuran da yake yadawo da hankalin sa gareta, ga dukkan alamu shima yanzu ne ya buďe shagon."

"Wayar ta Samsung galaxy S6 mai kyawun gaske da tsada ta nuna masa suka shiga yin ciniki yace sam saidai yabata dubu hamsin dan wayar ta ďan sha ruwa, Sun ďauki tsawon lokaci suna cinikin ganin bàta mata lokaci yakeyi gashi garin rana tafarayi sosai yasa ta cire Sim card ďinta da memory ta miqa wayar tace yaba hakan ta amince" Karbà yayi ya ajiye gameda irgo mata daidai kuďin yabata."