كم مضى عليها و هى فاقده الوعى كل ما تعرفه انها تسمع اسمها هناك من يناديها اهو ابيها ام امها هل حان وقت اللقاء و لكن وجههم ابتعد عنها فى سرعه لتسمع من ينادى عليها من جديد فتحت عينيها بصعوبه لترى وجهها مالوفا ينظر اليها فى قلق و لكنها لم تستطع تمييزه فى حالتها تلك
- عشق يا بنتى فوقى عشق
شعرت بالام فى كل أنحاء. جسدها تهاجمها حتى انها تاوهت فى قوه و هى تحاول الاعتدال و لكنها لم تستطع
- خليكى يا بنتى مستريحه ايه اللى عمل فيكى كده و بهدلك بالشكل ده لا حول و لا قوه الا بالله و مقولتيش لعم محمود انتى مين ليه يا بنتى ؟
كنت قد بدات استرد وعي لأجد نفسى فى منزل ابي بل فى حجرتى نفسها
- داده عليه
- ايوه يا بنتى اسم الله عليكى ايه اللى حصل يا عشق مالك يا بنتى تحبى أكلم عّمر بيه يجى
نظرت لها فى رعب و فزع لاصرخ فيها
- لا ياداده عمر لا مَش لا م يعرف انى هنا خالص عشان خاطرى لو بتحبينى
احبك انتى بنتى يا عشق دا انا اللى مربياكى بعد ما والدتك الله يرحمها ماتت يا بنتى و لا نسيتى خلاص دا انتى عِوَض ربنا ليا انتى عارفه انى اتحرمت من الاولاد و انا وربنا يعلم باعتبرك بنتى
احتضنتها فى قوه ودموعه تسيل
- اه يا داده لو تعرفى اللى حصل لبنتك انا كنت هاموت نفسى لولا انى خفت من عذاب ربنا
- عشق انتى بتقولى ايه يا بنتى انا مَش فاهمه حاجه انا لما عّم محمود كلمنى و قالى الحقه عند البوابه و ان فيه واحده مغمى عليها فى الشارع و مَش عارف يعمل ايه خرجت لقيتك انتى صرخت و قلتله يساعدنى لحد ما طلعناكى هنا دا حتى كنّا هتكلم عمر بيه عشان يجى و يتصرف
- داده عشان خاطرى روحى قوليله ميجبش سيره لحد انى هنا و خصوصا عمر
- ليه يا بنتى ايه اللى حصل
- مَش وقته يا داده لو بتحبينى صحيح اعملى اللى بقولك عليه و انا هافهمك على كل حاجه بعدين المهم محدش يعرف خالص انى هنا و خصوصا عمر
- ايه اللى حصل إنتوا اتخانقتوا يا بنتى
- عمر طلقنى يا داده
- ايه بتقولى ايه يا ساتر يا رب لا حول و لا قوه الا بالله
- مَش وقته لازم تقولى لعم محمود ميقلش انى هنا عشان خاطرى نبهيه بسرعه
- حاضر يا بنتى دقيقه واحده و ارجعلك
كنت اتكلم معها و انا اشعر بالدوار مره اخرى و ما ان خرجت و تركتنى حتى احسست ان الالم يشتد على مره اخرى على حتى اننى كنت اشعر ان انفاسى تضيق على ثم شعرت بشىء ساخن يتدفق منى ببطء كنت انزف حاولت ان انهض لانادى عليها لتساعدنى و لكنى لم استطع و سقطت على الفراش
دخلت داده عليه بعد لحظات لتفاجا بما يحدث فصرخت
- يا حبيبتى يا بنتى مالك عشق ردى عليا يا بنتى
- الحقينى يا داده عايزه دكتور انا باموت
- طيب أكلم الاستاذ عمر يلحقنا
- لا اوعى يا داده عمر يعرف حاجه مَش هاسمحك أبدا لو عرف
- خلاص يا بنتى طيب انا هاتصرف
تركتنى لأسمعها تتحدث فى الهاتف ثم فقدت الوعى بعدها مره اخرى
- عشق عشق ازيك يا بنتى
- بابا انت هنا وحشتنى اوى
- و انتى كمان شوفى مين معايا
- ماما مَش ممكن انتو وحشتونى اوى
- احنا جينا نطمن عليكى
- عشان خاطرى خدونى معاكم متسيبونيش هنا لوحدى
- لا يا عشق انتى لازم تعيشى عشان اللى جاى
- انا مَش عايزه أفضل هنا لوحدى خدونى معاكم
- انتى مَش لوحدك معاكى ربنا و معاكى حمزه ابنك و هى كمان خدى بالك منهم ياعشق
- بابا بابا
استيقظت و انا اصرخ فقد شعرت مره اخرى بالالم و لكن داده عليه أمسكت بى
- اسم الله عليكى يا بنتى الحمد لله قدر و لطف
- داده انا فين ايه اللى حصل
- الحمد لله يا بنتى ربنا ستر الدكتور بيقول انها كانت حاله اجهاض شديده
- ابنى يعنى ابنى نزل خلاص يا داده
- لا الحمد لله اهدى يا بنتى عشان خاطرى الدكتور عرف يتصرف و يوقف النزيف بس بيقول انك لِسَّه فى مرحله الخطر هو كان عايز ينقلك المستشفى بس الحركه كانت خطر عليكى .
تنهدت فى ضعف و انا أقول
- الحمد لله
كانت هناك مجموعه من المحاليل متصله بيدى لأسألها
- مين اللى جاب الحاجات دى يا داده
- انا اتصرفت يا بنتى و الحمد لله ان ربنا ستر
نزلت دموعى و انا احتضن يدها و أقول ربنا يخليكى ليا و ميحرمنيش منك ابدا
- انتى بنتى يا عشق بس انا عايزه اعرف ايه اللى حصل
- حاضر هاحكيلك يا داده كل اللى حصل
و على مدى ساعه كنت احكى لها كل ما حدث لى و من البدايه لم اخفى اى شىء عنها و كانى كنت اريد ان أبوح بما فى داخلى لاى انسان و اصرخ من الالم .
نزلت دموعها و هى تستمع لى فى صمت لم تقاطعني لمره واحده حتى انتهيت فظلت تبكى لمد ه طويله و انا انظر اليها فى صمت حتى هدأت ثم نظرت لى مبتسمه فى حزن لتقول
- يا حبيبتى يا بنتى كل دا جرالك مين كان يصدق ان كل ده ممكن يحصل و بالسرعه دى الله يرحمك يا مراد بيه و كانك كنت حاسس
لم أكن افهم ما تتحدث عنه فنظرت لها فى دهشه لتكمل
- اوعى يا عشق تفتكرى انك انتى لوحدك فى الدنيا انا هنا و معاكى انتى بنتى انا و انا مَش هاسيبك لوحدك ابدا
- ربنا ما يحرمنى منك يا داده
- الدنيا يا بنتى كده متفتك يش انك لوحدك اتظلمتى فيها عارفه و انتى بتحكى ليا اللى حصل شفت فيكى نفسى من عشرين سنه انا عارفه انك مستغربه انتى متعرفيش عنى حاجه متعرفيش غير دا ه عليه اللى فتحتى عينك على الدنيا لقتيها معاكى ام ثانيه ليكى بعد أمك الله يرحمها بس انتى متعرفيش عليه البنت الصغيره بنت التاجر اللى ابوها جوزها من ابن شريكه فى التجاره و مات و فضلوا مع بعض انا كنت سعيده و حامده ربنا على نعمته حتى بعد ما عرفت انى مَش هاقدر ابدا أكون ام جوزى صبر عليا و قالى انه بيحبنى و انى عنده بالدنيا لكن بعد مده سمع لكلام امه و اتجوز واحده ثانيه لقيت نفسى لوحدى و هو انشغل بابنه منها بعد كده و هجرنى و لما طلبت العدل قالى انى ارض بور و انه بس استحملنى عشان العشره و فى الاخر طلقنى لقيت نفسى فى الشارع حتى فلوس ابويا اللى عندهم و شقا عمره مطلتش منهم حاجه يا بنتى و لولا ابوكى و أمك الله يرحمهم فتحوا ليا قلبهم وبيتهم كنت انتهيت عرفتى انى مهما عملت يا عشق مَش هاقدر اوفى جميلهم معايا ابدا
- يا حبيبتى يا داد ه انتى كمان اتعذبتى كثير اوى
- اوعى يا بنتى تفتكرى ان ربك بينسى ربنا عادل يا عشق و هياخد لك حقك منه زى ما ادانى حقى اللهم لا شماته
- هو حصل له ايه
- بعد ما ظلمنى وجمع مال كثير وربنا رزقه بالبنون و كبر و على البنون اللى ظلمنى عشانهم هما اللى ظلموه حجزوا عليه و أخدوا منه المال كله و فضل لآخر أيامه فى مصحه نفسيه انا رحت شفته و طلب منى انى أسامحه و حتى المال ربنا حرمهم منه لانه مال حرام يا بنتى كله راح مفضلش الا ستر ربنا عشان كده انا بقولك يا بنتى ان ربنا معاكى و مَش هيسيبك او يضيع حقك ابدا
اخذت ابكى فى صمت ثم نظرت لها لاقول
- عارفه يا داده انا لو كان اخد منى كل حاجه و ساب ليا البيت ده كنت هاسامحه بس حتى بيت ابويا حرمونى منه انا هوا دلوقت غريبه ماليش مكان تخيلى يا داده حتى البيت دا اللى عشت عمرى فيه مبقاش بيتى خلاص عشان كده خفت انه يعرف انه هنا ممكن يجى و يطردنى انا مَش عارفه اعمل ايه
- متحمليش اى هم يا حبيبتى ربنا موجود
- و نعم بالله يا داده
- بصى بقى انا هاروح اعمل لحبيبتىً أكله حلوه كده ترم عضمك الدكتور قال انك تتغذى كويس و ممنوع الحركه خالص ماشى
- حاضر يا دادهً
- خلاص يا قلبى مَش هاتاخر عليكى
مضت ساعه او يزيد كان قد غلبنى النعاس لاستيقظ على أصوات خارج حجرتى لم استطع وقتها النهوض كنت فى غايه الرعب و الفزع ....عمر ما الذى اتى بِه الى هنا وفى هذا التوقيت بالذات لأسمع معه صوتا اخر جمد له الدم فى عروقى من الغيظ و الغضب
- هى دى بقى الفيلا اللى قلتلى عليها
- ايوه يا شهد ايه رايك ....
