- هاخطفك بعيد عن الدنيا و عن الناس بعيد عنى انا نفسى ها ايه رايك لتنظر له فى دهشه من اُسلوب حديثه و تقول
- غريبه.
- ايه هى اللى غريبه يا عشق ؟
- طريقتك فى الكلام معايا انت اتغيرت خالص يا عمر
- للاحسن و ألا للأسوأ؟
- مَش عارفه هتصدقنى لو قلتلك انى بدات اخاف منك لينظر لها فى دهشه و قد ضايقته إجابتها و يسألها بحيره
- ليه يا عشق؟
- لان اسلوبك الرومانسي ده كنت بتجربه لما كنت بتعوز حاجه يا عمر
- فعلا يا عشق انتى عارفانى كويس و انا المره دى فعلا عايز حاجه و حاجه كبيره كمان
- عايز ايه يا عمر؟ يا ريت تقول و تريحنى و تريح نفسك
-طيب و لو قلتلك هتدينى اللى انا عايزه؟
- طبعاً لو اقدر عشان اريح نفسى و أريحك من كل ده بس قول انت عايز ايه بالضبط يا عمر؟ لينظر لها فى عشق و حب يطل من عينيه
- عايز قلبك ده عايز حبك عايز عشق حبيبتى و مراتى و ام اولادى عرفتى انا عايز ايه يا عشق ها هتقدرى تديهونى؟ كان ينظر لها فى عينيها و هو يقود ببطء لترتبك و تقول له
- بص قدامك يا عمر انا عايزه ارجع لولادى بالسلامه
- و انا كمان يا عشق
-؟انت كمان ايه؟
- عايز ارجع بالسلامه لمراتى و اولادى بقى لتبتسم و هى تنظر الى الارض من طريقته و اُسلوب حديثه بعد فتره توقفت السياره لينزل هو منها و يفتح الباب.
-اتفضلى
- اتفضل فين؟ هنا عمر احنا فى الخلا مفيش حاجه هنا
- لا فيه بس انتى مَش واخده بالك تعالى ليسير بها نحو قطعه واسعه من الا ض على الشاطىء فرشت كلها بالورود لترى على مبعده مائده معده لشخصين فقط على اضواء الشموع و الموسيقى التى تعشقها تنبعث من احد الأركان فى نعومه لتنظر له فى دهشه و تسأله
- ايه دا يا عمر ؟
- ايه مَش قولتلك انى حابب انى اعزمك على العشا انا و انتى لوحدنا
- ايوه بس يعنى انت قولتلى البس الفستان ده عشان اجى اقعد بيه هنا
-؟ ايوه يا عشق مَش حابب اى حد يشوفك بيه غيرى انا و القمر ده عشان اشتكى له منك
- وهاتقول له ايه بقى؟
- هأقوله حبيبتى و قلبها قاسى و دايما عايزه انها تبعدنى عنها انا معدتش قادر خلاص يا ريت تعرفنى ازاى احنن قلبها عليا
- انا ياعمر انا اللى قاسيه و بأبعد و أهجر وانت يا عمر بعد كل اللى كان و السنين اللى فاتت دى و فى الاخر انا اللى باقسى و اظلم و أهجر
عشق انا مش عارف انا ازاى عملت كده ولا فكرت انى اقسى عليكى فى يوم من الايام بس صدقينى انا اتغيرت عمر اللى كان معدش له وجود واللى قدامك دلوقت ده عمر ثانى مفيش فى حياته غير عشق عايش بيها و ليها قصه عشق طيب انتى تعرفى انى بأكتب شعر
انت يا عمر ايوه انا ياعشق كنت بأقعد اتكلم انا و القمر بس بتكلمهًعنًايه عنك و اطلب منه انه يتوسط ليا عندك تعرفىًحتىًلماًكان بيغيب كنت بقول انه راح عشان ينور ليكى و طلبت منه انى يكون مرسال ليا عندك تقصد مرسال غرام لا يا عشق مرسال العاشقين دى انا كتبتها عشانك انتى انا و القمر و انتى يا عشق ليعطيها ورقه مطويه لتفتحها و تجد انها أبيات من الشعر كتبها لها بخط يده لتنظر اليه فى دهشه و هى تقرا
ياقمر ياللى غايب
قولى فين الحبايب
مستنى ضمه منه
من البعد انا قلبى دايب
بتنور بالليالي
و اقعد معاك لحالى
استنى كلمه منه
و الفكر شاغلى بالى
و تفوت بيا السنين
و انا و انت مستنيين
يعود ليا حبيبى
يسعد قلبى الحزين
ياقمر قله اللى بيا
و ياريت يشفق عليا
و يرد روحى ليا
يسمع منك لانك
مرسال العاشقين
- انت اللى كتبت الكلام ده ليا يا عمر ؟
لينظر لها و عيناه تبوح بعشقه و غرامه لها و يقول
ايوه ياعشق نظرت له نظره طويله كانت حائره لا تدرى ما تقول مشاعرها مرتبكة لا تستطيع ان تفهمها هل تحبه ام تكرهه هل ترغب فى قربه ام تريد خروجه من حياتها الى الأبد انها لم تعد تعرف ماذا تريد
- عشق ساكته ليه ردى عليا ارجوكى طيب قولى اى حاجه لتبتسم له فى الم من مما تعانيه و تقول بمرح مصطنع
- عمر هو انت مَش كنت عازمنى على العشا صمت للحظه فقد ادرك انها تريد الهروب كعادتها و لم يرد ان يضغط هو عليها اكثر من هذا ليمسك يدها و يسير الى جوارها
- ايو ه طبعا طيب تعالى يا عشق نظرت له فى امتنان لانه ولاول مره يقدر ما هى فيه ولا يضغط عليها لتجلس على المقعد الذى قدمه لها و تنظر الى طبقها فى صمت طال الصمت بينهما و شعرت هى بالحرج و ارادت ان تشغله عما يفكر به الان
- عمر المكان هنا حلو اوى انت عرفته ازاى و منين؟
- دى الارض بتاعتى يا عشق لتكون الدهشة من نصيبها هده المره و تسأله
- بتاعتك ازاى يعنى مَش فاهمه.
- انا اشتريت الارض دى عشان موقعها المميز و هاعمل عليها قريه سياحيه دى حلمى لبكره و حبيت انى اشاركك النهارده فيه.
- فكره حلوه اوى يا عمر و فعلا المكان هنا جميل اوى و يناسب انك تعمل فيه قريه هتبقى مكان جميل.
- جميل زى صاحبته يعنى مسالتنيش القريه اسمها ايه؟ انا اخترت لها اسم مميز
- اسمها ايه يا عمر؟
- انا سمتها عشق قريه عشق لتصمت للحظه ثم ترغب فى مشاكسته كعادتها
- على اسم عشق بنتك
ليبتسم و قد ادرك ما تحاول فعله و يقول
- تعرفى يمكن يكون عندك حق فعلا انا بأحب عشق الصغيره اوى بس تعرفى ليه لانها بتفكرنى فى كل لحظه بأغلى انسانه فى حياتى الإنسانه اللى حابب انى اوهب لها عمرى الباقى كله
- عمر كفايه انا ...
- انتى ايه فهمينى؟
انا محتاره و مَش عارفه اقولك ايه يمكن لما باسمع منك كل الكلام ده قلبى بيدق مَش هانكر و اقول لا بس فى نفس الوقت فيه حاجه بتبعدنى عنك فى حاجز لِسَّه موجود بينى و بينك و انا مَش قادره اعديه يا عمر. ليمسك يدها و ينظر الى عينيها
هنعديه سوا يا عشق اوعدك انى هأفضل معاكى و جنبك لحد ما نقدر نعديه سوا.
- الوقت أتأخر و الولاد قالولك منتاخرش.
- خليكى معايا شويه.
- معلش يا عمر عشان خاطرى
طيب اتفضلى زى ما تحبى ركبوا السياره ليعودوا لى الفيلا و قد ظلت هى شارده طوال طريق العوده و لم تنطق بكلمه واحده و هى تمسك بالقصيده التى كتبها لها بين يديها لتنظر اليها بين الحين و الاخر بينما ظل هو يتابعها بعينيه فى صمت حتى وصلوا الى الفيلا لتفتح هى الباب و تنزل من السياره فى سرعه و لم تنتظره حتى ان يفعل
تصبح على خير يا عمر
عشق استنى لحظه من فضلك انا
- عمر اليوم كان طويل اوى و انا حابه انى استريح نكمل كلامنا بكره عشان خاطرى
- طيب زى ما تحبى تركته و هى تتجه الى الباب لتفتحه ليسمع كل منهما صوتا يناديها. توقفت للحظه تبتسم بينما عقد هو حاجبيه فى غضب.
عشق مساء الخير انا اسف انا عارف ان الوقت متاخر بس انا سالت عليكى و قالوا ليا انك خرجتى مع الاستاذ عمر بس قوليلى ايه الشياكه و الرقه دى كلها الفستان دا حلو اوى عليكى عمرى بصراحه ما شفتك كده طبعا انتى حلوه و شيك فى كل الاحوال بس النهارده فيكى حاجه مختلفه لتبتسم له قائله
الصراحه دا ذوق عمر
ذوقه حلو فعلا طيب ممكن نتكلم شويه مع بعض لانى عايزك فى موضوع مهم ولا تحبى نأجله لبكره لان الوقت متاخر دلوقت
لا ابدا انا مَش تعبانه و لا حاجه اتفضل انا سامعاك
طيب ممكن تيجى نقعد شويه على الشط و نتكلم لو سمحت.
طيب اللى تحبه اتفضل لمحت بطرف عينيها و هى تتجه معه الى الشاطىء عمر و هو فى السياره ينظر إليهما فى غضب ثم يدير محرك السياره مبتعدا لتتنهد فى ضيق لا تعلم سببه
ها يا اياد ادينا قعدنا تحت امرك
شوفى بقى يا ستى انا.......
كده يا عشق تعملى فيا كده بعد كل ده انا مَش فاهم اعمل ايه ثانى عشان ترضى عنى و تسامحيني انا تعبت يا عشق و الله تعبت اوى ثم ينظر الى الطريق فى غضب و هو يحدث نفسه
انت كده هتجنن يا عمر بتكلم نفسك خلاص بس انت معذور هى هتجننى اجى اتكلم معاها تقولى تعبانه و نتكلم بكره لكن اول ما سى اياد يظهر و يشاور بس تنسى التعب دا كله و تروح معاه حاجه تجنن
بس عشق مَش كده يا عمر انت عارفها كويس و عارف أخلاقها
طيب بتعمل كده ليه لتكون مشاعرها اتغيرت من ناحيتك يا عمر و فيه حد ثانى فى حياتها
طيب لو حصل ده هتعمل ايه؟
دا يبقى اخر يوم فى عمرى انا مَش هاسمح لاى حد غيرى مهما كان يكون له وجود فى حياتها
انا لازم اعرف و أتأكد ايه اللى بيحصل بالضبط
طيب اعرف ازاى انا هاتجنن لا انا اتجننت خلاص
- بتقول ايه يا اياد انا مَش فاهمه منك حاجه لحد الوقت من كل اللى انت قلته.
ايه اللى مَش فاهمه بالضبط يا عشق انا عايزك تيجى معايا الحفله وجودك معايا مهم جدا فى التوقيت ده بالذات و انتى عارفه
- ايوه بس
- عشق عشان خاطرى انا عمرى ما طلبت منك حاجه ودا اول طلب ليا عندك هترفضى طلبى
- لا يا اياد بس انا
- خلاص انا هاخدك و نروح سوا مع بعض و أرجعك ثانى خلاص اتفقنا
- طيب ان شاء الله انت عارف يا اياد انا لا يمكن ارفض لك طلب ابدا
عن اذنكً بقى لان الوقت متاخر و انا لازم ارجع البيت
- انا اسف انى عطلتك
لا ابدا انا تحت امرك تصبح على خير
و انتى من أهله. اتجهت الى الفيلا لتجدها غارقه فى الصمت و قد استغرق كل من فيها للنوم بعد تعب هذا اليوم الطويل لتتجه الى الصاله الواسعه التى كانوا فيها من قبل و تنظر الى الحائط المواجه و المرسوم عليه صورهم يبتسمون لتتجه الى صورته الموجوده على الحائط و هى تنظر اليها و تحدثها
- انت و بعدين معاك يعنى يا عمر عايز منى ايه ثانى بالضبط انا مصدقت انى بدات انسى و ارتاح و ان قلبى خلاص معدش هيدق ثانى ليه خليته يتمرد عليا انا تعبت ومحتاره اعمل ايه بين عقلى و قلبى عقلى بيقولى ابعدى و ياخذنى لسكه ثانيه خالص و قلبى اللى بيحب يا ترى ايه اللى مخبيه ليا بكره معاك يا عمر؟ لتتنهد و هى تتجه الى حجرتها لتبتسم حين ترى فراشها المزين بالورود و حديثه السابق عنها لترتدى ملابس نومها و تستغرق فى نوم هانىء ملىء بالاحلام لاول مره منذ فتره طويله. استيقظت على صوت الهاتف يرن بإلحاح لتلتقطه بعيون ناعسه لتجد ان المتصل هو على لتجيبه
- ايوه يا على. صباح الخير
........
- لا مفيش ازعاج ولا حاجه خير.
........
