كاد قلبها ان يتوقف وًهى تسمع صوته وهو يناديها و يضغط على يديها بقوه لكى لا تتركه تساقطت دموعها فى فرح و الطبيب يخبرها انها معجزه و انه قد استيقظ من غيبوبته و تجاوز مرحله الخطر لتسقط على وجهه ليتذوقها بلسانه و يقول بصوت ضعيف
الدموع دى عشانى يا عشق
عمر انت فقت الحمد لله انا كنت هاتجنن عليك
يعنى مكنتش بأحلم لما سمعتك بتقولى انك بتحبينى
ها انا...
ايه خلاص ارجع اروح فى غيبوبه عشان اسمع منك الكلام الحلو ده
بعد الشر عنك دا انا كنت اموت وراك
ايه الكلام الحلو دا كله يا ريتنى كنت اتصبت من زمان عشان اسمعه منك
كدا يا عمر انت هتخلينى أزعل منك بجد
لا خلاص بس بقولك ايه تعالى هنا جنبى ليحمر وجهها خجلا
عمر لو مبطلتش الكلام ده انا هاسيبك و امشى
و اهون عليكى يا عشق
لا بس اسكت بقى الدكتور و الممرضات يقولوا علينا ايه
يقولوا انى بحبك و باعشقك وًمقدرتش ابعد عنك لحظه بعد الكلام الحلو اللى سمعته منك ده
انت سمعت ايه بالضبط مَش كنت فى غيبوبه يمكن كنت بتحلم
طيب انا حابب الحلم ده مَش هتيجى جنبى بقى
عمر
ايه انا تعبان و مَش قادر اتكلم قربى شويه عشان اعرف اتكلم معاكى طيب ليجذبها بيده و يقربها منه فجأه لتشهق هى فى غضب
كده يا عمر طيب انا هامشى و اخرج من العنايه و اسيبك لوحدك ليحاول هو النهوض و هو يقول
و انا هأقوم وراكى و أفضل جنبك مهما بعدتى فيتالم من جرحه بقوه فتعود مسرعه اليه فى قلق
عمر انت كويس أرجوك عشان خاطرى انا متتحركش لحسن تتعب
طيب و هتفضلى جنبى يا عشق
طيب حاضر لينظر هو و يلاحظ جبهتها المصابة و الضمادهً الموضوعه عليها ليسألها بقلق
عشق انتى كويسه تعبانه
لا انا الحمد لله شويه كدمات وصداع متقلقش نفسك انت
طيب خلاص قومًى انتى استريحى فى اوضتك و انا هابقىً كويس
انا مَش هاقدر اسيبك يا عمر
عشان خاطرى لو بتحبينى لازم تستريحى و انا هابقى كويس ان شاء الله طول ما انتى بخير
ايوه يا عمر بس ليقاطعهم الطبيب طيب انا عندى حل كويس ايه رايكم تفضلوا انتو الاثنين مع بعض الاستاذ عمر هيتنقل غرفه عاديه وممكن تفضلى معاه مرافق مضت عده ايام تحسنت فيها صحه عمر و شفيت عشق تماما ليخرج هو من المستشفى و ترجع هى الى منزلها ليحتفل بها حمزه و عشق وداده عليه ظلت هى فى المنزل لعده ايام اخرى و لم تنقطع فيها عن محادثه عمر و الاطمئنان عليه او زيارته فى المنزل هى و حمزه و عشق لتستقبلها الحاجه فاطمه فى حب و سعاده
ممكن ندخل.
عشق اهلًا يا حبيبتى طبعا اتفضلى ليحمر وجهها خجلاً
عمر و بعدين مَش قدام الاولاد
انتى حبيبتى و هأفضل اقولها علطول و لآخر عمرى. بقولكم ايه يا ولاد مَش هتسلموا على جدو و تيته و نادين كمان جوه هى و عمتو هدى
هيييه يلا بينا
ها يا عشق كنّا بنقول ايه؟
ها ولا حاجه عمر انا كنت عايزه اسالك على حاجه
بتغيرى الموضوع صح
لا بجد انا كنت حابه اعرف انت عرفت مكانى انا و الولاد وقتها ازاى؟
انا كنت هاتجنن و انا عارف انكم جوه و مَش قادر انى اعمل حاجه
طيب عرفت منين ليشرح و هو يتذكر ما حدث
دى يا استاذ عمر دى كل الأوراق و المستندات المطلوبه
شكرًا يا على انا كنت عارف و متاكد انى اقدر اعتمد عليك عّم سعيد قالى انك زيه بالضبط و هتساعدنى
طالما ان حضرتك بتحافظ على الاستاذه عشق و بتحميها انا تحت امرك
الامر لله يا على بس انت عارف عشق غاليه عندى اد ايه و مَش هاقف ساكت و الكلب ده بيهددها
و الله انا مَش عارف الناس دى ايه مَش كفايه اللى عمله قبل كده و البضاعة اللى كان هيضيعها بالرشوه و تنعدم و يخسرنا كثير اوى دا لولا انى بابا كلم حضرتك و علاقاتك هناك و اللى عملته كان كل شىء ضاع
انا مَش هاسمح لاى حد انه يأذى عشق او يضرها يا على
طيب هانعمل ايه دلوقت حضرتك عارف المناقصه دى مهمهً بالنسبه للاستاذه عشق اد ايه
متخافش يا على بالمستندات دى هنثبت التلاعب اللى حصل و التلاعب فى المواصفات انا اتفقت مع الرقابه الإدارية و المباحث و هاخد المستندات دى و أوصلها و هما هيتصرفواً
طيب و مكالمات التهديد هنعمل فيها ايه
متخافش تليفون عشق متراقب و قدرنا نوصل منه لتليفون مدحت اللى بيعمل منه المكالمات لها و بنراقبه دلوقت
كويس اوى طيب و اذا سالتنى عن المستندات انت عارف انها مَش هتسكت
قولها ان الموضوع صعب و محتاج وقت انا مَش عايز عشق تتعرض للخطر باى شكل من الأشكال و مَش حابب ان مدحت يعرف انها بتدور ورآه لحسن ياذيها
- يعنى كنت متفق مع على كمان عليا يا عمر و بتشتغلوا انتو الاثنين مع بعض من ورايا
محدش كان متفق عليكى يا عشق كل الحكايه أننا كلنا بنحبك اوى و بنخاف عليكى و مَش عايزينك تدخلى النار برجليكى انا حلفت انى هاحميكى و أدافع عنك و عن ولادى لآخر لحظه فى عمرى سواء بعلمك او من وراكى وًمكنش قدامى غير كده يا عشق
طيب و عملت ايه بعدها؟
ولا حاجه اتقابلت مع الضابط و سلمته كل المستندات و كنت باتابع معاهم اول بأول لحد ما عرفت انهم اخدوا الولاد
يعنى ايه حضرتك يعنى انا اتابع معاكم اول بأول و اسلمكم كل المستندات اللى تدين مدحت و شبكه الفساد اللى معاه و فى الاخر يكون الثمن ولادى
اهدى شويه يا استاذ عمر مَش كده انا احب اطمنك المكان كله محاصر و احنا بنتابع تحركاته اول بأول وولادك بخير احنا بس حبينا اننا نقبض عليه متلبس و عشان كده مستنيين
انا عملت ده كله عشان ابعد عشق والولاد عن الخطر ده تقوم تيجى حضرتك و تقولى انهم فى أيدين المجرمين دول و تطلب منى اطمن ازاى يا فندم
حضرتك مَش بتثق فيا يا عمر
ايوه بس مَش لدرجه انى اعرض مراتى وولادى للخطر اياًكان لو كان انا اللى باتعرض للخطر ده مكنتش هتردد لحظه انى أساعدك بحياتى لكن عيلتى لا يا فندم
عمر اطمن دول امانه فى رقبتى و انا مَش ممكن اخون الامانه او أعرضهم للخطر و عشان تطمن اكثر انا هاخدك معانا فى الحمله
يعنى انت كنت هناك و هما بيخطفونى
ايوه يا عشق و كنت هاتجنن و هما مدخلينك و انتى مغمى عليكى و الظابط منعنى بالعافيه و اللى حسبته لقيته دول مجرمين بس ربنا ستر
و مخفتش يا عمر او اترددت و انت بتقف قدام المسدس عشان تاخد رصاصه بدالى
عشق انا اذا كنت باتردد او أندم فعلى كل لحظه عشت فيها بعيد عنك و على كل كلمه زعلتك منى و على كل لحظه قسيت فيها عليكى انا. لتبتعد عنه فى خجل و هى تقول
عمر انت مَش ملاحظ انك مقرب منى اوى و بعدين معاك افرض حد دخل علينا فجأه او الاولاد يقولوا ايه
عشق حرام عليكى بقى انا ميهمنيش حد غيرك انتى مَش ناويه ترحمينى و تحنى عليا و توافقى
أوافق على ايه بالضبط مَش فاهمه
توافقى اننا نبقى واحد و نفضل مع بعض علطول
انا مسألتش على بابا ولا ماما و انشغلت معاك هنا و نسيت نفسى خالص لازم اروح اسلم عليهم و اقعد معاهم شويه لحسن يزعلوا ليجذبها من يدها و يقربها منه و هى تحاول ان تتراجع
عشق و بعدين معاكى كل اما أكلمك فى الموضوع ده بتهربى انا ابتديت احس انى باضغط عليكى و أجبرك لتنظر له نظره عتاب و لوم
كده يا عمر يعنى بعد كل اللى بقوله و باعمله ده تقول ليا كده
طيب يا عشق طمنينى بقى وريحى قلبى لتبتعد عنه فى دلال و هى تتجه ناحيه الباب و تقول بعدين يا عمر هنبقى نتكلم فى الموضوع ده بعدين ونشوف هنعمل ايه ليرد هو فى غضب - صبرنى يا رب
الف مبروك يا اياد انا لما عشق قالتلى انكم رجعتوا لبعض انا فرحت اوى لينظر له اياد و هو يبتسم فى مكر
طبعا انا عارف انت فرحت اد ايه و من قلبك يا عمر لترد عليه هايدى
ضاحكه اياد و بعدين معاك انت لازم تضايقه يعنى ليرد عليها عمر بابتسامه
عشان خاطرك يا عروسه مَش هازعل منه او اخد على خاطرى كمان هو النهارده مسموح له يقول او يعمل اى حاجه لينظر له اياد فى غيظ و هو يمد يده و يجذب هايدى الى جواره
بقولك ايه يا عمر سيب هايدى فى حالها و خليك معايا انا ليضحك عمر فى سخريه و يرد
ما انت اللى بدات يا عريس لتضحك الاثنتان على حالهما معا و ما يفعلانه ثم تلتفت لها هايدى و تسألها بمرح
بس صحيح بقى عمر و بقى كويس و الحمد لله زى الفل وكل المشاكل اتحلت خلاص و الحمد لله مَش ناويين نفرح بيكم بقى ليرد عمر فى سعاده و هو يجيبها
قوليلها يا هايدى لحسن انا خلاص استويت لتنظر له عشق معاتبه ثم ترد قريب ان شاء الله ربنا يسهل .
مضى يومان لم يتحدث فيهما عمر معها الا للحظات معدوده فقط ثم يتعلل انه مشغول لتشعر هى بالقلق ايكون غاضبا من حديثها و كلامها عنهم أيظن انها لا ترغب فى العوده اليه لقد كان يسألها و يلح عليها كل يوم و لكنه و منذ وقتها لا يسألها عن شىء بل مجرد عبارات معتاده فيما بينهما ثم يغلق الخط انها قلقه حائره لتكون قد بالغت فى التمنع و الدلال حتى ظن انها زاهده فيه و انصرف عنها و لكن قاطعها رنين الهاتف لتجده هو لترد عليه بلهفه و شوق
- كده يا عمر انت مشغول فى ايه اليومين دول عنى؟
- انا عمرى ما انشغل عنك ابدا بس كان ورايا حاجات مهمه ولازم اعملها
- اهم منى يا عمر
- مفيش حاجه فى الدنيا اهم منك و لا من حبك
-بجد يا عمر
- طبعا بجد و انتى عندك شك فى كده
- بص يا عمر اذا كنت متضايق انى....
- عشق ممكن اطلب منك حاجه
-؟ تحت امرك يا عمر
ممكن النهارده اخطفك لتصمت هى فى ذهول
عشق رحتى فين منى
ها ولا حاجه بس انا
انتى ايه؟
هتخطفنى تودينى فين يا عمر؟
لا دى مفاجاه و مَش هاقولك عليها دلوقت
طيب و الولاد ؟
مالهم هما مع ماما و هدى و بيلعبوا و مبسوطين يعنى تطمنى عليهم و تركزى معايا انا
ايوه يا عمر بس .
عشق و لو قلتلك عشان خاطرى و انى حابب اننا نكون سوا النهارده لوحدنا
طيب يا عمر ماشى هاتعدى علي امتى بالضبط ؟
نص ساعه و هاكون عندك يا حبيبتى
مستنياك يا عمر مع السلامه ركبت الى جواره و هى تسأله
ها هتودينى فين بقى يا عمر
مَش قولتلك انى هاخطفك يا عشق
مَش فاهمه طيب هتخطفنى و تودينى فين ؟
الساحل الشمالى يااااه يا عمر لا طبعا دا المشوار بعيد جدا هنروح فين و هنرجع امتى؟
عشق اهدى شويه مَش كده
عمر أرجوك رجعنى الولاد مَش متعودين يرجعوا يلاقوا البيت فاضى
متقلقيش عليهم انا رتبت كل حاجه
عمر انا مَش فاهمه هنروح هناك نعمل ايه دلوقت
هافرجك على حاجه جديده اتعملت و اخد رايك
ايوه بس المشوار بعيد اوى يا عمر و انا باخاف من الطريق بالليل
عشق انتى بتثقى فيا؟
طبعاً يا عمر
خلاص أمضى عينك و نامى شويه لحد ما نوصل اسندى على كتفى و انتى تنامى علطول ليتضجر وجهها بحمره الخجل و تقول
وًبعدين معاك بقى يا عمر ثم انا كده مستريحه و مَش حابه انى انام
خلاص انا بس عرضت اللى عندى و انتى حره
طيب خلاص ليمضى بعض الوقت و تشعر هى بالنعاس من رتابه الطريق ليمد هو يده و يسندها الى كتفه و هو ينظر لها فى حب .
عشق عشق صح النوم قومًى بقى احنا وصلنا
وصلنا فين يا عمر
بصى قدامك و انتى تعرفى
عشق ازيك ايه رايك فى المفاجآه دى لتنظر لها فى دهشه و غضب فقد كانت تتوقع مفاجاه منه لها اليوم
هايدى ازيك بس خير ايه اللى جابك هنا النهارده اقصد لتضحك هايدى من ارتباكها و ترد
عمر هو اللى جابنى هنا النهارده عشانك يا عشق كلنا هنا النهارده عشانك
مَش فاهمه
طيب تعالى معايا و انتى هتفهمى كل حاجه علطول لتسحبها من يدها و تدخل الى الفيلا و تدخل بها الى احدى الغرف لتطلق عشق صرخه فرح حينما ترى ما أمامها .
تفتكر المفاجآه هتعجبها يا اياد؟
يعنى انت خلتنا نيجى كلنا هنا على ملا وشنا و عملنا ده كله و فى الاخر بتسأل
اصلى انا قلقان قوى
سيبها على الله بقى و بلاش توتر.
طيب يلا بينا عشان منتاخرش عليهم
اتقل لِسَّه بدرى سيبهم براحتهم شويه
زى القمر يا عشق ماشاء الله
شكرًا يا هايدى على كل حاجه
مفيش بين الأخوات شكر عشق انا لما عمر كلم اياد و طلب منى انى أساعده مترددتش لحظه انتى تستاهلى كل خير
انا طاوعتك بس
عشق انتى لِسَّه مترددة؟
لا الموضوع مشً كده بس انا
خلاص انا مَش حابه اعرف بقولك ايه يلا لحسن اتاخرنا عليهم
انتى عايزانى انزل كده
طيب و دى فيها ايه ؟
لا انكسف طبعا
من ايه؟ مفيش حد هنا غريب
ولو يا هايدى انا
عشق عشان خاطرى خدى الامور ببساطه ويلا بينا لتخرجً معها و تفاجأ بوجود عمر و اياد ينتظرانهما كان يشبه ابطال الأساطير او نجوم السينما بتلك البدله الأنيقة وًكان يبتسم لها بحب وًهو يمد يده لها ليمسك بيدها بينما هى تطرق الى الارض فى خجل ليضحك هو من خجلها و يشاكسها
انتى مَش متخيله وشك احمر اد ايه لتنظر له فى قلق و حيره ليضحك و يقبل يدها ثم يفتح لها باب السياره لتركب الى جواره فى الخلف بينما جلس كل من هايدى و اياد فى المقدمه
طيب يلا بينا على بركه الله.
احنا هنروح فين؟ كانت تسأله فى رقه و هى تذوب خجلاً
متقلقيش يا حبيبتى انتى دلوقت معايا مرت فتره حتى وصلوا الى المكان المنشود لتقف السياره و ينزل ثلاثتهم ثم يفتح لها عمر الباب و هو يشير اليها ان تخرج لتنظر الى المكان فى حيره و تسأله
مش دى مكان القريه اللى هاتبنيها يا عمر ؟
ايوه قريه عشق
طيب انتى جايبنا هنا دلوقت ليه و باللبس ده مَش فاهمه؟
هتعرفى كل حاجه حالاً وباشاره منه بدات الموسيقى التى تحبها ليجذبها هو من يدها و يسير بها قليلا لتجد خيمه رائعه تزينها خيوط من الذهب و الأحجار تتلالىءفى ضوء الشمس الغاربه بينما وقف كل من تحبهم و هم فى كامل زينتهم فى استقبالها و هم يضحكون فى فرح بينما وجدت كل من حمزه و عشق يتجهون اليها و هم يحملون صندوقاً صغيراً و يعطوه لها
ايه دا ليفتحه عمر و يظهر قلب من الأحجار مطعم بالماس فأخذه ليضعه على رقبتها و يجيب
دا قلبى يا عشق من النهارده تحافظى عليه ثم ياخذها من يدها ليتمم اجراءات الزواج هل من الممكن ان تتحقق الأحلام سمعت صوت الزغاريد و أصوات التحيه و هم يهنئونهاً و يتمنون لها خير قادم ليجذبها عمر من يدها الى منتصف المكان و تصدح الموسيقى ليحيط خصرها بيده و يرقص معها فتساله بابتسامه
عمر كل ده عملته عشانى.
انتى فاكره ايه دا انتىً غاليه اوى عليا يا عشق
بس دا كثير يا عمر
مفيش اى حاجه تكثر على عشق عمر انا لو أطول نجمهً من السما كنت اقدمها ليكى
عمر انا
متقوليش حاجه انا سمعت كل حاجه عنيكى الحلوه دى قالتلى
قالتلك ايه؟
قالتلىً انك بتحبينى و انك خلاص سامحتى حبيبك وًنسيتى كل اللى كان قالتلى هنبدأ مع بعض انا و انتى وأولادنا قصه جديده من قصص الحب قصه عشق .لتضمه اليها فى حب و قد ايقنت ان سفينتها التائهة فى بحور الحياه قد وصلت اخيرا الى مرفأ أمانها و مرساها .
