RAYUWAR AURENA

🥀🥀🥀 *RAYUWAR AURENA*🥀🥀🥀 *NA* *HAFSAT M* *Page* *6

🥀🥀🥀 *RAYUWAR AURENA*🥀🥀🥀

        *NA*

*HAFSAT M*

*Page*

        *69*

Sadaukarwa ga qawata
*AISHA GENTLE LADY*

"Ina kike tunanin zaki je?". Ya fad'a yana kallonta.

   Juya kanta tayi ba tare da ta kula sa ba.

    A hankali ya sak'ala hannayensa biyu bisa k'ugunta ya zagaye ta dashi zuwa tunbinta ya matse ta sosai wanda ya sanya ta sakin k'ara kad'an sannan yace

    "Please Humaira ki tattaro min da hankalinki ina so muyi magana ta fahimtar juna, wannan guje min d'in da kikeyi wlh yana shigar dani tsantsan damuwa, dan Allah my lovely wife ki bani hankalinki".

   Cikin kashe murya ya k'arashe maganar, a yayin da ya langab'ar da kansa tsakanin wiyarta.

    "Ina jinka kayi maganar da zakayi".Ta fad'a a takaice ba tare da ta kallesa ba.

   Ajiyar zuciya ya sauk'ar a hankali ya soma fad'in

   "Kiyi hak'uri dan Allah Humaira da irin abubuwan da nayi miki a iya zamana dake, nasan nayi miki ba dad'i, haka zalika na juya miki baya a yayin da kike buk'atar kulawata, Am so sorry Humaira, please kiyi hak'uri ki yafe min kura kurena ki dawo zuwa gareni mu shimfid'a sabuwar rayuwa mai d'auke tsafta, mu mance da duk wani abinda ya faru a baya mu fuskanci na gaba, dan Allah ba dan ni ba kinji".
   Ya k'arashe maganar cikin k'asa da murya tamkar mai shagwab'a.

   Zamanta ta gyara game da kawo dubanta garesa sannan tace
    "Haba mana Abdool, me yesa kake b'ata bakin ka akan abinda kasan ba iyuwa zaiyi ba?"

Kasan bazan iya d'aukar k'afafuna da sunan komawa gidanka ba, sam an wuce wajan, ko a mafarki bana tunanin hakan bare kuma a zahiri, dan haka idan kasan wannan maganar ne zaka yi min to ka bar lalata bakinka, dan ba koma maka zan yi ba".

  Matso ta sosai ya kuma yi a karo na biyu wanda yafi na farko, hakan yasa cikin jin zafin rik'on da yayi mata ta sak'i k'ara game da runtse idanunta tace
    "Wai meye hakane dan Allah!? "Kasheni kake so kayi?"

   "Idan na kasheki ai nine da a sara". Ya fad'a cikin iriyar murya.

  "Dan Allah ka sassauta min rik'on nan wlh akwai zafi, ko ka mance ina da ciwon ciki ne?"

   Sakinta yayi cikin sauri ya jiyo da kanta game da tallafo fuskanta yace
    "Wanne irin ciwon ciki kenan?"

   Sauk'ar da idanunta k'asa tayi a hankali tace
   "Ban sani ba nima amman ya wancin rana ku yana min ciwo".

   "Aiyya sannu, amman kinje Asibiti an duba ko menene?"

    Kanta ta girgiza alaman a'a.
    Had'e fuska yayi sannan yace
    "Bana son irin haka fa, ya baki da lafiya amman ki kasa zuwa Asibiti, to maza tashi idan nayi sallah sai muje a duba min ke, dan ba zan k'yale ki haka ba".

    K'arashe maganar yayi a sanda ya mik'e tsaye itama ya mik'ar da ita yana k'ara fad'in

    "Yanzu bari inyi sallah kema kiyi idan kina yi tunda an k'ira magariba, idan yaso sai muje Asibiti a duba ki daga nan in mayar dake gida bayan mun tsaya munci wani abu".

   Had'e rai tayi tana masa wani irin kallo tace
   "Meye nufin ka da idan ina yi?" Kuma nace maka ina bukatar zuwa Asibiti ne ko yunwa nace ma ina ji?"

   Kinga Malama bana son jin wannan surutun naki, dan haka kiyi abinda nasa ki mutafi".

   Fuska ta ya tsina ciki-ciki tace
   "Nidai wallahi gida zaka mayar dani dan babu Asibitin da zanje, harda wani bani umarni sai kace wata matarka".