نادتها عشق فى حزم لتتوقف كلتاهما امام الباب و قد ظهر على ملامح داده عليه الخوف و القلق
- لو عايزه تمشى يا داده اتفضلى انا عارفه انك تعبانه معايا بقالك كثير ممكن تروحى انتى دلوقت
- انا كنت هاخد صفيه معايا نروح سوا يا بنتى
لتتجاهل عشق كلامها و كأنها لم تسمعه فقد كانت تشعر ان هناك شىء لا تعرفه و ترغب داده عليه فى إخفاءه عنها فهى تعلمها جيدا لتلتفت الى صفيه و تسألها
- صفيه
- نعم يا ست عشق
- انتى ليه ناديتى بنتى بعشق الصغيره و حمزه انتى عرفتى اسمه منين انا فكرت انك عرفتى اسمه من اشجان الله يرحمها او داده عليه لانى انا اللى كنت اخترته بس ليه بتنادى البنت بالاسم ده ؟
كادت ان تجيبها و لكن دا ده عليه لم تسمح لها لتسرع بالرد عليها
- يمكن يا بنتى عشان فكرتها بيكى هى متقصدش حاجه
لتنظرعشق الى صفيه التى ظهر على وجهها الحيره و الارتباك بينهما فلم تعرف بما تجيب عليها
- حقيقى يا صفيه
كادت. داده عليه ان تتحدث مره اخرى و لكن عشق أوقفتها باشاره من يدها و هى تقول لها.
- داده من فضلك روحى نادى ليا الممرضه تيجى تاخد الولاد تغيرلهم
تحركت عليه ببطء باتجاه الباب و هى تنظر الى صفيه محذره
- جاوبينى يا صفيه انا عارفه انك مبتخبيش عليا حاجه
لترتبك صفيه و هى تقول لها
- انا مقصدتش حاجه يا ست عشق بس هو ده اسمها فعلا
لتنظر لها عشق فى صدمه
- يعنى ايه مَش فاهمه
- آقصد ان ده اسمها فى شهاده الميلاد
- ازاى يعنى
- والدها الاستاذ عمر هو اللى اختار اسمها و سجله و كمان اسم حمزه
- عمر انتى تعرفى عمر منين يا صفيه و شفتيه فين اتكلمى ؟
- الاستاذ عمر كان هنا معاكى من اول يوم من ساعه ما كُنتُى فى العنايه و هو مابعدش عنك لحظه واحده كان بيقف قدام الباب بالساعات و يفضل جنبك هنا لحد لما يسمحوله كلنا كنّا شايفين هو خايف عليكى قد ايه و بيحبك ربنا يخليكم لبعض يا ست عشق انا عمرى ما شفت واحد بيحب مراته و خايف عليها زيه كده دا كان هيتجنن عليكى و انتى فى الغيبوبه .
كانت تهز رأسها فى عدم تصديق لما تسمع منها لقد كان كابوسها حقيقياً إذن فهو كان معها هنا لم يستطع احد ان يمنعه عنها بعد كل ما فعلت من اجل ان تهرب منه و من سيطرته عليها و تحكمه بها لقد صارت فى قبضته مره اخرى فماذا ينوى لن يفعل بها كانت ترتعد فى غضب و هى تنظر الى اطفالها فى خوف فآخر ما تريده ان يظهر عمر الان فى حياتهما و حياتها مره اخرى عليها ان تبتعد بهم و تهرب و لكن كيف يمكن ان تفعل الان و هى فى تلك الحاله .
- ست عشق انتى معايا
- ها ايوه يا صفيه
- كنت باقول لحضرتك ان الاستاذ عمر لما اطمن على حضرتك عمل شهادات الميلاد لحمزة و عشق
سالتها و هى تنظر لها فى مراره ممزوجه بالسخريه
- هو سماها عشق
لترد صفيه عليها فى ثقه
- عشان هو عايز عشق فى حياته و على لسانه علطول و عشان نفسه يسمى بنته بالاسم اللى اختاره لها جدها لانه بيحب معناه عشق انا سمعته بيقول كده لداده عليه
كانت تمنع دموعها ان تسقط بصعوبه او ان تصرخ فى وجه صفيه انه حقير كاذب كم عذبها و استغل حبها له و ثقتها به ليدمر حياتها و يخون ثقه الرجل الذى يذكره الان و يضيع الامانه التى وضعها له فى عنقه قبل ان يموت لماذا يتظاهر امام الجميع ما الذى يريده منها بعد كل ما حدث انها لن تنسى ابدا ضربه لها او إهداره لكرامتها و اختياره لامراه اخرى تسكن قلبه دونها بل انه صارحها بذلك و بكل وقاحه امام الجميع ان المراه قد تتسامح فى اى شىء و كل شىء الا الخيانه فهو لم يحبها من البدايه بل خدعها باسم الحب ليبتزها و يحصل على اموالها ما الذى عليها ان تفعله لتخرجه من حياتها و الى الأبد ام انه لن يبتعد الا بإزهاق روحها .
- طيب اسيبك انا بقى يا ست عشق انا طولت عليكى محتاجه منى حاجه ؟
لم تتلقى منها ردا فظلت صامته لفتره ثم اتجهت الى الباب لتفتحه و تذهب بينما دخلت عليه الى الغرفه
نظرت لهاًفى تردد و بنظره واحده علمت انها قد عرفت فهى ترى حالتها و اخر ما تريده ان تزيد من الامر سوءا خاصه الان بعد ان علمت بوفاه صديقتها فكم عليها ان تحتمل من اخبار و فى يوم واحد
- مَش عايزه تقوليلى حاجه يا داده
- حاجه ايه يا بنتى ؟
- معرفش انتى اللى تعرفى مخبيه عليا ايه ثانى ؟
- و انا هاخبى عليكى ايه يعنى؟
لتنظر لها عشق فى عتاب صامت
تحركت و هى تحاول التهرب من فتح الحديث معها الان
- انا هامشى يا بنتى
استنى يا داده لا زى نتكلم
==============
- ليه خبيتى عليا ان عمر كان هنا ازاى عرف و مين اللى قاله ؟
- عشق يا بنتى اهدى شويه و اسمعينى انا
- انتى ايه ياداده
- انا خوفت عليكى انتى ربنا خد بيدك و اتكتب لك عمر جديد مقدرتش اقولك يا بنتى لتتعصبى زى العاده
- تقومى تخبى عليا مَش كده
- يا بنتى انتى مشوفتيش حالتك لما عرفتى موضوع اشجان كنت اعمل ايه يعنى هو انا مستغنيه عنك
- خلاص يا داده احنا لازم نمشى من هنا فوراً
- تمشى تروحى فين يا بنتى
لترد عليها فى عصبيه
- انا لازم اخد ولادى و ابعد انا مَش هستنى لما ياخدهم منى مَش هاسمحله دول ولادى انا و مَش عايزاه يقرب لهم
- بس هما ولاده هو كمان يا بنتى
- لا يا داده مَش بعد دا كله انتى عارفه هو عمل ايه كُنتُى معايا و شوفتى وسمعتى
- عمر اتغير يا بنتى
- لتتساقط دموع عشق و هى ترد عليها فى ثوره
- لا انتى متعرفيش عمر كويس زى عمر عمره ما هايتغير و حتى لو كان انا عمرى ما هاسامحه على اللى عمله فيا ابدا يا داده
لتقترب منها و تأخذها بإحضانها
- بس يا بنتى كفايه انا قلبى بيتقطع لما باشوفك كده كفايه عشان خاطرى
- خلاص لازم نمشى
- مَش هينفع دلوقت يا بنتى انتى لِسَّه تعبانه و كمان ولادك لسه فى الحضانه بصى اول ربنا ما ياخد بيدك هانمشى علطول
- طيب يا داده ماشى بس اوعدينى طول ما انا هنا عمر ميقربش من ولادى و مَش عايزه اشوف وشه
- حاضر يا بنتى بس انتى اهدى شويه ربنا يقدم ما فيه الخير
