- مساء الخير يا ماما
- عشق اهلًا يا بنتى
- شوفى انا جايبلك مين
- حبايب قلبى اهلاًاهلاً تعالوا فى حضنى ربنا يكرمك يا بنتى متعرفيش زيارتك دى عزيزه عندى اد ايه
- تسلمى يا حبيبتى
- امال فين هدى ؟
لتدخل هدى مبتسمه و هى تجفف يدها فى منشفه تمسكها
- هدى طول النهار فى المطبخ عشان تحضر الغدا لسيادتك
- ربنا يستر هى ماما معملتش الغدا بأيدها
لا انا اللى عملت كل حاجه و اذا كان عجبك
عاجبنى يا ستى امرى لله بس اوعى تكونى نسيتى الشوربه
- و انا اقدر دا انا عملتها مخصوص لحبايب عمتهم
- هاتيهم بقى انا أكلهم انا وداده
- طيب اجى معاكم أساعدكم
- لا خليكى انت هنا مع ماما هانستنى بابا لحد ما يجى من الجامع و نتغدى كلنا
- اقعدى يا بنتى انا عايزه اتكلم معاكى
ايوه ياماما تحت امرك
انا عارفه يا بنتى انى مهما قلت او عملت مَش هاقدر اعوضك عن كل اللى شوفتيه بس انا عايزاكى تسامحيني
- و انتى عملتى ايه يا ماما انتى ملكيش ذنب
- ذنبى انه ابنى يا بنتى و مع ذلك مَش قادره أزعل منه او اغضب عليه بس بدعيله ربنا يهديه
- خلاص يا ماما انسى انا نسيت ولا عايزانى أزعل منك
- لا يا بنتى انا عايزه اقولك بس ان عمر بيحبك و الله بيحبك اوى دا ابنى و انا ادرى بيه من كل الناس انا مَش عارفه ليه بعد بدل ما يقرب و ربنا يعلم انا قلبى موجوع اد ايه من غيابه و ياما حاولت أقوله لا و بلاش الله اعلم يا بنتى اذا كانت الوشوش هتتقابل ثانى ولا لا بس عايزاكى تعرفى انه عمره ما حب و لا هيحب حد الا انتى يا عشق
- ماما عشان خاطرى بلاش نتكلم فى الموضوع ده انا مجتش هنا عشان عمر انا جيت لانى بعتبركم اهلى وولادى لازم يعرفوكم و يتربوا فى حضنكم
- تسلمى يا بنتى ربنا يعلم ان من ساعه ما دخلتى البيت هنا و انا بعتبرك زى هدى
لتأخذها عشق بين أحضانها
- ربنا ما يحرمنا منك ابدا ابدا يا ماما
لتدخل هدى و هى تحتضن احدى الطفلين
- ايه دا أسيبكم شويه الاقيكم قلبتوها دراما قوموا يالا بابا جه و الغدا جاهز
قضينا باقى اليوم معهم فى سعاده ثم تركتهم كانت الحاجه فاطمه تودعنا بابتسامه كبيره و لكنى كنت اعلم ان قلبها يبكى حزنا و اشتياقا لغائب قد لا يعود .
فى صباح اليوم التالى توجهت الى العمل مبكره لأقوم بدراسه الأوراق التى أعطاها لى مدير التسويق مضت فتره من الوقت لا اعلمها لأنتبه على صوت طرقات على الباب لم تكن السكرتيرة الخاصه بى قد اتت بعد فالوقت لايزال مبكرا جدا
- ادخل
- صباح الخير يا بنتى انا قلت اكيد هاجى الاقيكى هنا
- اهلًا يا عّم سعيد فعلا انت عارف انا بحب اصحى بدرى زى بابا الله يرحمه هو اللى عودنى على كده
- فاضيه و لا تحبى نيجى فى وقت ثانى
- لا ابدا و لو حتى مَش فاضيه اتفضل
- تعال يا على
لأنتبه و انظر امامى لأحد شابا وسيما طويل القامه عريض المنكبين يرتدى ثيابها بسيطه فى اناقه لم أكن أفسر ملامحه فقد كان ينظر الى الارض و ليس لى مباشره لاقول باندهاش
- على ياه دا السنين بتمر بسرعه اوى انت اتغيرت خالص
ليرفع نظره و تواجهنى عينان صافيتان تنطق بالصدق
- ازى حضرتك
لاضحك ضحكه صافيه من القلب و قد تذكرت ضربه لى و نحن صغار و استيلائه على ما معى من حلوى
- حضرتك طيب حضرتى عايزه الشيكولاته اللى أخدتها منى بالعافيه و انضربت بسببها
لتظهر شبح ابتسامه على شفتيه و يقول بصوت هادىء
- ياه انتى لِسَّه فاكره
- و هى دى حاجات تتنسى تعال يا على اتفضل اقعد و انت يا عّم سعيد
- بصراحه با بنتى على كان متردد يجى يشتغل معانا
لأنظر له فى دهشه
-ليه كده يا على ؟
- لان حضرتك يمكن تكونى مَش محتاجانى فعلا انا عارف كويس انتى بتعزى والدى قد ايه و مَش هتقدرى ترفضى له طلب و انا مَش عايز افرض نفسى
فابتسم فى هدوء و انا انظر له ليمر فى خاطرى حديث اخر كان منذ أعوام لغائب لن يعود فقد ذكرنى به و بكلامه الذى كان يسمعني إياه و يخدعنى به و لكنى نفضت راسى و انا انظر اليه و أقول بحزم
- متخفش يا على انا مَش بأعمل حاجه كده حتى لو عّم سعيد غالى عليا انت كمان هتشتغل و هاستفيد منك و لو حسّيت ان ملكش دور هنا ممكن تستقيل فى اى وقت انا مَش هامنعك
لتكون الدهشة من نصيبه هذه المره كنت ارى فى عينيه اعجابا واضحا بالحزم و القوه فى صوتى و كلامى لقد اختلفت كثيرا عن تلك الطفلهً الباكيه التى كانت منذ سنين
- ؟طيب انا بعد إذنك احب اعرف هاشتغل ايه هنا
-انت مَش درست اقتصاد
- ايوه طبعا و عملت كمان دراسات حره فيه
- طيب كويس اوى بس المجال العملى هو الأساس اتفضل دا
- ايه دا يا فندم؟
الملف دا فيه مشكله صعبه بتواجهنا و بتواجه المصنع عميل محتكر تسويق الانتاج بتاعنا من سنين و شبكه الموزعين بتوعه يعنى احنا منقدرش نتعامل معاهم الا من خلاله و عايز يفرض علينا شروطه يعنى نبيع بالخساره لانه فاكر اننا مَش هانعرف نتصرف يعنى بالبلدى كده عايز يلوى دراعنا انا و عّم سعيد و مدير التسويق بقالنا يومين بندرس فى الملف ده بقالنا يومين عشان نحاول نوصل لحل يجنبنا الخساره دى انا عايزاك تقرأه كويس و تقولى رايك و لو عندك حل احب اعرفه
- ايوه بس دى مسأله مصيريه و مهمه و دا اول يوم ليا هنا و حضرتك طالبه رايى انا
- ايوه يا على ودى تفرق فى ايه المهم طريقه تفكيرك مَش انت هنا من اد ايه انت درست اقتصاد و عندك خبره فى المجال ده يبقى تحاول تقولى ازاى نقدر نحل المشكله دى و بعدين انا درست الموضوع ده كويس و تقريبا عرفت هاعمل ايه و فيه فكره فى دماغى كده بادرسها بس انا احب اسمع يمكن انت تفيدنى بحاجه جديده
- انا بس انا خبرتى العمليه قليله جدا بالنسبه لحضرتك
- بص يا على كلنا هنا بنتعلم و بنحاول نساعد بعض يعنى عامهً لو قابلت المشكله دى قدامك فى حاله بتدرسها كنت هاتعمل ايه و هتحاول تحلها ازاى
- هاطبق مباديء الاقتصاد اذا كان فيه محتكر واحد لتصريف السلعه هاحاول أتفاوض مع موزعين جدد للبيع
- و لو كل الموزعين الموجودين غير قابلين للتفاوض يعنى المحتكر متحكم فيهم
- احاول اخلق أسواق بديله
فابتسم انا و قد لمعت عيناى من رده التلقائي على فقد كان هذا هو نفس ما أفكر فيه
- طيب يا على ادرس الملف ده كويس كأنه حاله قدامك و حاول انك تقدملى حل عملى يساعدنا قدامك ٢٤ ساعه و هنقعد بكره نتكلم ان شاء الله و أظن ان ده فى مجال تخصصك و لا ايه؟
- شكرًا لحضرتك يا أستاذه عشق
- لا شكر على واجب و اسمى عشق بس احنا هنا كلنا أسره واحده
- معلش مَش هاقدر انادى حضرتك كده قدام الناس انا هاقولك يا مدام عشق
- خلاص نادينى زى ما تحب المهم انا عايزه شغل يا على
- ان شاء الله
لأنظر انا الى عّم سعيد و أقول له
- عّم سعيد أفتكر هنا فيه مكتب فاضى فى الدور ده
- ايوه يا بنتى دا كان بتاع مدير التخطيط و من ساعه ما استقال و المكتب مقفول
- طيب افتحه لعلى يشتغل فيه
لينظر كل منهما الى الاخر فى دهشه
- بص يا على انا باديلك فرصه هنا تثبت نفسك و تشتغل انا مَش هاحدد ليك وظيفه محدده و لا مرتب الا لما اشوف هاتعمل ايه فى الموضوع اللى معاك ده وإزاى هتحله ليا و على أساس ده هنتكلم فى اللى بعد كده أظن ان انا كده باتعامل معاك رسمى و اتمنى انك متخيبش ظنى فيك
- ان شاء الله هتلاقينى حضرتك عند حسن ظنك طيب استأذن انا عشان ابتدى اشتغل
- معاه يا عّم سعيد عرفه على المكان و شوف محتاج ايه
مضت عده ساعات و انا منشغله فى العمل لانتبه ان الساعه قد تعدت منتصف النهار بساعتين لانتبه على جرس الهاتف يدق بإلحاح
آلو ايوه يا صفيه انا اسفه انا عارفه انى انا اتاخرت عليكم شويه طيب معلش انا هاسيب اللى فى ايدى وجايه ليكم حالا لامسك حقيبتى و اتجه الى الباب
ايه انا خارجه دلوقت و مَش هارجع النهارده الشغل ثانى بكره فيه اجتماع مهم جدا الساعه تسعه صباحا و لو فيه اى حاجه ثانيه بلغينىً
- حاضر يا فندم تحت امرك
==============
- اسفه صفيه انا عارفه انى كان لاز م اجى بدرى النهارده اسفه اتاخرت عليكم شويه معلش كان عندى مشكله والشغل خدنى
- ولا يهمك احنا زى الفل و الدكتور خلاص راح يعمل اجراءات الخروج بس مشكله ايه خير ان شاء الله؟
- خير ناخد صفى بس و نروح و و بكره ان شاء الله تفضيلى انا عايزه اتكلم معاكى عايزاكى فى حاجه ضرورى جدا و انتى هتساعدينى فيها انا معتمده عليكى
- انا تحت امرك و انتى عارفه رقبتى ليكى يا ست عشق
- تسلمى يا صفيه دا العشم برضه
- ها يا قمر ازيك النهارده خلاص يا حبيبى انت بقيت زى الفل و هتيجى معايا البيت النهارده
- بجد يعنى مَش هاروح عند عمى ثانى العيال هناك وحشين و بيضايقونى و ياخدوا اللعب بتاعتى
- مَش قلنا تحبهم لأنهم أخواتك يا صفى و تلعبهم باللعب معاك و هما هيحبوك
- و الله أدلتهم اغلب اللعب و قلتلهم نلعب سوا بس هما رفضوا و أخدوا اللعب كلها و ضربونى
- معلش يا حبيبى عموما انت هتفضل معايا و مع حمزه و عشق
- عشق مين هو في فيه عشق ثانيه غيرك هناك
لتضحك عشق و تضمه فى حب
- ايوه يا صفى عشق الصغيره بنتى
- بنتك انتى عندك بنت
- ايوه وولد صغير كمان توأم
- و حلوه زيك كده
لتضحك و هى تداعبه بحب
- انت شايف انى حلوه يا صفى
- ايوه طبعا انتى حلوه اوى اى حد لازم يشوف كده
لاضحك من كلامه البرىء لى و اقول
- حبيبى انت و الله، على العموم عشق الصغيره احلى منى بكثير هى شبهى بس واخده عنّين باباها الخضر و تتوقف كلماتى العفويه عندما تذكرت عيناه التى عشقتها يوما لتختفى الابتسامه من على وجهى و اصمت قليلا ثم انتبهت الى صمتى و نظرات صفى لى لامسك يده برقه و اقول
- مَش يلا بينا يا صفى عشان نروح بقى
- و اشوف عشق الصغيره
- طبعا يا حبيبى هاتشوفها و تلعب معاها كمان
- انا حبيتها من قبل ما اشوفها طالما انتى بتقولى انها حلوه زيك كده
وصلوا الى البيت ليجدوا داده عليه قد أعدت لصفى غرفه جميله تناسبه و قد ملأتها عشق له باللعب و الهدايا
- لتقول له داده عليه و قد أصطحبته الى الغرفه
- يلا يا صفى ادخل خد شاور و غير هدومك و استريح شويه
- استريح ليه انا لِسَّه جاى من المستشفى و كنت قاعد فى السرير علطول انا عايز انزل الجنينه العب و اشوف عشق
- مَش وقته يا حبيبى استريح شويه و بعدين هاخدك عندهم
- لا عشان خاطرى بصى هلعب شويه فى الجنينه و بعدين ابقىً اطلع هنا استريح
-؟خلاص يا داده معلش خديه يلعب شويهً مع الولاد و بعدين رجعيه هنا ثانى
- حاضر يا بنتى اللى تشوفيه فالتفت انا الى صفيه و اقول
- صفيه انتى تعبتى معايا فى الايام اللى فاتت تروحى تستريحى الوقت و بكره ان شاء الله عايزاكى معايا فى الشركه
- طيب ما تخلينى معاكى النهارده يمكن تحتاجينى
- لا يا صفيه أسمعى اللى بقولك عليه
- طيب عن إذنك الوقت يا ست عشق
- اتفضلى حبيبتى
===========
فى صباح اليوم التالى بالشركه
- صباح الخير
- صباح الخير يا صفيه ازيك انتى فينك بقالك كثير مَش باينه
- كنت مشغوله شويه شكرًا على سؤالك انا جيت مع الست عشق لان النهارده فيه اجتماع مهم
- ايوه انا عارفه الميعاد الساعه تسعه بالضبط طيب ممكن تقعدى هنا شويه لحد ما اروح اجهز قاعه الاجتماعات و اضبط الورق
- طيب روحى انتى و انا هأقعد هنا لحد ما ترجعى و بعدين ادخل لها
- ماشى يا قمر عن إذنك
جلست على الكنبه المواجهه للمكتب تفكر فى هذا الاجتماع الذى طلبت منها عشق الانضمام اليه و تتذكر حديثهما معا هذا الصباح
- صباح الخير
- صباح النور كويس ان مواعيدك مضبوطهً اركبى يا صفيه
حاضر لتتجه الى المقعد بجوار السائق و تفتح الباب
- انتى رايحه فين
- هاركب يا ست عشق
- هاقول ليكى كام مره مَش هنا يا صفيه تعالىً هنا اركبى جنبى عايزه اتكلم معاكى
- طيب اللى تشوفيه
- بصى يا صفيه اجتماع النهارده مهم جدا و هيتوقف عليه حاجات كثير وانتى عليكى دور كبير اوى فيه
- انا يا ست عشق
- ايوه انتى يا صفيه فيها ايه دى يعنى لو طلبت منك انك تقفى جنبى هتعملى ايه؟
- يا خبر دا انا برقبتى و لو فيها حياتى و انتى عارفه أخدمك بعنيا
تسلمى يا صفيه بس انا مَش عايزه عنيكى انا هاقولك هاتعملى ايه
ليقاطعها رنين الهاتف كان عّم سعيد يخبرها انه موجود بالشركه و فى انتظارها
كانوا قد وصلوا الى الشركه لتنزل عشق قائله لها
- بصى يا صفيه انا هاطلع المكتب دلوقت اجهز شويه ورق مهم و استعد خمس دقايق و حصلينى عشان عايزاكى فى حاجه مهمه قبل الاجتماع
- حاضر هاحصلك علطول
تنهدت فى قوه و هى تسترجع الحديث و تنظر ناحيه الباب فى انتظار السكرتيرة لتدخل فقد تأخرت قليلا ام هو القلق لتعرف ما الذى تريده منها عشق و هل تستطيع تنفيذه
فاجأها دخول شاب لا تعرفه طويل القامه مفتول العضلات وسيم يتجه ناحيه المكتب و قد ألقى عليها نظره خاطفه ثم خفض نظره الى الارض
- السلام عليكم
- و عليكم السلام
اتجه ناحيه باب المكتب كان يرغب فى الدخول لتنظر اليه فى دهشه للحظه ثم تقوم و تقف فى طريقه بجرأه قائله
- حضرتك مين و عايز ايه ؟
ارتبك الشاب للحظه من تصرفها المفاجىء و توقف فجأه ليرتطم بها فى قوه حتى انها كادت تسقط على الارض لتمتد يد قويه لتمسك بها و كأنها ريشه لا وزن لها
ارتبكت مما حدث و اندفع الدم الى وجنتيها لتتورد بلون احمر قان من شده خجلها
انزل يده عنها بسرعه و كأنه ادرك ما فعل للتو بعد ان راى احمرار وجهها
-انا أسف بس حضرتك اللى وقفتى ادامى فجأه و كُنتُى هتقعى
لتنظر له نظره غاضبه قد تحرقه من شدتها
- يا سلام مهو حضرتك اللى داخل كده و كأنها وكاله من غير بواب مَش لازم اعرف انت مين و رايح فين كده ان شاء الله
لتحمر عينيه من شده الغضب من لهجتها و طريقه هجومها عليه و يجيبها بصوت حاد
- لو سمحت يا انسه اتكلمى معايا كويس و بعدين انتى مين و فين السكرتيرة؟
- انت اللى مين انا عمرى ما شوفتك هنا ابدا و داخل كده بدون استئذان
- لا طبعا انا كنت هاستأذن قبل ما ادخل لولا انتى وقفتينى و
فتحت عشق الباب فجأه و هى تنظر اليهم فقد ارتفع صوتهم قليلا لتسمع عشق جزء مما يدور وراء باب المكتب فتقوم لتفتح الباب ونظرت اليهم و على وجهها ابتسامه و هى تتابع نقاشهم
صمت الاثنين فجأه عندما فتح الباب و ارتبك كل منهم فى شده لتنظر اليهم عشق مشاكسه
- ايه ما تكملوا نسيب بقى شغلنا و نتخانق مع بعض فيه ايه بيحصل هنا بالضبط ؟
لتندفع صفيه فى الكلام غاضبه
- هو اللى داخل كده من غير أستئذان ولا كأنى موجوده اصلا و
ليرد هو وقد عجز عن كبح غضبه
- هو حضرتك يا أستاذه عشق مَش طلبتينى و قلتى اجى لحضرتك فى المكتب لانك عايزانى دخلت و لقيتها قاعده كنت هاخبط على الباب و دى نطت فى وشى فجأه و بتكلمنى بالأسلوب ده
لتنظر لهم عشق فى حزم
- خلاص كفايه مَش عايزه اسمع حاجه ثانى انتو الاثنين تعالوا ورايا عندنا شغل كثير و مَش فاضيين للى بتعملوه ده
ليصمت الاثنين من تصرفهم الطفولى أمامها و من هجومها عليهم و تدخل السكرتيرة فى نفس اللحظه لتنظر اليهم جميعا فى دهشه ثم تقول
- شكرًا يا صفيه انا اسفه على التأخير بس كنت بنظم الورق عشان الاجتماع و فى حاجات كانت عايزه تتصور
- تعالوا ورايا نطقتها عشق فى حزم و هى تدخل الى المكتب فيتبعها على و صفيه فى صمت و يقفوا فى الانتظار
- ايه فيه ايه اقعدوا عايزين نتكلم فى المهم قبل الاجتماع على هو فين عّم سعيد
- بيظبط شويه حسابات لانه روح بدرى و حضرتك طلبتى منه موقف السيوله بتاعتنا فطلب منى انى تسبقه و هو جاى حالا
- طيب تمام على بال ما يجى قولى بقى عملت ايه فى اللى طلبته منك امبارح ؟
نظر الى صفيه فى ضيق فلم يكن يتوقع حضورها الى هذا الاجتماع بينه و بين عشق لتفهم عشق نظراته
- نسيت أعرفك صفيه المساعده بتاعتى ودراعى اليمين فى البيت و الشغل احنا علطول مع بعض و مبستغناش عنها ابدا هى صحيح صغيره بس يعتمد عليها تقدر تقول عنها رجل المهام الصعبه بس جدعه و تسد عمرى ما طلبت حاجه منها الا و عملتها كما ينبغى انا يثق فيها تماماً
- ابتسمت صفيه و هى تنظر له فى تحدى بعد كلمات عشق عنها لترد و تقول
- انا أخدمك بروحى يا ست عشق هو انا انسى جماليك عليا
- متقوليش كده يا صفيه مفيش بينا جمايل احنا اخوات و انتى عارفه و كمان هيكون ليكى دور مهم فى اللى جاى بس انا عايزه دلوقت اسمع من على
لينظر للحظه اليها قبل ان ينظر فى الأوراق التى احضرها ليستجمع أفكاره و يقول
- بصى يا أستاذه عشق انا سهرت طول الليل أفكر فى الموضوع اللى حضرتك كلفتينى بيه وزى ما قولت لحضرتك قبل كده مالوش الا حل واحد بما اننا مَش هنقدر نتفاهم مع الموزعين لانه محتكرهم لحسابه يبقى نخلق أسواق جديده للتصريف و نستغنىً عنه خالص
- طيب و تفتكر ان ده سهل ما هو لو ممكن اعمل كده من البدايه مكنش قدر يتحكم فينا و يفرض شروطه
- فى النقطه دى حضرتك عندك حق الاسواق الداخليه حاليا مقفوله و صعب ان احنا نسوق فيها بس السوق الخارجى لا
- ازاى هو اللى واخد توكيل تسويق المنتجات بتاعتنا بره و مَش هنقدر نتواصل مع العملا بتوعه محدش هيسأل فينا او يتعامل معانا
- بصى حضرتك دا كان قبل ما العقد اللى معانا مدته تنتهى هو كده مالوش انه يبقى الوكيل بتاعنا انا درست هو بيسوق فين بالضبط و جيت هنا امبارح المكتب و عملت اتصالات باغلب الشركات المعروفة بره بعت ليهم مكاتبات وإخطارات ان هو معد ش الوكيل بتاعنا خلاص و ان اى تعامل هيكون مباشره معانا بعضهم رد عليا فعلا و سألوا على الشروط و الاسعار و انا قلتلهم اننا هنديهم بسعر التوريد المباشر للسنه اللى فاتت بدون زياده فى الاسعار و خصم كمان للكميات
- و تفتكر ده مَش هيعرضنا لخساره
لا حضرتك لان انا طلبت اخر عقد معاه و الاسعار اللى كان بينزل على اساسها ليهم و طبعا كان بيورد ليهم بأسعار عاليه جدا مكسبه منا كان اكثر من الضعف وزياده يعنى احنا لو وردنا ليهم حتى بالسعر القديم أرباحنا هتتضاعف و بدون مجهود و كمان طلبت منهم ان الاتفاق و توقيع العقود يبقى سرى بينا و بينهم لحد ما نمضى العقد معاهم والا الصفقه هتتلغى
- و قبلوا بالكلام ده ؟
- بعضهم طبعا قبل بالشروط دى لانه يعتبر مكسب كبير ليهم و هيبعتوا مندوب ليهم يتمم الصفقه و بشروطنا و مَش كده و بس بعض الشركات الثانيه اللى مكنش بيتعامل معاها طلبت كميات من منتجاتنا و بالسعر اللى نحدده احنا
لتنظر له عشق فى ابتسامه
- كل ده عملته فى يوم واحد يا على فعلا ظنى فيك كان فى محله
- العفو يا أستاذه انا بأحاول اعمل شغلى و بس
- شوفت بقى ان الدراسة بتنفع يعنى الاقتصاد اللى درسته ساعدك تجتهد و تجود فى شغلك
- شكرًا لحضرتك بس دا مَش كفايه لازم نشوف حل لمشكله التسويق الداخلى
- الحل عندى انا يا على ودا دور صفيه
- ازاى
- هاقولكم و اسمعينى كويس لان اهم حاجه فى الملام ده التوقيت و الدقه فى التنفيذ انا بأفكر انى ....
انتهى الاجتماع بعد عده ساعات ليخرج الجميع و على وجوههم علامات الارتياح و ينظر عّم سعيد الى عشق فى إعجاب
- مالك يا عّم سعيد بتبصلى كده ليه ؟
- لانى كنت شايف المرحوم فيكى النهارده يا بنتى انتى قدرتى انك تفكرى و تقفى على رجليكم و تواجهًى و ان شاء الله هتنجحى بنت ابوكى بصحيح
- الله يرحمه شكرًا يا عّم سعيد بس دا حقنا و بندافع عنه و هو اللى بدا بالغدر مَش احنا
- لو كل حاجه مشيت زى ما خططنا النهارده هياخد درس عمره يا بنتى بس ربنا يسهل و نقدر نخلص التجهيزات بسرعه
- متخفش يا عّم سعيد انا ورايا ناس مخلصه تخدمنى برقبتهم و هيعملوا كل اللى ربنا يقدرهم عليه ان شاء الله هننجح جبت العقود و الأوراق من المحامى زى ما قولتلك
- ايوه يا بنتى موجوده كلها فى الملف ده اتفضلى لأخذ انا منه الملف و الأوراق و اساله
- طيب و بقيه العقود هتخلص امتى ؟
- واحده واحده يا بنتى ان شاء الله كل حاجه هاتتعمل كما ينبغى
- المهم على وصفيه الموضوع كله معتمد عليهم و اتمنى يتفقوا مع بعض
- متخافيش يا بنتى الاثنين مخلصين و بيحبوا شغلهم و بيحبوكى ولازم هيوصلوا لاتفاق لو عايزين يساعدوكى فعلا
- ان شاء الله اتمنى و بعد ما كل حاجه تخلص انا عايزه اجتماع مع مدحت ده
- ليه يا بنتى
- عايزه اديله درس عمره يا عّم سعيد عشان يعرف هو بيتعامل مع مين
- طيب كفايه كده النهارده ربنا يسهل يالا روحى انتى لولادك بقى
- لا مَش هينفع انا هاروح جوله الف على المصانع قبل ما اروح عشان اشوف طلبات العمال و الشغل اخباره ايه
- ربنا يعينك يا بنتى
- على فكره هو على بيعرف يسوق؟
- ايوه يا بنتى ليه ؟
- طيب يا ريت تخصص ليه عربيه هو وصفيه لان الفتره اللى جايه هيحتاجوا يلفوا كثير و انت عارف
- فعلا عندك حق حاضر من عنيا
- تبلغه بالكلام ده و تديله المفاتيح
- طيب محتاجه حاجه ثانى
- لا شكرًا
خرج لتغمض عينيها فى إرهاق و تعب و تتنهد مر فى خاطرها كل ما تتعرض له من مشاكل ولكنها رغم ذلك شعرت بالامل اتجهت الى النافذه لتنظر الى الأفق وتقول
- ربنا معانا فى اللى جاى بكره ان شاء الله اجمل من النهارده سامعه يا عشق خلاص مفيش رجوع ثانى ابدا ً لتعود الى مكتبها و تفتح اوراقها تستغرق فى العمل .
