- يعنى ايه
نطقتها عشق فى عصبيه للمدير التسويق
- ازاى دا حصل انا عايزه افهم ؟
- معرفش يا فندم انا فوجئت باللى حصل زى حضرتك بالضبط احنا كنّا متفقين معاهم و الامور ماشيه عادى وزى الفل وحتى احنا بلغناهم رسمى عشان تجديد العقد و كتبناه فعلا و اتفاوضنا فى الشروط و الاسعار و كل التفاصيل و فجأه لقيناه اول ما العقد خلص طلب منا نعدل فى شروط العقد الجديد بالشكل ده يا اما كده يا اما مَش هياخد الانتاج اللى اتفق عليه معانا
- انتى عارف دا معناه ايه دى خساره كبيره للشركه انتاج مَش هنعرف نصرفه و هيتركن فتره كبيره فى المخازن غير الوقت و الفلوس و المجهود و خط الانتاج اللى هيقف لأننا مصرفناش المخزون
- هو عارف كده كويس يا فندم و متاكد كمان ان الخساره هتكون كبيره اوى و عشان كده بيحاول يضغط علينا عشان ياخد اللى هو عايزه
- انا سألتك من شهرين وقلتلك نتفاوض مع عملاء جداد و انتى قلتلى ان العقد مضمون و انه هيمضى عليه و ان كل شىء تمام
- انا أسف يا فندم دى فعلا غلطتى انى وثقت فيه و فى كلمته احنا بنتعامل مع الناس دول من وقت طويل جدا و على الرغم من ان الأرباح قليله بس والد حضرتك وو الده كانوا متفقين و بيتعاملوا بما يرضى الله يعنى بكلمه الشرف بس واضح ان ابنه مَش زيه خالص من اللى انا شايفه دلوقت هو كان ناوى يعمل كده و بيضيع وقت لحد ما ياخد اللى هو عاوزه
- مَش هنقدر نقبل شروطه انتى عارف دا معناه ايه دى كدا هيبقى الانتاج بالتكلفه او بالخساره
- ايوه حضرتك هو بخبرته عارف كده بس الخساره لنا مقبوله عن اننا نخزن البضاعة او نوقف خط الانتاج كله فى المصنع
- طيب و الحل
- حضرتك ممكن تتفاوضى معاه بنفسك يمكن يقدر يغير رأيه لما تكلميه
- تقصد أترجاه يتعامل معانا دا مَش ممكن يحصل ابداً
- طيب هنعمل ايه
- لاز م يكون فيه حل انا محدش هيجبرنى على حاجه احنا مَش عايزينها ابداً
- مع الاحترام لحضرتك يا فندم هو عارف ان حضرتك ملكيش خبره كبيره فى المجال دا و دى فرصته انه يفرض شروطه علينا.
- هو حاول مره قبل كده فى حاجه صغيره و معرفش الوحيد اللى كان بيعرف يتعامل معاه هو الاستاذ عمر قدر وقتها يعرف ازاى يوقفه عند حده
- عمرنطقتها فى شوق و تساؤل
- ايوه حضرتك عارفه ان الاستاذ عمر كان مع والد حضرتك لفتره كبيره و قدر انه يعمل اسم فى السوق للشغل و المجموعه و هو خاف انه يروح لحد ثانى و عشان كده مضى العقد قبل ما غيره يمضى لكن حضرتك هو عارف انك جديده فى المجال ده و معندكيش نفس الخبره و هو معتمد على كده
- و انت شايف ايه احب اسمع رايك
- ممكن حضرتك نستعين بالأستاذ عمر هو ممكن يحل لينا الموضوع ده خصوصا انه كان بدا يتفاوض مع متعاملين ثانيين و عنده بيناتهم و سابقه الاعمال الخاصه بيهم
- طيب انا اتعودت ان اى موضوع أفكر فيه كويس قبل ما اخد فيه قرار ممكن حضرتك تتفضل دلوقت و سيب ليا الملف كله انا هادرسه كويس و ابلغكً قرارى النهائى
-اللى حضرتك تشوفيه يا فندم عن إذنك
خرج وظلت هى صامته تفكر فى هذا المأزق الذى وضعتها فيه الظروف و ضمائر خربه تسعى للربح و لو بأسلوب ملتوى و غير شريف ماذا عليها ان تفعل هل اتستسلم ام تواجه؟ اخذت تفكر قليلا ثم رفعت سماعه الهاتف لتتحدث
- السلام عليكم مين معايا
- و عليكم السلام و رحمه الله ازيك يا ماما
- عشق ازيك يا بنتى وحشتينى قوى كده يا عشق تغيبى عليا المده دى كلها و لا حس و خبر و لاحتى تكلمينى تطمنى عليا
- معلش انا اسفه بس و الله انتى عارفه الشغل والولاد و المشاكل مبتخلصش انا حتى كنت ناويه اتكلم و استأذن منك احى النهارده بعد الشغل و حابه اشوفك انا و الولاد
يا سلام و انا كمان مَش نفسى بس دا انا هاتجنن عليهم دول من ريحه الغالى
- انا عارفه انى مقصره معاكم بس انا قلت لحضرتك قبل كده البيت مفتوح تيجى فى اى وقت
- تسلمى يا بنتى دا العشم برضه الله يرحم والدك عرف يربى صحيح
- شكرًا يا ماما تسلمى هدى أخبارها ايه و اخبار الدكتور محمد خطيبها انا احيانا بأشوفه من بعيد فى المستشفى
- الحمد لله زى الفل هنروح نختار العفش قريب وربنا يسهل للجميع يا بنتى
- لو انتى او هدى محتاجين اساعد فى اى حاجه انتى عارفه انا تحت امركم فى اى وقت
- تسلمى يا بنتى ودا العشم برضه بس احنا شايلينك لوقت عوزه
-؟طيب و عمى ازى صحته
- الحمدلله هو زى الفل و صحته كويسه
- بلغيه سلامى و النبى يا ماما
- حاضر من عنيا تسلمى يا بنتى وهنشوفكم امتى يا عشق؟
- وقت ما تحبى يا ماما هانيجى لحد عندك علطول طيب طيب ممكن أكلم هدى و اسلم عليها يا طنط
- طبعا يا بنتى دقيقه واحده أبلغها يا حبيبتى
- هدى يا بنتى تعالى فيه تليفون عشانك
- ازيك يا هدى
- عشق حبيبتى انتى فين وحشتينى اوى
- انا الحمد لله انتى اخبارك ايه واخبار حبايب قلب عمتهم
- الحمد لله احنا كويسين اوى انا بس كنت حابه انى اطمن عليكى و فرحت خالص لما ماما قالتلى انكم هتبتدوا تجهزوا قريب ان شاء الله
لترد على هدى فى خجل
- اه اصل محمد مستعجل شويه و بيقول ان الشقه جاهزه و مفيش لازمه اننى نستنى
- ربنا يتمم بخير ليكى يا هدى انتى طيبه و تستاهلى كل خير و لو محتاجه حاجه انا تحت امرك
- انا عارفه انك مشغوله و مَش فاضيه
- أفضى نفسى يا ستى مخصوص احنا عندنا كام هُدًى
- تسلمى يا عشق طبعا هاكلمك ان شاء الله
- ان شاء الله لاصمت و اسألها فى احراج
- هدى هو عمر موجود ؟اصل فيه مشكله فى الشغل و قالولى انه هو الوحيد اللى يقدر يحلها
لتصمت هدى قليلا ثم تجيبنى بتردد
- عمر ... انا كنت فاكراكى عارفه يا عشق او ماما قالتلك
- تقولى ايه يا هدى؟ انا مَش فاهمه حاجه
- عمر سافر يا عشق سافر من أسبوع تقريبا
لاصمت و لا انطق ثم يخرج صوتى مرتعباً مصدوما
- سافر ... سافر فين يا هدى ؟
- أمريكا واحد صاحبه جابله عقد عمل هناك لمده خمس سنين و الله يا عشق انا مكنتش راضيه عن السفريه المفاجئة دى ابدا و حاولنا كلنا نقنعه بكل الطرق بلاش و ان البلد دى احسن من غيرها بس هو قالى انه مَش طايق يقعد هنا خلاص و انه عايز يبعد
- هو قال كده يا هدى؟
- انا مَش عايزه ادخل يا عشق بس انتى زى اختى بالضبط و يعلم ربنا بحبكً اد ايه انا كنت عايزه اعرف اللى اللى حصل بينكم ثانى عشان الأمور توصل لكده انا حتى كنت هاكلمك وقت ما كان بيعمل ورقه و يستعد للسفر يمكن تقدرى تمنعيه و تخليه يقعد هنا معانا بس محمد قالى لا و انى مينفعش ادخل بينكم
- طيب يا هدى ربنا يوفقه و يرجع لكم بالسلامه
- عشق ارجوكى استنى انا عايزه افهم
- تفهمى ايه يا هدى ان اخوكى كالعاده مستحملش المواجهه و هرب حتى من غير ما يفكر فيا او فى ولاده هرب و بعد عنى بدل ما يستنى و يحارب عشانى و عشان يثبت ليا حبه و انه اتغير عشانى مقدرش يسمع منى كلمه عتاب او لوم له من ورا قلبى لما صعبت عليا نفسى اوى منه لما رجع يعاملنى زى الاول و يتحكم فيا. كل اللى حصل هو كلمتين قلتهم فى لحظه غضب و انا اللى استحملت منه اكثر من كده بكثير و انتى عارفه ليه الواحد يقدر يقسى اوى كده يا هدى
-عشق انتى عارفه كلامك ده معناه ايه معناه انك سامحتيه و انه ممكن لو عرف يرجع و كل حاجه تتصلح .
لا يا هدى دا كان قبل ما اعرف انه قدر ينسى و يبعد طالما قدر انه يهجر عشق و يمسح كل اللى كان خلاص هو حر دا كان بيقولى انه هيفضل معايا و جنبى مهما قلت او عملت دلوقت خلاص مصدق انى قلت يبعد يقوم يعمل كده هو مَش سابنى و سافر انا كمان هاعيش و مَش هافمر فيه ثانى هاقتل حبه فى قلبى وادوس عليه زى ما هو قدر
- انتى اللى طلبتى منه انه يبعد يا عشق
- يقوم يسمع كلامى مفكرش فيا و انى محتاجه له اد ايه مفكرش فى ولاده فكر بس فى نفسه و كرامته اللى اتجرحت
- لا يا عشق متفهميش غلط يمكن مكنش عايز يفرض نفسه عليكى
- هدى خلاص ارجوكى انا مَش حابه اتكلم فى الموضوع ده ثانى عمر بالنسبه ليا و من النهارده صفحه و أتقفلت فى حياتى و مش هتتفتح ثانى ابداً انا برضه اللى غلطانه و استاهل كل اللى بيحصل فيا ده بس خلاص يا هدى كفايه
ثم شعرت انها أغلظت لها فى القول فقالت لها و دموعها تسيل بغزارة على خدها و تمسحها
- بصى بقى يا هدى احنا هانيجى النهارده نتعبكم و نتغدى معاكم يعنى تقومًى كده انتى و ماما و تعملوا كل الأكل اللى بأحبه و متنسيش الشوربه عشان الولاد .
- بجد يا عشق دى ماما و بابا هيفرحوا اوى انتى متتصوريش هما حالتهم صعبه اد ايه من ساعه ما عمر سافر
- انا لاحظت ده يا هدى من صوت ماما بس قولت يمكن تعبانه او حاجه بس الدنيا مَش هتقف عشان عمر اختار يبعد عننا و يسافر احنا لاز م نعيش يا هدى و الحياه لازم تستمر
- طيب هتعملى ايه فى المشكله اللى عندك فى الشغل اللى بتقولى عليها
- هاتصرف هافكر ازاى احلها و اتصرف انا كنت غلطانه يا هدى انا مَش لاز م اعتمد على حد بعد كده عشق لازم تكبر و تعتمد على نفسها فى كل حاجه انا خلاص بقيت لوحدى و مفيش حد جنبى يساعدنى لازم أكون اد المسئوليه دى والا كل حاجه هتضيع
- ربنا يوفقك يا عشق و يساعدك انتى طيبه و تستاهلى كل خير
- طيب يالا بقى قومًى جهزى الاكل لحد ما نيجى
- من عينيا بس كده
لتضع عشق السماعه بعد ان أنهت المكالمهً مع هدى و تنفجر فى البكاء
هل تبكيه ام تبكى قلبها الذى عذبه بحبه
هل تبكيه ام تبكى أحلامها التى ضاعت معه
هل تبكيه ام تبكى أمانيها و أحلامها التى بنتها و تحطمت الان لتعلم انها مجرد سراب
ظلت تبكى لفتره طويله لا تعلمها ثم صمتت فجأه ومسحت دموعها لقد قررت انها لن تبكى بعد الان لن ترضى او تسمح لهذا القلب ان يبكيها لقد اكتفت من الحب الذى لم تجد منه الا العذاب و الشقاء و لم يعد له ابداً وجود فى حياتها ليس بعد الان
رفعت سماعه الهاتف لتردد بحزم و قوه
-ابعتيلى الاستاذ سعيد دلوقت حالا
ظلت صامته تقلب فى الأوراق و تفكر حتى سمعت طرقات على الباب ليدخل عّم سعيد
- طلبتينى يا بنتى
- ايوه اتفضل انا عايزه اخد رايك فى حاجه ضرورى و ملقتش غيرك اتكلم معاه بصراحه و ينصحنى
- انا تحت امرك يا بنتى اتفضلى
- انت بلغك اللى حصل من شركه المجد وردهم علينا لما طلبنا تجديد العقد
- طبعا يا بنتى مدير التسويق عدى عليا و بلغنى كل حاجه و انا حاولت بطريقتى احل الموضوع و لما مقدرتش بلغته ان لازم يتكلم معاكى و كنت هاخلص اللى ورايا و اجى اقعد معاكى
- و رايك ايه فى اللى بيحصل ده يا عّم سعيد
- بصى يا بنتى الحاج محمد صاحب الشركه كان حبيب والدك الله يرحمه هما تقريباً بدأوا سوا المشوار و كملوا مع بعض و عمر ما كان فيه اي مشاكل بيحصل بالعكس كان كل الشغل بينهم ماشى بكلمه شرف مَش بعقود لكن كل دا اتغير لما ابنه مدحت مسك الشركه هو رجل اعمال كويس و الشركه فى عهده كبرت و بقالها اسم اكبر فى السوق بس هو يا بنتى طماع و مفيش حاجه بتعجبه و النوع ده تخافى منه و متأمنيش له ابدا
- و اما انت عارف كل ده يا عّم سعيد مقولتش ليا ليه و تبهتنى للى هيحصل خصوصا انى عرفت انه كان بيماطل فى توقيع العقود من مده
- ايوه يا بنتى فعلا من ساعه ماعرف ان عمر بيه ساب الشركه و انك انتى اللى استلمت الاداره
- افهم من كلامك ده ان لو عمر موجود مكنش هيقدر يعمل معاه كده كان هيحسبها الف مره
- هو حاول مره يا بنتى معاه فى حاجه صغيره من مده بس الاستاذ عمر هدده و وقفه عند حده ومن ساعتها و كل حاجه كانت ماشيه كويس
- هدده بإيه يا عّم سعيد متعرفش
- و الله يا بنتى انا معرفش كل التفاصيل كل اللى اعرفه ان عمر بيه قابله هنا فى المكتب و قعدوا مع بعض شويه و خرج بعدها غضبان و اما سالت عمر بيه قالتلى ماهتمش و انى اجهز العقود و هو هيمضى عليها كلها و بدون نقاش لكن اتكلموا فى ايه معرفش
لاحدث انا نفسى بصوت غير مسموع من ضيقى
- طبعا مهما الاثنين من طينه واحده عشان كده معرفش يلعب بديله معاه
- بتقولى حاجه يا بنتى
- لا يا عّم سعيد متاخدش فى بالك انا سرحت شويه بس و كنت بكلم نفسى
لينظر لى بأسف و يقول
- ممكن تسالى عمر بيه و هو طبعا هيقولك
- عمر بيه مَش موجود سافر من أسبوع هاجر أمريكا يا عّم سعيد وممكن ميرجعش هنا ثانى ابداً احنا لازم نعتمد على نفسنا و نتصرف
- طيب هتعملى ايه يا بنتى فى المشكله دى
- الكل يا عّم سعيد فاكر انى ضعيفه و انى ممكن انكسر بسرعه بس اللى هما ميعرفوهوش انى بنت مراد حداد الله يرحمه و هاقدر باْذن الله اثبت للكل انهم غلطانين انهم يفكروا بس يلعبوا معايا
- ربنا يقويكم يا بنتى بس انتى لازم تتصرفى فى الموضوع ده بسرعه لان الوقت مَش فى صالحنا ابدا
- ان شاء الله سيب الموضوع ده عليا و انا هتصرف فيه و أحله
طيب يا بنتى ربنا يوفقك
- شكرًا يا عّم سعيد ربنا يخليك ليا دا لولا وجودك معايا و جنبى انا مكنتش اعرف هاعمل ايه
- لا شكر على واجب يا بنتى طيب عن إذنك دلوقت
كانت تلاحظ بخبرتها تردده فى الانصراف و كأنه يرغب فى أخبارها بشىء و لكنه يتردد فى ذلك
- فى حاجه يا عّم سعيد
- ها لا يا بنتى مفيش حاجه ليصمت بعدها و كأنه غضب على تصريحه هذا
- انت زى والدى أرجوك اتكلم عايز ايه و متخبيش عليا او تتكسف منى
- اصلى انا عندى موضوع حابب افتحه معاكى من مده و مَش عارف ازاى بصراحه مكسوف منك
- مكسوف منى انا يا عّم سعيد دا انا زى بنتك و انتى مربينى
- ربنا يكرم اصلك يا بنتى دا العشم برضه
- خير ان شاء الله
- خير يا بنتى انا كان ليا رجاء عندك و عشمى انك تقبليه بس لما لقيت الظروف كده قلت ااجلها شويه لحد ما الأمور تتعدل يعنى
- كده يا عّم سعيد انت تأمر و انا أنفذ تحت امرك
-؟الامر لله يا بنتى ابنى على
- على ياه يا عّم سعيد دا انا مشفتوش من سنين طويله من ساعه ما جبته معاك مره المصنع و كان شقى بشكل لدرجه انك زعقتله و حلفت انك مَش هتجبيه معاك هنا ثانى
- ههه ايوه يا بنتى بس دا كان من سنين هو دلوقت ماشاء الله خريج سياسه و اقتصاد بقاله سنتين دلوقت
- ما شاء الله ياه يا عّم سعيد انا فاكره فعلا انه كان اكبر منى بأربع سنين
- ايوه يا بنتى و من ساعه ما اخد الشهاده و هو قاعد فى البيت عاطل مَش لاقى شغل
- ازاى هو انت مَش بتقول انه خريج سياسه و اقتصاد يا عّم سعيد
- ايوه يا بنتى و بتقدير امتياز كمان و كان حلمه يتعين فى الجامعه او السلك الديبلوماسي بس للاسف معندناش واسطه احنا ناس غلابه و فى الجامعه اخدوا ابن الدكتور مع ان تقديره اقل منه بكثير و من ساعتها الشهاده لله و هو بيدور على شغل بس انتى عارفه صعب جدا فى مجال تخصصه يلاقى مكان مناسب هو اشتغل فى اكثر من مكان اى وظيفه و السلام عشان ميحملش عليا فى المصاريف بس فى الاخر كل ده شغل وقتى و مَش هينفع معاه واللى زاد و غطى انهم فى الشغل الأخير اتعاملوا معاه وحش اوى و تقريبا طردوه يا بنتى لما رفض انه يبيع ضميره ويسوق بضاعه مغشوشة اصله كان بيشتغل مندوب مبيعات لشركه و لما حصل اللى حصل رجع البيت و قفل على نفسه و مبيكلمش حد حتى انا ووالدته غلبنا معاه .
- كل ده و مجتش تكلمنى و تحكيلى يا عّم يعيد طيب ليه دا انا زى بنتك و كمان انت عارف ان انا محتاجه واحد اثق فيه و اعتمد عليه فى الشغل و انت كبرت يا راجل يا عجوز و الحمل عليك ثقيل خلى على ييجى من بكره يشيل عنك و عنى الحمل شويه
- بجد يا بنتى انتى بتكلمى بجد يعنى على خلاص أتعين هنا و أقوله ييجى معايا من بكره
- انت كان المفروض انك تعينه من غير ما ترجعلى حتى يا عّم سعيد انت عارف احنا اد ايه محتاجين موظفين نعتمد عليهم و نثق فيهم بس المهم اتمنى ان على يبقى اد المسئوليه و يكون زيك و من كلامك اعتقد ان انا اختيارى فى محله ان شاء الله
- ربنا يكرمك و يسعدك يا بنتى و يفرجها عليكى زى ما فرجتيها على ابنى كده
- ايه كل ده يا عّم سعيد انا مستحقش الشكر دا كله الواجب اننا نساعد اللى يستحق و نديله فرصه و انا شايفه ان على يستحق و زياده يالا بقى روح دلوقت والبيت انت باقى اليوم اجازه و خد معاك حاجه حلوه للحاجه و على و فرحهم
- بس انا لِسَّه عندى شغل كثير و بعدين احنا مكملناش لِسَّه عندنا ...
- بص يا عّم سعيد انسى الشغل النهارده بس و روح انا نفسى معزومه على الغدا و لِسَّه هاروح البيت اجيب الولاد يعنى كفايه النهارده علينا كده انت تجيب على و تيجى بكره ان شاء الله من بدرى و نبتدى علطول
- طيب يا بنتى بالهنا و الشفا روحى انتى و انا هاستنى شويه اكمل
- لا هاتيجى معايا أوصلك و انا مروحه انت فى سكتى يالا بينا بقى
- خلاص اللى تشوفيه يا بنتى
اصطحبته عشق معها فى السياره لتآمر السائق ان يتوقف امام احدى محلات الحلويات لتنزل و تشترى عده علب من الحلوى و الشيكولاته للحاجه فاطمه و هدى
- اتفضل يا عّم سعيد
- ايه ده يا بنتى
- الحاجه الحلوه اللً قلتلك عليها بمناسبهً تعيين على
- كمان دا واجب علينا يا بنتى لا انا مَش هاقدر اقبلها دى باين عليها غاليه اوى و بعدين انا هاجيب لهم حاجه كده على ما قسم و انا مروح
- كدا تكسف ايدى يا راجل يا طيب و بعدين دى مَش ليك دى لعلى هو صحيح يومها اخد الشيكولاته بتاعتى و أكلها و ضربنى كمان بس المسامح كريم قله عشق بتقولك مبروك
لتتوقف العربه أمام منزله لينزل منها و يقول
- ربنا يسعدك يا بنتى انا لولا عارف انك معزومه على الغدا كنت قولتلك تتفضلى معايا بس ملحوقه ان شاء الله تتغدى معانا قريب ولا هتكسفى عمك سعيد
- انا لا ابدا دا يشرفنى طبعا نبقى نحدد معاد ان شاء الله
- طيب يا بنتى فى رعايه الله
- شكرًا يا عّم سعيد مع السلامه
وصلت عشق الى منزلها لتفتح لها البوابه و تنزل الى الباب لتجد داده عليه فى انتظارها
- ها يا عشق احنا جاهزين من الصبح يا بنتى اول ما قلتى ليا اجهز و اجهز الولاد عشان هنتغدى عند الحاجه فاطمه انا كنت مستبشره خير اخيرا يا بنتى المايه رجعت لمجاريها و كل شىء هيرجع احسن ما كان ان شاء الله
لأنظر لها فى حزن و أقول فى مراره
مفيش حاجه بترجع يا داده اللى بيروح عمره ما بيرجع ثانى ابداً
- ليه يا بنتى كده دا انا قولت خلاص
- خلاص ايه بالضبط يا داده
- احنا مَش قلنا نسامح و ننسى و نغفر يا عشق عشانك و عشان الولاد
- و انا سمعت كلامك و كنت مستعده و أدى النتيجه
- انا مَش فاهمه حاجه يا بنتى هو ايه اللى حصل بالضبط
- عندك حق يا داد ه تستغربى من كلامى ما انا نسيت اقولك ان عمر سافر سافر أمريكا من أسبوع و هيقعد هناك خمس سنين حاله عقد عمل هناك و مفكرش حتى يقولى او يبلغنى انه هيمشى
- ايه بتقولى ايه يا بنتى و الله ما انا مصدقه
- لا صدقى يا داده مفيش حاجه تخليكى تستغربى اوى كده هو دا عمر مَش حد ثانى
-طيب ليه ؟
- صعبت عليه نفسه من الكلمتين اللى قلتهم له فى لحظه غضب مستحملش و سافر و انا اللى استحملت كل اللى فات منه و كنت مستعده انسى
- اخص عليك يا عمر ليه تعمل كده بس يا بنى ؟
- خلاص يا داده نقفل على الموضوع دا انا مَش عايزه اتكلم فيه ثانى ابداً
- طيب يا بنتى اللى تشوفيه بس
- بس ايه مَش فاهمه
- انا اللى مَش فاهمه احنا رايحين هناك دلوقت ليه؟
- يعنى ايه يا داده هو عشان عمر مَش هنا يبقى خلاص انا مكنتش بود الحاجه فاطمه او هدى او الحاج منصور عشان عمر انا بحبهم زى اهلى بالضبط و مَش معنى ان ابنهم اتصرف معايا كده يبقى خلاص اقطع علاقتى بيهم و انساهم هما مالهمش اى ذنب فى اللى حصل .
- عندك حق يا بنتى انا اسفه
- متعتذريش يا داده انا عارفه انك مستغربه انا ليه مَش بعيط او باصرخ مع انى موجوعه منه اوى
صمتت داده فاطمه و هى تنظر اليها بحزن
- عارفه يا داده ليه لانى وعدت نفسى
و عدتها انى مجريش على اودتى و أحبس نفسى فيها و اعزل نفسى عن الدنيا و الناس بارادتى
وعدتها انى مَش هاحن ليه ثانى او اشتاق لوجوده معايا
وعدتها ان قلبى مَش هيفضل يدق ليه او يفضّل ملكه
و اهم حاجه انى وعدتها ان دموعى مَش هتنزل ثانى ابدا هأفضل قويه و مَش هنكسر مهما حصل عشق اللى كانت خلاص و اللى موجوده دلوقت عشق ثانيه خلقها العذاب و الالم قلبها مات و دموعها نشفت
لتأخذها داده عليه بين أحضانها و هى تقول
- كفايه يا بنتى بقى كفايه بقى قطعتى قلبى
- خلاص يا داده كفايه حزن و دموع بقى. انا كويسه الحمد لله يالا بينا بقى عشان اتاخرنا عليهم
- طيب يا بنتى يالا بينا .
