-اشربًى الليمون ده
- مَش عايزه يا اياد
- عشان خاطرى لازم تهدى شويه يا عشق و بعدين الولاد من ساعه ما جم و هما ساكتين لازم تتكلمى معاهم شويه و تطمنيهم
- هما فين؟
- قاعدين جوه
- طيب انا هاروح أشوفهم
-!تحبى اجى معاكى !
- لا شكرًا
دخلت لتجدهم صامتين ينظرون اليها و الدموع فى اعينهم من الخوف و الفزع لتنظر اليهم للحظه ثم تفتح ذراعيها ليندفعًا اليها ليحتضنونها فى قوه و يبكون
- احنا اسفين يا مامى و الله ما كنّا نقصد
- تقصدواا ايه مَش فاهمه ؟
- الحريق احنا خفنا عليكى وقتها اوى
- دا لانى كنت مرعوبه عليكم و انتى جوه
- بس بابى دخل و أخدنا عندك
- طيب خلاص حصل خير انا مَش حابه انى أفتكر
- احنا كنا فاكرين انك هتتبسطى و ملينا البيت شمع وورد كان شكله حلو اوى بابى اشتراه عشان لما ترجعى تلاقيه
- انا رجعت لقيت حريقه و بعدين هو مفكرش خالص ازاى يولع الشمع ده كله و يسيبه كده
-!زى الفيلم يا مامى انتى فاكره هو عجبك اد ايه ؟
-؟و هو عمر عرف منين ؟
ليرد حمزه
- عشق اللى قالتله لترد عليه عشق فى غضب
- بس يا فتان لتنهرهما عشق فى غضب
- بس كفايه خناق انتى و هو احنا مَش فى بيتنا هنا اتفضلوا يلا ناموا الوقت أتأخر اوى
لتنظر لها عشق ثم تنفجر فى البكاء فتشعر هى بالشفقه عليها و تضمها فى رفق
- خلاص طيب بتعيطى ليه دلوقت انا مَش زعلانه منك و بعدين انا مقلتش حاجه اصلا عشان تزعلى كده كل اللى قلته انكم لازم تناموا الوقت
- انا مَش زعلانه منك انا خايفه
- من ايه يا حبيبتى الحريقه خلصت خلاص و الحمد لله خايفه من آيه طيب ؟
- انا مَش لاقيه القطه بتاعتى وهى كانت نايمه معانا فى الاوضه انا خايفه تكون ماتت او ضاعت يا مامى
لتضمها امها فى حب و تقول
- طيب متخافيش يا حبيبتى انا هاروح ادور لك عليها بنفسى اطمنى
لترد عليها بفرح و تقول
- بجد ربنا ما يحرمنى منك انتى احسن ام فى الدنيا
- طيب نامى دلوقت و انا هاتصرف يالا يا حبيبتى تصبحى على خير
- و انتى من أهله
خرجت و اغلقت الباب ثم تنهدت و هى تتجه المدخل لتخرج منه و تتجه الى الفيلا لتقف للحظه و هى تنظر فى ضيق الى اثار الحريق البادى علبها و الدمار الذى لحق بأحد جوانبها ثم تتجه ناحيه باب الشرفه الزجاجى المحطم بسبب الحريق كان عمر قد اخذ منها مفتاحها و لم يرجعه لها و قد نسيت ان تطالبه به بعد ما حدث فاتجهت ناحيه باب الشرفه المحطم لتجد رجل الأمن الذى تركه اياد ليحرس المكان حتى الصباح
- مساءالخير
- مساء النور يا هانم تحت امرك
- لا ولا حاجه انا قلت بس اجى أبص على المكان و اجيب شويه حاجات لنا
- اتفضلى يا هانم حضرتك دا بيتك و تعملى الاى تحبيه و بعدين الست عليه هنا
- داده عليه جوه ؟
- ايوه جت من شويه وقالت هتدخل تنظف المكان
- من غير ما تسال علينا او تشوفوا غريبه
دخلت بحرص وهى تمر على الزجاج المحطم و تناديها لتجدها فى المطبخ كعادتها
- انتى فين يا داده ؟
- انا هنا يا بنتى تعالى
كانت تنظف الارض فى صبر من اثار الدخان و الزجاج المحطم و تجمع البقايا
- انتى بتعملى ايه يا داده و مجتيش على هناك ليه ؟
- لا انا روحت و اتطمنت على الولاد و لقيتهم ناموا و انتى كُنتُى قاعده مع الاستاذ اياد قلت اجى هنا اشوف هانعمل ايه ؟
- سيبى كل حاجه يا داده و الصباح رباح هاجيب حد ينظف و يرمم كل حاجه
- انا مَش هاعرف اقعد كده من غير ما اعمل حاجه
- و تقعدى هنا ليه يا داده تعالى اقعدى معانا هناك
- لا يا بنتى مَش هينفع انا استغربت انك وافقتىً اصلا انك تروحى هناك
- طيب كُنتُى حابه انى اعمل ايه ؟
- والله ما انا عارفه اقولك ايه يا بنتى انا لما جيت كنت هاتجنن لولا الاستاذ عمر الله يستره طمنى
- عمر كان هنا ؟
- ايوه و فضل معايا هنا شويه و بعدين مشى
- براحته انا مَش حابه انه يكون له وجود ثانى فى حياتى ولا حياه ولاده ابدا يا داده كفايه بقى اوى اللى حصل و اللى انتى شايفها بعنيكى دا أب ده؟
- طيب و هو ذنبه ايه بس يا بنتى
- دا انسان مهمل انتى مَش شايفه عمل ايه يا اله بصى حواليكًى كده
- لا يا بنتى بصى انا اقول الحق ورزقىً على الله مَش هو السبب فى الحريق اللى حصل
- ازاى يعنى مَش هو اللى رص الشمع بالشكل ده
- ايوه يا بنتى بس اللى حصل ان توته صحيت و خرجت من الاوضه انا قلت لعشق تحبسها فى البيت بتاعها بالليل بس هى مسمعتش كلامى قامتً هى خرجت وخبطت فى شمعه منهم لسعتها فاتخضت و جريت بعيد عن النار و الحريقه ابتدت كده
- و انتى ايه بقى الى قالك يا دا ده عرفتى كل اللى حصل منين
لتذهب و تعود بالقطه الصغيره بين يديها و. تريها لعشق
- من دا لتشير الى اثار حرق يبدوا حديثا على جلد القطه بصى يا بنتى أدى اثر الحرق اه
لأنظر اليه فى دهشه ثم أرد عليها بعناد
- و حتى و ان كان يا داد ه هو السبب حد يحط كميه الشمع دى كلها على الارض و يولعها كمان لاو يخلى ولاده يساعدوه يمكن صحيح اللى حصل قضاء و قدر و القطه وقعت الشمعه و الستارة ولعت بس فى الاخر هو السبب
- بصى يا بنتى انا فاهمه انك غضبانه من اللى حصل و عندك حق طبعا بس مسالتيش نفسك هو عمل دا كله ليه؟
- عشان يلفت انتباهى طبعا و يخلى ولاده يقفوا فى صفه لو انا زعلت
- طيب بينى وبينك كده لولا اللى حصل لو رجعتى ولقيتى البيت كله شمع وورد و موسيقى و هما تعبوا وعملوا كل ده عشانك كُنتُى هتضايقى اوى كده؟
- بس يا داده انا رجعت لقيت حريقه و قلبى اتخطف على ولادى انا كنت هاتجنن لما شفت النار ماسكه فى الفيلا وولادى جواها ولولا اياد اتصرف كان ممكن تبقى مشكله
- اياد عشق انا حابه انى اسالك انتى عارفه انك بنتى و انا اللى مربياكى انا حابه افهم هو ايه اللى بينك و بين اياد بالضبط؟
- مَش فاهمه تقصدى ايه يا دا ده يعنى ايه اللى بينى و بينه هو صديق و جار و عمره ما اتجاوز حدود الصداقه و الأدب و انتى عارفانى كويس
- انا مقصدتش حاجه يا بنتى بس انا حابه افهم هو مهتم بيكى اوى كدا ليه ؟
- اكذب لو قلتلك انى مَش ملاحظه ده يا داده بس انا مَش على استعداد دلوقت انى ادخل فى اى تجربه جديده و اجرب من ثانى انا حياتى الوقت بسيطه و سهله و مَش محتاجه حد يعقدها ثانى
- طيب يا بنتى هو فاهم الكلام ده و عمر كمان ؟
- عمر ثانى يا داده انا هاقولها كام مره خليه يبعد عن حياتى بقى انا مَش طايقه انى اشوفه او اسمع صوته ثانى انا هاروح اعمل قهوه دخلى توته بيتها و تقفلىً عليها كويس و انا هاخدها معايا كفايه اللى حصل لحد دلوقت
- حاضر يا بنتى من عنيا
لتتركها و تدخل بينما تتابعها عليه بنظرها وتشرد فى افكارها
- بتكرهيه يا عشق دا انا مربياكى و عارفاكى كويس لو بتكرهيه مَكنتيش هتطلبى منه يبعد انتى مَش قادره على قربه منك زى ما جرحك بعده عنك بالضبط مَش عارفه تقربى ولا تسامحى و قلبك. حتى مَش قادر يغضب منه او عليه
مضى بعض الوقت لتحمل عشق القطه و تتجه الى الخارج
- انا هاروح للولاد يا داده مصممه انك تفضلى هنا لوحدك
ما البيت بقى زى الفل اه يا بنتى و بعدين انا هيجرالى آيه يعنى روحى انتى بالسلامه انتى اتاخرتى على الولاد اوى
- ما انتى عارفه يا داد ه هما ناموا من بدرى
- برضه روحى اطمنى عليهم يا بنتى متسيبنيش لوحدهم خصوصا فى الظروف دى
- عندك حق يا داده تعرفى انا لما عشق كانت بتعيط عشان توته كان قلبى بيتقطع عليها و كانت صعبانه عليا اوى
- قلب الام يا بنتى ربنا يخليهم ليكى و ما يحرمكم من بعض ابداً
- امين يا داده طيب هاروح انا بقى
ذهبت لتتجه الى الفيلا لتدخل الى غرفه اطفالها و تضع القطه جانبا و هى تنظر اليهم و هم نائمين ثم تتجه الى احد المقاعد و تجلس عليها لتفكر فى كل ما مر بها من احداث منذ الصباح لتغمض عينيها فى ارهاق و تعب لتستغرق فى نوم قلق و احلام مضطربه .
استيقظت فى الصباح على صوت طرقات على باب الحجره تشعر بصداع والام فى جميع اجزاء جسدها من نومتها المتعبه أمس على المقعد لتمد يديها على اتساعها لتقلل من تشنج عضلاتها ثم قامت ببطء لتنظر على اطفالها المستغرقين فى النوم بسبب احداث الليله السابقه .و بعد نصف ساعه خرجت من الغرفه لتجد اياد جالسا ينتظرها و بيده كوبا من القهوه يتصاعد بخاره فى قوه لتنظر له مبتسمه على استحياء
- صباح الخير انا معملتش ليكى قهوه قلت يمكن لِسَّه نايمه دقيقه و تكون جاهزه
- شكرًا انا تعبتك معايا
- تعبك راحه يا ستى الولاد لسه نايمين
- ايوه
- طيب دقايق و الفطار هيكون جاهز
- لا شكرًا انا مبفطرش و بعدين انا هاشرب القهوه و اروح اشوف هاعمل ايه
- متشيليش هم انا هاتصرف و ابعت حد يضبط كل حاجه
- لا شكرًا يا اياد انا هابعت حد يتصرف
- عشق انتى مَش معتبرانى صديق خلاص خلينى اتصرف لو سمحت
- بس انا كده هاتعبك معايا
- تعبك راحه يا ستى اشربًى قهوتك و بعدين نصحى الولاد و نشوف هنعمل ايه النهارده
- شكرًا يا اياد انا اسفه انى ضايقتك امبارح بس كان صعب ان الولاد يقعدوا فى المكان و هو بالشكل ده و كمان كان صعب اننا نحجز فى فندق و الوقت متاخر كده
- عشق انتى بتقولى ايه انا كده هاتضايق على فكره
- ابوه بس انا لتسمع صوت طفلتها تناديها
- عشق صحيت عن اذنك
لتدخل و تجدها تنظر حولها فى دهشه و تفرك فى عينيها لتبعد هى يدها عن وجهها
- الجميل صحى صباح الخير يا عمرى نمتى كويس
- صباح الخير يا مامى
- طيب ادخلى اغسلى وشك و سنانك و انا جبت ليكى فستان غيرى هدومك عشان تفطرى
لتسمع صوت قطتها تموء داخل قفصها فتنسى كل ما تتحدث به امها اليها و تسرع لها لتأخذها من البيت و تحتضنها فى فرح
- توته انتى هنا الحمد لله لقتيها فين يا مامى؟
- بصراحه ابوكى و داده عليه هما اللى لقوها بس امسكيها بالراحه لانها مجروحه من هنا لتشير لها الى مكان لسع الشمعه
- حبيبتى مسكينه يا توته طيب مَش ناخدها للدكتور يا مامى
- حاضر يا حبيبتى بس يالا اعملى اللى قلت ليكى عليه و انا هاصحى حمزه
- طيب هى اكيد جعانه يا مامى و أكلها هناك
لتقول لها عشق بصبر
- أكليها معاكى اى حاجه دلوقت يا عشق و بعدين هنروح نجيب أكلها
- طيب
بعد نصف ساعه كان الاطفال قد انتهوا من إفطارهم لتتجه عشق الى باب المنزل و هى تقول لإياد
- انا هاروح اشرف داده عليه و اشوف هانعمل ايه بالضبط
- انا هاحصلك بعد ما اعمل كام مكالمه
لتبتسم له فى تحفظ
- حمزه عشق خليكم مؤدبين لحد ما ارجع انا مَش عايزه شقاوه
- بس احنا زهقانين هنعمل ايه هنا نتحبس طول النهار
لتنظر لهم فى دهشه و تسألهم فى عتاب
- و هو ده وقته يعنى انتو مش شايفين الظروف
ليضحك اياد و يجيبها
- معلش يا عشق طيب اتفضلى انتى و انا هاضيع الزهق بتاعهم دا حالا
لتتنهد و هى تتركهم معا و تتجه الى الفيلا الخاصه بها و لكنها ما ان تجاوزت الباب حتى وجدت حركه غير عاديه و عدد كبير من العمال أمامها لتتجه الى هناك فى دهشه و تسأل
- هو ايه اللى بيجرى هنا بالضبط؟
- عشق كانت تلك كلمه واحده انتفضت عند سماعها فهى تعلم صاحبها جيدا لتلتفت له فى ضيق
- عمر ايه اللى جابك هنا ثانى ليسحبها من يدها فى رفق بعيدا عن الوجوه المتطلعة اليهم ليدخلها الى الحديقه الملحقه بالفيلا
صباح الخير هذا هو كل ما رد به عليها و هو ينظر الى عيونها الحائرة التى تنظر اليه لترتبك من نبره صوته اليها و ترد
صباح النور ثم تتمالك نفسها و تسأله
- هو احنا مَش اتكلمنا امبارح يا عمر انت بتعمل ايه هنا ثانى ؟
- انتى مَش هتهدى بقى يا عشق انا قدرت انك امبارح كُنتُى عصبيه و غضبانه من اللى حصل و انتى معاكى حق لو كنت مكانك كنت هاعمل اكثر من كده لتنظر له فى دهشه ثم تسأله
- و بعدين
- ولا حاجه بصى يا عشق انا صحيت من الساعه سته بعد ما اتفقت مع داده فاطمه و جبت المهندسين و العمال و بدأوا يشتغلوا فعلا من اكثر من ساعتين و المهندس ووعدنى انه هيخلص الشغل كله النهارده يعنى كل حاجه هترجع زى ما كانت و احسن ان شاء الله بعد كام ساعه
- تفتكر يا عمر ؟
- أفتكر ايه مَش فاهم ؟
- ان كل حاجه ممكن ترجع زى ما كانت هو عمر اللى بيروح بيرجع ثانى مفيش حاجه بتفضل على حالها ابدا
- يمكن يا عشق بس الانسان برضه بيفضل يحاول لان عنده امل فى الدنيا عموما اللى غلط لازم يحاول يصلح غلطته مَش يكررها ثانى لان الانسان بيفضل يتعلم من أخطائه
- انت شايف كده؟
ليرد فى عناد
- ايوه يا عشق
- خلاص اللى تشوفه يا عمر
- اشوف ايه كلامك النهارده غريب اوى انا مَش قادر حتى أفهمك
ولا غريب ولا حاجه
لا يا عشق عشق اللى كنت اعرفها كنت بافهمها و اعرف كل اللى جواها من نظره واحده انتى اتغيرتى اوى
- للاحسن و لا للأسوأ بالنسبه لك يا عمر ؟
- تصدقيني لو قلتلك انى مَش عارف
- مصادقاك بالعكس انا متاكدهً من كده
- عشق كفايه ارجوكى انا تعبت
لترد عليه بقسوه
- و انا كمان يا عمر تعبت اوى بس الظاهر انى عمرى ما هاعرف طعم الراحه و استدارت لتذهب ليمسك هو بيدها برفق لم تعتاده منه
-عشق استنى ارجوكى
- عايز ايه ثانى يا عمر؟
- لو على اللى عايزه انا عايز كثير اوى يا عشق و بإحلم انه يتحقق و بقالى سنين مستنى عايزك جنبى عايز ولادنا بينا عايز انك تسامحيني ونبتدى من جديد عايز عشق اللى حبتنى ترجع زى الاول - و تفتكر ده ممكن؟
- مهما قلتى انا هأفضل احاول و هيكون عندى امل
- حتى بعد كل اللى قلته ليك امبارح
انتى مقولتيش حاجه غلط بالعكس كلامك فوقنى و خلانى أفكر انى لازم احاول اكثر و اكثر و اثبتلك انى اتغيرت و استحقك يا عشق
بس يا ترى هتقدر يا عمر انا من سنين كنت زيك كده كان عندى امل بس وقتها املى كله خاب و حلفت انى عمرى ما هاحلم ثانى يا عمر
من سنين عمر مكنش يستحقك ولا يستاهلك و لا يقدر انه يوفر ليكى او لولاده الحياه اللى يستأهلوها
غلطان اللى يفتكر ان الفلوس و المال ممكن يخلقوا السعاده انا مكنتش مستنيه منك حاجه غير وجودك فى حياتى و حياه ولادك ظهر اتسند عليه و يحمينى
هاعوضك و أعوضهم عن كل اللى فات يا عشق
اللى راح عمره ما يتعوض يا عمر اللى راح احساسى معاك بالامان
عشق انتى عايزه ايه بالضبط ليه بتعذبينى
- انا يا عمر مين بيعذب مين
ليتنهد فى ضيق من عنادها و قسوتها معه
- طيب انا ممكن اطلب منك حاجه و حياه اللى كان بينا خلينى معاكم و جنبكم خلى ليا وجود فى حياتكم متبعدنيش عنك و عن ولادى يا عشق حتى مَش عشانى عشانهم هما انا عارف انه صعب بعد كل اللى حصل امبارح انى اثبت ليكى انى انى مظلوم و ان اللى حصل ده مكنش ذنبى بس عشان خاطرهم هما مَش عشان ادينى فرصه ثانيه أكون معاهم و جنبهم
ياه يا عمر انا اللى ببعدك دلوقت عنهم ما انت بقالك سنين بعيد كنت فين جاى دلوقت تطلب منى انك تقرب
عشق كفايه لوم عتاب فين قلبك الصافى الا ميعرفش القسوه
انت اللى عرفته و علمته يا عمر مَش حد ثانى ليمسك هو بيدها و ينظر فى عينيها بحب
- عشق ارجوكى سامحينى بقى كفايه انا ....
- عشق انا اسف اتاخرت عليكى شويه بس جت ليا مكالمه مهمه و مقدرتش ااجلها لتلتفت له مبتسمه فى هدوء
ولا يهمك يا اياد بالعكس انا اللى اسفه انك معطل شغلك عشانى و تعبت نفسك معايا
انا قلت ليكى قبل كده مفيش بينا الكلام ده و بعدين تعبك راحه يا ستى لتبتسم له بينما يكاد عمر ان ينفجر غيظا من الغيره بل انه يمنع نفسه بصعوبه من ان يفتك بأياد
-؟ازيك يا استاذ عمر عامل ايه؟
- انا الحمد لله كويس اوى بمب.
- دايما يا رب بس ما شاء الله انا شايف انك بدات تشتغل فى الفيلا فعلا مجهود ممتاز
ايوه مَش بيتى و لازم يبقى أحسن من الاول
ان شاء الله انا كنت جاى لعشق عشان نعاين المكان و نشوف الترتيبات بس البركه فيك بقى
- شكرًا و لو احتجنا حاجه هابلغك يا استاذ اياد
- طبعا انا تحت امرك فى اى حاجه ثم استدار الى عشق ليقول
- عشق طالما الاستاذ عمر موجود و هيصلح كل حاجه انا بقول مفيش داعى لوجودك هنا تعالى معايا نرجع الفيلا و نقضى اليوم مع الولاد نفسحهم و نحاول ننسيهم اللى حصل كاد عمر ان يجن و وهو يستمع الى حديثه ليعترض قائلا
- لا نظر الاثنان اليه فى دهشه لاعتراضه بهذا الشكل ليرد فى ارتباك - بس انا محتاج عشق عشان اخد رايها فى الديكورات النهائية و التصميمات. لتنظر له للحظه ثم تبتسم بمكر و ترد عليه.
- مَش لازم يا عمر انا باثق فى ذوقك كانى موجوده بالضبط و بعدين دا بيتك زى ما قلت اعمل اللى انت عايزه اياد عنده حق انا فعلا لازم أكون دلوقت مع الولاد لينظر لها عمر يصدمه و قد شعر بالضيق من كلامها و لكنه لم يستطع ان يعترض و هى تذكر حمزه و عشق تركته و هو يكاد يحترق من الغيره و الغضب ليتجه الى داخل الفيلا و يضرب قبضته فى الحائط فى غيظ و هو يحدث نفسه
- كفايه يا عشق بقى كفايه تعذبينى بحبى ليكى انا تعبت انا عارف انى كنت غلطان و باغلط و باغلط و مَش عارف اعمل ايه بس متعمليش معايا كده انا مَش مستحمل اشوفك مع غيرى ولا مستحمل وجود حد ثانى فى حياتك دلوقت بس عرفت انا جرحتك اد ايه و دقت من نفس اللى انا عملته فيكى بس كفايه لتأتى داده عليه و تظل تنظر اليه وهو يحدث نفسه لتشفق على حاله و تتجه له
-؟مَش كده يا بنى بالراحه على نفسك شويه
- شايفه يا داده عشق بتعمل فيا ايه انا بحبها و الله بحبها و عايزها هى وولادى و ندمت على كل اللى عملته فيها بس اعمل ايه عشان تسامحنى انا تعبت يا داده و معدتش مستحمل خلاص
- احنا قلنا ايه يا بنى اصبر عليها شويه و إثبت لها انك اتغيرت
- هى مَش مديانى اى فرصه يا داده و سى اياد ده كمان مَش عارف اعمل معاه ايه كل ما يقرب منها بيبقى هاين عليا اقتله. لتكتم داده عليه ابتسامتها بصعوبه وتقول
الامور متاخدش كده يا ابنى بالراحه
طيب اعمل ايه شورى انتى عليا يا داده.
عشق مَش هتر وح فى حته و انت عارفها و عارف أخلاقها كويس يبقى مفيش داعى لكل اللى بتعمله فى نفسك ده خلص الفيلا و نرتب المكان و انا هاعملكم عشا حلو كده عشان لما ترجع تقدر تفرحها. لتلمع عينيه و هى يرد عليها
- لا يا داده متتعبيش نفسك انا لازم فعلا اخلص الفيلا و بعدين ليا ترتيب ثانى معاها . مضت عده ساعات أنهى فيها عمر ترتيب و ترميم صاله الفيلا لتبدو على أفضل ما يكون ثم اجرى بعض المكالمات التليفونيه ليطلب بعض اللمسات النهائية .
- خلاص يا بنى كل كده تمام
- ايوه يا داده اتصلتى بيهم ؟
- ايوه هما كانوا على الشط طول النهار كانوا هيطلعوا رحله بس اليخت مكنش جاهز كان فيه صيانه
- الحمد لله طيب طلبتى منهم ييجوا
- ايوه انا قلت لعشق و حمزه يقولوا لها انهم محتاجين شويه حاجات من هنا
- طيب و تفتكرى انها هتاخد بالها معتقدش انها ممكن ييجى فى بالها اننا عاملين لها مفاجاه يا رب الامور تمشى كويس المره دى يا داده
- ان شاء الله يا بنى بس انت قول يا رب انا هاروح استنى فى التراس و اول ما أشوفهم جايين هاديك اشاره
- ماشى يا داده ربنا ما يحرمنى منك مضت عده دقائق لتنادى عليه داده عليه وصلوا يا بنى ليدير هو مجموعه من الاضواء الملونه و الموسيقى التى تحبها عشق التى توقفت ما ان رأت ما يحدث و هى تنظر فى صمت بينما اتجه حمزه و عشق جريا الى للفيلا فى فرح فيدورا فى المكان و يشاهدا ما تم فيه ظلت كما هى تنظر و تنتظر فتقدم هو اليها ليمسك يدها برفق
- عشق انتى واقفه كده ليه ممكن تتفضلى تتفرجى على المكان بعد ما جهز
- هو إنتوا عملتوا كل دا امتى؟
- قصدك هو احنا عملنا كل دا لمين؟ كل دا علشانك انتى يا عشق احنا لو نطول نجيب ليكى نجمه من السما لتخفض هى عينيها الى الارض فى خجل بينما يحاول هو ان يتجاوز ذلك التوتر الذى ساد بينهما للحظه
- تعالى افرجك على المكان و عملت ايه ليشير الى ما حوله و الى المكان الذى تبدل حاله تماما ها ايه رايك بقى؟ لترد عليه برقه حلويا عمر ذوق دايما حلو انا بيعجبنى دايما ذوقك
- انا عامل ليكى مفاجاه ثانيه بس يا رب انها تعجبك
-؟خير ايه هى ؟
- لا مَش هاقولها لك دلوقت هاخليكى تكتشفيها بنفسك ليدخل حمزه و عشق الى المكان جريا فى فرح
- ماما ماما شفتى بابا رسم ايه جوه احنا مبسوطين اوى لتنظر له فى دهشه فهى لم تفهم عما بتحدثون بالضبط بينما نظر هو لهم فى عتاب
- و بعدين بقى كده انتى هتضيعو ا المفاجآه ليضحك الاثنين فى مرح و كل منهما ينظر الى الاخر فى براءه بينما يمضى هو بها فى رقه الى الداخل لتواجه الحائط الكبير لتتوقف و تنظر اليه فى دهشه كان الحائط عباره عن صوره تجمعهم معا يطلون عليها مبتسمين بالحجم الطبيعى و بطول الحائط
-ها عجبتك المفاجآه ؟
- عملتها ازاى دى يا عمر ؟
- ابدا اخدت الصوره اللى اخدناها مع بعض فى الملاهى و أديتها للمصمم و طلبت منه انه يعملها كده نظرت لها ثم له نظره طويله لم يفهمها ثم ظلت صامته ليشعر هو بالحيره من تصرفها.
-؟عشق لو الصوره مضايقكى انا ممكن اغيرها
- لا ابدا بالعكس الصوره لطيفه اوى و الديكور جديد و مريح و كفايه ان الاولاد مبسوطين شكرًا يا عمر
- انا معملتش حاجه انا بس كنت حابب انى ....لتقاطعهم صرخات الاولاد فى فرح لتتجه بسرعه الى الداخل لتجد ان ديكور الحجره كله قد تم تغييره ووضعت الكثير من الألعاب و الدمى الجديده لهم و هم يتبادلونها فى فرح لتسأله فى دهشه
- انا بس حابه اعرف انت عملت كل ده فى يوم واحد ازاى ليبتسم هو فى ثقه و يقول
- الواحد لما بيحب و يعشق ممكن يعمل اى حاجه و يحقق المستحيل يا عشق تراجعت الى الوراء فى ارتباك من تصريحه المباشر لها فهى لم تتوقع ان يواجهها بحبه و بمثل هذه الجراءه بعد كل ما حدث بينهما و مواجهتها له منذ ساعات
- ياه اد كده انت بتحب حمزه و عشق يا عمر استفزه كلامها فهى تتجاهل كلامه و تصريحه لها بالحب متعمده ذلك ليمسك بها من كتفيها فى رقه و يديرها فى مواجهته لينظر فى عينيها الجميلتين مباشره بينما ارتبكت هى من جراءته و قربه الزائد لها و بدا قلبها يعلن عن تمرده عليهاخوفى اخرى و بقوه لتخفض عينيها الى الارض عاجزه عن مواجهه عينيه ليمد يده و يرفع وجهها اليه ليقول لها برقه
- عشق بصيلى بعنيكى الحلوين دول و متهربيش منى انتى عارفه انى مَش باقصد حمزه و عشق بس انا صحيح بأحبهم و بموت فيهم و هما حياتى كلها بس فى حد ثانى باعشقه و نفسى انه يملأ عليا حياتى من ثانى و يسامحنى
- يا ترى مين ده يا عمر؟ سألته مشاكسه إياه.
- يعنى مَش عارفه هى واحده بس عشق و هى العشق بالنسبه ليا و هتفضل كده لحد اخر لحظه فى حياتى صمتت كلاهما للحظه ثم تجاهلت هى الرد عليه لتسأله
- و يا ترى لو دخلت اودتى دلوقت هلاقيك عملت فيها ايه؟ علم انها تحاول ان تتهرب منه و من الحديث اليه كعادتها ليرد عليها مشاكسا و قد اكتسب المزيد من القوه لسكوتها الذى أشعره بالامل
- معملتش فيها اى حاجه هى حلوه اوى كده زى صحِبتها بالضبط كانت قد سبقته لتدخل الى الغرفه وتنظر لها لتجد انها مملوءة بباقات الورود التى تحبها و قد وضع على الفراش قلب كبير و معه مجموعه من الهدايا لفت بشريط احمر كبير لتسأله و قد احمر وجهها خجلا فقد كانت سعيده بكل تلك الهدايا كطفل صغير و لكنها لم ترغب ان يعلم هو ذلك
- ايه ده يا عمر ؟
- افتحيها و شوفى لتخرج من العلبه الكبيره ثوباً رائع الجمال من الحرير الطبيعى هادىء اللون بسيط التصميم
- انا اخترته باللون اللى بتحبيه و هادى و رقيق زيك تعرفى انا عمرى مجبت ليكى هديه و نفسى انك تقبليه منى
- و انت عرفت منين انى بحب اللون ده يا عمر؟
-؟من مذكراتك اللى كانت فى الفيلا انا قريتها كلها يا عشق لا انا يمكن حفظتها من كثر ما قريتها ارتبكت للحظه و همت ان ترد عليه فقد كانت تشعر بالغضب انه قرا مذكراتها التى كانت تحتفظ بها هناك و التى اعترفت فيها بحبها له و كرهها إياه معاً
- انا عارف انتى بتفكرى فى ايه يا عشق بس انا كنت هاتجنن عليكى وقتها و المذكرات دى هى اللى ساعدتنىً انى أعيش كانت الحاجه الوحيده اللى قربتنى منك وقتها. كيف لامرأه ان تقاوم مثل ذلك الكلام اليها خاصه لو كان قلبها عامراً بالحب لترد عليه مرتبكة و هى تحاول ان تقاوم قلبها الذى عاد ينبض بقوه معلناً رغبته فى الحياه
- عمر انا.....
- متقوليش حاجه يا عشق ممكن النهارده بس ننسى كل اللى فات مَش هاقولك سامحينى ولا انسى بس انا نفسى النهارده نكون مع بعض يوم واحد يا عشق انا عارف انى ماليش خاطر عندك بس انا باترجاكى توافقى ثم امسكً بالثوب ليقربه منها
- عشق ممكن تجربيه هيبقى حلو اوى عليكى لترد معترضه
- بس انا .... ليضع أصابعه على شفتيها فى رقه أربكتهما معا - عشق النهارده بس عشان خاطرى متقوليش لا انا هاستناكى بره مضى بعد الوقت لتخرج اليه كانت كأميرات الأساطير و قد ارتدت ذلك الثوب الوردى ووضعت بعض مساحيق التجميل البسيطه التى أظهرت سحر و جمال عينيها و لكن اجمل ما كان يميزها هو ابتسامتها التى كانت تنبع من قلبها لتعبر عن فرحتها
- بِسْم الله ما شاء الله ربنا يحفظكً و يحميكً يا بنتى قالتها داده عليه ما ان رأتها خارجه بمثل هذا الثوب انت علطول حلوه بس النهارده ماشاء الله حاجه ثانيه . بينما نظر لها حمزه و عشق فى انبهار
-؟الله يا ماما فستانك حلو اوى تشبهى سندريلا اللى فى الكارتون لتضحك عشق و هى تضمهما فى حب ليسألها عمر فى رقه بعدها
-!مَش يلا بينا بقى
-!يلا بينا على فين يا عمر ؟
- انا هاعزمك على العشا انا و انتى بس لوحدنا
- لا مفيش داعى ممكن نتعشى هنا احنا و الولاد و نحتفل مع بعض
- طيب و يهون عليكى الفستان الحلو ده مَش لازم يخرج و يشوف النور.
- بس الولاد و انا ....
- عشق الولاد موافقين و هما اللى ساعدونى انى اعمل كل ده و هما موافقين انك تخرجىً معايا النهارده ولا ايه يا حمزه مَش انت راجل البيت ممكن اخرج مع ماما شويه.
-؟طبعا يا بابا انا موافق بس هتجيب ليا معاك شوكولاته و من الحجم الكبير لتنظر له عشق فى دهشه و تسأله معاتبه
-!كده يا حمزه بقى انا أكون حابه اقعد معاك و انتى تسيبنى عشان باكو شوكولاته.
- انتى زعلانه منى انا صحيح بحب الشوكولاتة اكثر حاجه فى الدنيا بس مَش اكثر منك يا حبيبتى لتبتسم له فى حب بينما ردت عشق فى اعتراض بس انا بقى مَش موافقه يا سى بابا يعنى انت سالت حمزه عن رأيه و نسيت وجودى خالص ليرد عمر هذه المره -!عشان عارف ان عشق حبيبه ابوها ودايما بتحب تسعده صح يا روحى لتبتسم له و قد أسعدها رده خلاص خدها خرجها معاك شويه بس متأخرهاش كثير ليضحك فى مرح و يجيب
- حاضر من عنيا ليأخذها و يفتح باب السياره له لتركب الى جواره بينما تتابعهم عيون من بقوا فى المنزل حتى اختفوا عن الأنظار
- هو احنا هنروح فين سألته عشق فى فضول ؟
