خرج اياد بعد اكثر من ساعه مبتسما لها و هو يقبل يدها و يقول
- بصى يا عشق مهما قلت مَش هاعرف أشكرك على ثقتك الغاليه دى فيا و ربنا يقدرنى انى أسعدك لتنظر له فى صدمه و تقول اياد لاحظ ان الولاد موجودين هنا و مَش هينفع اللى بتعمله ده
- و هو انا عملت ايه؟ مَش باكلم خطيبتى
- اياد و بعدين معاك بقى احنا مَش قلنا نمهد للموضوع الاول و بعدين نبلغهم
- انا فاهم يا عشق بس تفتكرى انهم ممكن يتقبلوا الموضوع بسهوله كده و خصوصا ان كان عندهم امل انك انتى و باباهم ترجعوا لبعض و تعيشوا سوا
- انا هاعرف اتعامل معاهم كويس اوى و أقنعهم بس ادينى انت شويه وقت
- براحتك خالص انا مَش مستعجل
قولى يا اياد و انت هاتعمل ايه فى ابنك مَش لازم تبلغه برضه
انا كنت هاقابله النهارده و اتكلم معاه بصراحه و بعدين حصل الموضوع ده و انا انشغلت بعدها
- لا يا اياد متخليش اى حاجه تشغلك عن ابنك المفروض انه اهم حاجه فى حياتك دلوقت .
- تعرفى يا عشق هو فعلا اهم حاجه فى حياتى بس انا ولا حاجه فى حياته مع الاسف والدته مبتسمحش ليا اقرب منه ابدا او أتفاهم معاه
ازاى وانا وقت الحفله سمعتها بتقول انه حر و انها مَش بتدخل فى علاقتكم
عشق انتى طيبه اوى تعرفى انا حاولت معاه اد ايه عشان يقبل انه يقابلنى بس و اشوفه و كل مره بروح بيتعامل معايا ببرود و كانى مَش ابوه او من دمه تعرفى انا اتشديت لحمزه و عشق ليه لانهم فكرونى بيه و كان واحشنى اوى
اياد انا اسفه انا مقصدتش انى اضايقكً او اجرحك بس انت عمرك ما حاولت تعرف منه هو ليه بيبعد عنك
هو فاكر ان انا السبب فى كل اللى حصل و ان انا سبته هو ووالدته هى كانت خايفه انه يبعد عنها لو عرف الحقيقه
طيب محاولتش انك تفهمه
حاولت كثير يا عشق بس هو مَش مصدقنى و مَش بيسمعنى او يتقبل منى اى حاجه
برضه تحاول ثانى و تقرب انت منه انت ابوه و هو اللى ليك فى الدنيا بص ايه رايك انا عندى فكره حلوه انت روح هاته هنا وعرفه عليا و على حمزه و عشقابنك محتاج حب و حنان يا اياد هو اكيد وحيد و معندوش حد يلعب معاه
بس هما اصغر منه بأربع سنين يا عشق
و ايه يعنى بس فى الاخر هو طفل و نفسه يحس بالفرح هاته يلعب هنا وممكن ناخدهم كلهم ونخرج مع بعض
بجد يا عشق ممكن تعرفى لو حصل ابقى مديون لكى العمر كله
اياد انت عارف معزتك عندى اد ايه و معزه يوسف هتكون من معزتك
طيب مسافه السكه و هارجع ثانى عن اذنكً مع السلامه .
يعنى ايه يا ماما انتى خلاص هتجوزى عمو اياد و تسيبى بابا يعنى عمره ما هيقعد معانا ثانى ولا هنعرف نشوفه.
لا يا ولاد هو انا عمرى بعدتكم عنه ابدا
بس هو مَش هيقدر ييجى او نشوفه زى الاول
لا طبعا انتو ممكن تزوروه فى اى وقت
بس يا ماما
هو انتو مَش بتحبوا عمو اياد؟
ايوه بس
طيب عشان خاطر ماما ممكن تطلعوا فوق مع داده تغيروا هدومكم و تنزلوا عمو اياد جاى يزورنا و معاه ابنه يوسف
هو عنده ابن يا ماما؟ لتضحك عشق من سؤالها و تجيبها
ايوه يا حبيبتى و أسمه يوسف
اسمه حلو يا ترى شكله ايه؟
مَش عارفه يا حبيبتى عموما هو زمانه جاى و هتشوفوه و تتعرفوا عليه
طيب انا هاروح البس فستان حلو و استعد
انتى هتسيبنى هنا طيب خدينى معاكى
طيب يلا يا حمزه .
عِشق يا بنتى الاستاذ اياد وصل تحت هو و ابنه
طيب كويس انا نازله علطول يا داده
طيب يا بنتى
يوسف انت عارف انا مبسوط اد ايه عشان وافقت انك تيجى معايا النهارده لينظر له صامتا ولا يجيبه
طيب قولى انت تحب نقضى اليوم دا ازاى انا هاعمل اى حاجه انت تطلبها او تخطر على بالك بس انت اطلب
انت بقى يوسف كانت تلك عشق الصغيره التى اندفعت الى المكان كالإعصار
ماما قالت ليا انك جاى وهنتعرف على بعض و نتفسح سوا انا لبست الفستان الحلو ده عشانك ها ايه رايك بقى ؟ لمعت ابتسامه على شفتيه و هو ينظر لها و يستمع اليها
هو انت هتفضل ساكت كده كثير هو الفستان وحش اوى كده ايه مَش عاجبك أغيره ؟
بالعكس انتى حلوه اوى
مينفعش تقول كده لاختىً كان هذا حمزه الذى تكلم غاضبا
على فكره هى اللى سالتنى و انا باقول الحقيقه انت مَش شايف هى حلوه اد ايه زى العروسه بالضبط
ايوه بس برضه مينفعش انك تقول لها كده
ليه
لأننا منعرفكش و ماما قالت اننا منكلمش حد منعرفوش ليرد اياد هذه المره
بس ده ابنى يا حمزه و احنا اصحاب مَش كده؟
ماشى طيب نتعرف كويس الاول انا حمزه
و انا يوسف تشرفنا
و انا عشق
عارف ما انا سمعت اول لما دخلتى اسمك حلو اوى
اسمى على اسم ماما
ازيك يا يوسف انت نورتنا النهارده بابا دايما بيكلمنى عنك نظر اليها منبهرا فهى جميله بالفعل تحاكى أميرات الأساطير و تشبه ابنتها كثيرا
انتى حلوه اوى زى مامى بالضبط لتضحك عشق فى سعاده بينما ينظر اليه حمزه غاضبا و يقول
برضه و ماما كمان انا مَش قلتلك مينفعش تقول كده لتلتفت اليه عشق و تقول
معلش يا حمزه يوسف ميقصدش و بعدين هو مقلش حاجه غلط
مَش كده يا عشق كان هذا يوسف يسألها ببراءه لتبتسم له عشق و تقول
طبعا يا حبيبى بص بقى يا يوسف انتى النهارده هتفضل معانا و هنخرج كلنا سواى نتغدى بره انا عازماكم و هنحتفل كلنا
بايه بالخطوبه لتنظر له عشق مستفهمه
هو بابا قالك يا حبيبى؟
لا مامى لتبتسم و هى تسأله
مامى اللى قالتلك امتى يا يوسف؟
النهارده يا عشق و طلبت منى انى اروح مع بابا و اشوف كل حاجه و ارجع اقولها بالتفصيل لترد عشق الصغيره هذه المره خد بالك يا يوسف انت كده بتفتن و الفتنه حرام
طيب اعمل ايه ؟
ولا حاجه يا حبيبى عادى انت ممكن تحكى لها كل حاجه مهما كان دى مامى و هى حابه اكيد انها تطمن عليك
يعنى مفيش مشكله يا عشق
ابدا يا حبيبى
بس يا بابى و خرجنا و اتفسحنا و أتغدينا كلنا بره و كان يوم حلو اوى و على فكره يوسف ده لطيف جدا و طيب اوى و بقى صاحبنا خالص و هنتعود عليه و على فكره انا كده مَش بافتن لان ماما قالت ان من حقكم انكم تطمنوا علينا. لينظر لها و غيرته تقتله و يسألها
هى قالت كده؟
ايوه يا بابى لما يوسف قال لها ان مامته بتسأله و هو بيحكى لها
و انتو على كده كلكم مبسوطين و مفيش مشكله ولا كانى موجود او بعيد عنكم
مَش فاهمه يا بابى انت زعلان مننا
لا ابدا مامى بس اتخطبت لحد ثانى غيرى و انتو وعدتونى انكم تساعدونى و فى الاخر بتخرجو ا معاه تتفسحوا
طيب نعمل ايه يا بابى قولنا انت وًاحنا ننفذ
تعالوا عيشوا معايا و سيبوها لوحدها شويه يمكن ترجع فى كلامها
مَش هينفع يا بابى احنا مَش هنقدر نبعد عن مامى لحظه واحده احنا بنحبها اوى
طيب و انا يا عشق
وانت كمان والله بس مَش هينفع اننا نزعلها
طيب اعملوا اللى تحبوه تصبحوا على خير
و انت من أهله يا حبيبى .......
ايوه انا على انا كنت حابب انى اقابلك ضرورى لا الموضوع مَش ممكن يتأجل الاستاذه عشق بدات تسال ثانى على المستندات و مَش كده و بس انا عرفت كمان انها كلفت لواء سابق غيرى انه يجمع لها ادله جديده و اللى وصلنى انه قدر يثبت كل المخالفات و التلاعب فى الخامات اللى أتعمل فى المناقصه و عنده مستندات يعنى كده الموضوع ممكن يتعقد لو سلمها كل ده
طيب اعمل ايه
لا انا مقدرش انى اتكلم معاه او اطلبها منه انا مَش ممكن انى اظهر فى الصوره كده هى ممكن تكشفنى
احنا لازم نشوف هنعمل ايه و بسرعه قبل ما كل حاجه تتعقد ثانى لو هى عرفت مَش بعيد تحصل مصيبه
خلاص مسافه السكه مع السلامه......
مالك يا أياد ؟
مفيش يا عشق
هتخبى عليا؟
لا ابداً بس
بس ايه اتكلم
يوسف
ماله يوسف احنا بقالنا أسبوعين مع بعض بنخرج و نتكلم و هو مبسوط جداًو فرحان واضح انه فعلا كان محتاج عيله فى حياته يحبوه و يهتموا بيه ولقى دا فينا يبقى ايه المشكله
هايدى
طليقتك مالها؟
انا مَش عارف هى بتعمل معايا كده ليه يا عشق من ساعه ما الولد رجعً اخر مره و حكى ليها على اللى حصل و هى هتجنن مَش كده و بس دى قعدت تعيط له و طلبت منه انه لو بيحبها انه ميروحش معانا ثانى او حتى يقابلنا هى خايفه انى ممكن اخدوا منها انسانه أنانيه اوى يا عشق مَش بتفكر الا فى نفسها لتنظر له عشق للحظه و هى تتذكر ما يحدث معها منه حديثها معه و تهديده لها لترد بصوت حزين
الظاهر ان كلهم كده يا اياد ليفهم هو ما تتحدث عنه و يرد بغضب
واحنا هنسكت لهم و نسيبهم يعملوا ما بدالهم
لا طبعا انت عارف انا مَش كده
طيب هنعمل ايه الولد كلمنى و كان صعبان عليا اوى محتار بينى و بين امه و مَش عارف يعمل ايه طبعا هو اختار امه و طلب انى ابعد عنه دلوقت و قالى انه مَش عايز يشوفنى خلاص بس فى اخر المكالمه اترجانى انى اسلم عليكم و اقولكم انكم وحشتوه اوى و خصوصا عشق الصغيره و ان الكام يوم دول كانوا اجمل ايام فى حياته تصدقى يا عشق و انا باسمعهً كنت هاتجنن كان هاين عليا انى اروحلها و اتصرف معاها دى ام دى اللى تعمل فى ابنها كده
كفايه يا اياد انا قلبى مش مستحمل و الله ثم تلمع عينيها ببريق التحدى و تسأله
اياد انا حابه أقابل هايدى و اتكلم معاها ممكن تحدد ليا معاد معاها
تقابليها ليه يا عشق مَش فاهم
اياد انت مَش بتثق فيا انا عارفه انا باعمل ايه كويس الست مَش بيفهمها الا ست زيها انت بس حدد ليا ميعاد و ملكش دعوه سيب ليا انا الموضوع ده و هاخلصه
بجد يا عشق يعنى هتقدرى انك تغيرى رايها انا لولا يوسف كنت
مفيش داعى يا اياد كل المواضيع ممكن تتحل بالتفاهم و انا فاهمه هايدى كويس اوى و هاعرف ازاى انى أغير رايها انت بس اطلبها و حدد الميعاد و بلغنى
طيب خلاص انا تحت امرك عشق انا مَش عارف أشكرك ازاى ربنا ما يحرمنى منك ابدا
تشكرنى على ابه يا اياد يوسف دا زى حمزه و عشق بالضبط و نفسى انه يكون سعيد
مهو قلبك الطيب ده هو اللى شدنى ليكى لتضحك و هى تجيبه اياد و بعدين معاك بقى
طيب خلاص نتكلم جد شويه مدحت صاحب شركه المجد
ماله؟
انا عايزك تبعدى عنه أليومين دول خالص يا عشق
ممكن اعرف ليه؟
من غير ليه انا بلغنى انك كلفتى سياده اللواء عشان يجمع المخالفات و التلاعب فى الخامات
وًعرفت منين يا اياد؟
انا ليا مصادرى الخاصه يا عشق بس انا اللى بقولك ارجوكى بلاش حتى لو عندك أدله او مستندات أجلى الموضوع ده شويه
ممكن افهم ليه؟
من غير ليه يا عشق بصى انتى مَش بتثقى فيا زى ما انا باثق فيكى
طبعا يا اياد انت ليه بتسألنى خلاص انا الاى بقولك ارجوكى ابعدى عن الموضوع ده دلوقت عشان خاطرى
خلاص زى ما تحب
طيب هاسيبك انا دلوقت عشان عندى مواعيد مهمه و ارتباطات وًهاكلمك اول ما احدد ميعاد مع هايدى
ان شاء الله مع السلامه.....
عمر هتفضل سرحان كده كثير
ها لا ابدا انا كويس يا هدى انا بس بأفكر
بتفكر فى ايه عشق
عشق خلاص يا هدى اختارت حياتها الجايه و نسيتنى لتنظر له هدى للحظه ثم تدخل غرفته و تغلق الباب و تجلس على الفراش أمامه و عى اساله تفتكر؟
أفتكر ايه يا هدى مَش فاهم ؟
تفتكر انها اختارت فعلا حياتها الجايه؟
تقصدى ايه يا هدى ما انتى متابعه معايا أخبارها و خطوبتها لإياد
تعرف يا عمر من و احنا صغيرين و الحاجه تبقى قدامك و برضه بتفضل تدور عليها و تتعب نفسك لينظر لها عمر مندهشا
هدى انا مَش فاهم اى حاجه من كلامك ده
لان مخك تخين و صعب تفهم بس اعمل ايه اخويا و بحبه
بقولك ايه يا هدى انا مَش فايق لكلامك ده اتفضلى اخرجى و خدى الباب ده فى ايدك و سيبينى لوحدى لوًبتحبينى.
لو بحبك مَش هسيبك يا عمر بالعكس هأفضل وراك لحد ما تفهم
هدى انا.
انت ايه كل ده و مفهمتش هتفضل تبعد لحد امتى انت بتقول ان عشق اختارت طيب وًمين اللى وصلها لكده مَش انت يا عمر؟
انا يا هدى طيب ما هوًكان كل حاجه على يدك يا هدى انا حاولت كثير بس مفيش فايده و هى مَش قادره تنسى و تسامح و تدينى فرصه نبتدى من جديد
تفتكر اللى انت بتقوله ده صح يا عمر والا انت اللى حابب انك تصدق و مَش عايز تحاول ثانى
احاول فى ايه يا هدى الموضوع انتهى خلاص
لا يا عمر انت عارف وًمتاكد من جواك انه لِسَّه منتهاش و انك انت اللى غلطان و لحد دلوقت بتغلط
. ليه عملت ايه؟
عملت ايه بتسألنى يا عمر و كلامك اللى زى الدبش ليها و تهديدك انك تاخد منها الولاد كل ده و بتسأل يا عمر لينظر لها مندهشا من كلامها و معرفتها بكل ما دار بينه و بينها
و قبل ما تظلم و تفتكر انها حكت ليا على كل اللى حصل اوً اشتكت اللى قالت ليا داده عليه مَش عشق هى قعدت تعيط و حكت لها على كل تصرفاتك الغبيه معاها و تهديدك لها بالأولاد و طبعا داده عليه هى اللى اتصلت بيا و اتكلمت معايا هى عشق تستاهل منك كل ده يا عمر بعد كل اللى انت عملته فيها مَش كفايه اللى هى فيه
انا مقصدتش يا هدى انى اقول لها الكلام ده او اتصرف معاها كده غيرتى بتعمينى و مَش بقدر اتحكم فى نفسى حبى لها خلانى غضبان و بقول اى حاجه بس و الله و انت عارفه كويس انا مَش ممكن اعمل فيها كده ولا انى احرمها من ولادها دى حب عمرى كله يا هدى ولما هى حب عمرك تعمل فيها كده يا عمر انا اعرف ان الانسان لما يحب حد اكثر من نفسه يتمنى له الخير و انه يكون سعيد وًمبسوطه حتىًً لو على حساب نفسه يا عمر
و هو ده اللى وصلت له يا هدى بعد ما هديت و فكرت انها تكون مبسوطه و تعيش مهما كان الثمن حتى لو بعيد عنى لتنظر هى له فى إشفاق و تسأله
طيب صارحتها و قلت لها الكلام ده
لا مَش قادر با هدى مَش قادر انى أنطقها قلبى و لسانى مَش مطاوعنى يمكن انا اخدت القرار و كان صعب على اوى بس الاصعب انى أواجهها ثانى
لا يا عمر انت لازم تتكلم معاها و تقولها الكلام ده كله. اديها الحريه انها تسمع و تختار حررها من لعنه حبك و عشقك لها يا عمر لو انت بتحبها فعلا هتقدر يا عمر
بصى يا هدى انا مَش هاقدر مهما قلتى او حاولتى انك تقنعينى انا عارف نفسى انا مَش هاقدر أبص فى عنيها ثانى ولا هاقدر انى اقولها انى بحبها و عشان الحب ده هاسيبها تختار حياه جديده بعيد عنى و عشان كده انا كتبت لها الجواب ده كتبت فيه كل حاجه حاسس بيها و عايز اقولها ليها ومعرفتش خديه ياهدى و إديه لها و قوليها عمر بيتمنى لها الخير و مكنش يقصد و هيفضل طول عمره معاها و جنبها حتى لو طريقنا ف الحياه متقابلش ثانى هتفضل هى برضه عشق عمر كل ده فى قلبك و مَش قادر انك تقوله يا عمر انت عارف عشق كان نفسها تسمع كلمه منه اد ايه؟
عارف يا هدى بس مقدرتش اتكلم كان نفسى انها تعرف من غير ما اقول زى زمان
و الله انا احترت اعمل معاك ايه ياعمر؟
خدى الجواب اه يا هدى و قوليها عمر بيتمنى ليكى الخير كله
يعنى هتسيبها ثانى لوحدها يا عمر؟
مين قال انا هأفضل معاها و جنبها بس من غير ما هى تعرف و لحد اخر يوم فى عمرى يا هدى .
عشق انا اسف انى بأكلمك دلوقت بس انا هاموت و اعرف عملتى ايه مع هايدى؟ لتبتسم هى فى مكر و تسأله ببراءه
يعنى هاكون عملت ايه يا اياد اتكلمت معاها بس شويه
اتكلمتوا فى ايه مَش فاهم طيب هى قالتلك ايه و قابلتك ازاى عرفتى انك تقنعيها
طبعا يا اياد دا انا عشق انت متعرفنيش كويس انا لما أحط حاجه فى دماغى لازم أنفذها كما ينبغًى و اطمنً انا اتكلمت معاها و اتفقنا و هى كمان اقتنعت
مَش معقول انا مَش مصدق اللى انتى بتقوليه ده دى مَش طبيعه هايدى ابدا انها تسلم بسهوله كده و ترضى
الله يسامحك يعنى انا كدابه يا اياد؟
مقصدش يا عشق انا بس مستغرب ازاى انتى قدرت انك تقنعيها و بسهوله كده
دى موهبه بقى عموما انا اتفقت معاها ان يوسف هييجى بكره و يقضى معايا و مع الولاد يومين هنا
نعم و هى رضيت انها تسيبه لك و يبات عندك انتى. لترد عليه مشاكسه
جرى ايه يا اياد انت مَش ملاحظ ان كلامك معايا غريب شويه
لا انا مقصدش و الله انا بس هتجنن ازاى وافقتكده ببساطه ؟
هو انت ليك ان يوسف يبقى معاك و فى حضنك ولا لا
ماشى بس افهم
مَش لازم دى حاجه بينى و بينها بقى يلا تصبح على خير سيبنى انام بقى لحسن انا خلاص و اليوم كان طويل اوى ولازم اصحى بكره من بدرى
طيب تصبحى على خير .......
هى دى كل المستندات يا سياده اللواء
ايوه يا فندم دا كل اللى قدرت اجمعه الفتره اللى فاتت وعلى فكره دا مش شويه دا يوديهم السجن اشغال شاقه مؤبده تلاعب فى المواصفات و رشوه وفساد و غيره
طيب فى راى حضرتك الخطوه الجايه ايه؟
انا مقدرش انى اقول لحضرتك الخطوه الجايه ايه بس لو عايزه نصيحتى سلمى كل الأوراق و المستندات دى النيابه و هى تتصرف
انا برضه فكرت فى كده بس لازم الاول اخد رأى على و اياد
المهم ان حضرتك تصرفى بسرعه لان اكيد هما هيعرفوا مين اللى بيدور وراهم و ساعتها ممكن الموضوع يتعقد اكثر مَش كده وبس الناس دى مَش سهله ووراها مصايب
انا مَش عارفه اشكر حضرتك ازاى
العفو دا واجبى بس يا ريت تسمعى نصيحتى و تتصرفى بسرعه
ان شاء الله........
لا يا أستاذه بلاش ارجوكى انتى مَش وعدتينى انك هتبعدى عن الموضوع ده و مَش هتدورى فيه ثانى دلوقت على الأقل
ايوه يا على دا لما كان الموقف مختلف مكنش تحت ايدى كل المستندات و الادله دى اللى توديهم ورا الشمس
و حضرتك و صلتى للادله دى ازاى؟
انا ليا مصادرى الخاصه يا على
انا خايف عليكى و على الولاد دول ناس مجرمين و لو عرفوا انك بتدورى وراهم وهاتأذيهم مَش بعيد يعملوا اى حاجه ابعدى انتى عن الموضوع ده
يعنى عايزنى اعمل ايه يا على اعرف كل ده و اسكت ولا اخاف و اقول مليش دعوه لو كل واحد عمل كده يا على الدنيا هتبقى غابه
أستاذه عشق انا
خلاص يا على لنا بس كنت باخد رايك لكن القرار فى النهايه قرارى و انا قررت انى هاعمل زى ما سياده اللوا صبحى قال و اسلم المستندات دى النيابه
طيب ممكن تاجلى الموضوع ده شويه يوم ولا اثنين بس. ليه يا على انا مَش فاهمه
عشان خاطرى انا انا كنت باجمع بيانات و مستندات انا كمان هاجيبها ليكى و نقدمها كلها مع بعض
و لو انى مَش مقتنعه بس ماشى يا على هاستنى يومين بس عشان خاطرك
طيب عن اذنك
اتفضل مع السلامه خرج من مكتبها مسرعاً ليدخل الى مكتبه و يغلق الباب فى حرص ثم يطلب رقما و يستمع الى محدثه
انت لازم تتصرف و النهارده او بكره بالكثير الموضوع كده بقى خطر سياده اللواء جاب لها المستندات اللى قدر يجمعها دى مستندات تودى فى داهيه و هى كانت ناويه انها تقدمها للنيابه انا قدرت بالعافيه اقنعها انها تستنى يوم او اثنين بس بعد كده مَش هاقدر اعمل حاجه
طيب انا مستنى اشوف هتعمل ايه. ليغلق الخط و يجلس الى مكتبه واضعا رأيه بين يديه فى توتر و هو يسأل نفسه
انا مَش عارفه الامور هتوصل بينا لحد فين ؟
