- ست عشق عمر بيه طلب منى أبلغك انه و المحامى تحت فى المكتب مستنيين حضرتك
- طيب يا داده انا نازله
ارتديت ملابسى بسرعه فأنا اعلم ان عمر يكره الانتظار نزلت الى غرفه المكتب لأجد عمر و المحامى فى انتظارى و كان يبدو على وجه عمر الغضب و التحفز لم لكن اعلم ما الذى يدور بينهم بالضبط
- مساء الخير
- تعالى يا عشق الاستاذ عايز يقعد و يتكلم معاكى
- اتفضلى يا بنتى انتى عارفه يا عشق ان انا محامى والدك من زمان من عمرك تقريبا
- ايوه عارفه طبعا
- و عارفه انى كنت امين على مصالحه الفتره اللى فاتت دى كلها
- ايوه و متاكدهً من ده طبعا
- طيب الوقت انا هافتح وصيه والدك اللى سجلها و شالها معايا و يا ريت تسمعيها للاخر
- اتفضل حضرتك
علمت من محتويات الوصيه ان ابى ترك لى كل ما يملك و سجله باسمى بيعاً و شراءاً بالشهر العقارى منذ فتره طويله حتى قبل ان يعلم بمرضه لم يكن عنده سواى و لم يكن يرغب فى شىء الا اسعادى نزلت دموعى و انا اتذكر حبه له و عطفه على
- مدام عشق انتى معايا
- ايوه انا اسفه حضرتك كنت بتقول ايه
- بقول لحضرتك هتتصرفى الوقت ازاى انتى عارفه انك مكملتش ٢٠ سنه و الثروه كبيره و فيه ناس كثير طمعانه و طبعا عايزه نصيب من الثروه دى
ساله عمر بتوتر
- مَش حضرتك قلت ان موقفنا القانونى سليم
- ايوه بس دا ميمنعش ان فيه عقود و ارتباطات و التزامات للبنوك لا م تندفع
- طيب مندفعها
- مَش هينفع الوقت والدك كان داخل فى اكثر من صفقه و لا زم الاتفاقات تتم عشان نقدر نحصل الدفعات بتاعتنا
- طيب المطلوب منى ايه دلوقت
- انك تباشرى أموالك و شركاتك و المصنع و تنتبهى ليها يا بنتى
ايوه بس انا معرفش حاجه عنها و الدى هو اللى كان بيباشر كل حاجه ليرد عمر هذه المره
انا موجود يا عشق و كنت معاه خطوه بخطوه عشان كده انا اقترحت على المحامى انك تعمليلى توكيل عام بالإدارة عشان اعرف أباشر الشركات دى و أعدى الازمه
- مدام عشق ممكن اتكلم مع حضرتك على انفراد خمس دقايق بس.
نظرت الى المحامى فى دهشه مما يطلبه
- ليه يا متر فيه حاجه
- من فضلك دا بعد إذن الاستاذ عمر طبعا
- نظر له عمر فى ضيق لا و انا هتضايق ليه عشق حره طبعا
- بس انا مبخبيش حاجه على عمر
- معلش من فضلك و اذا كنت حابه تقوليله بعد كده مفيش مشكله بس انا لازم اخلص ذمتى
- خلاص يا عشق انا هاشرب قهوه فى الجنينه على ما تخلصوا كلام
- خرج عمر قبل ان انطق باى كلمه اخرى فالتفت الى المحامى لأسأله
- هو فيه ايه حضرتك انت كده أحرجته
- معلش انتى لازم تسمعينى و دا عشان الامانه المهنيه و حق العشره مع المرحوم
- الله يرحمه
- انتى عارفه يا بنتى يعنى ايه توكيل عام اللى بيطلبه عمر جوزك معناه انه هيكون متصرف فى كل أموالك وممتلكاتك بالبيع او الشراء و انتى ملكيش اى حق للاعتراض
- طيب ودى فيها ايه حضرتك عمر جوزى وبابا كان مأمنه على كل حاجه و عمره ما طمع فى اى حاجه و لا استغل الظروف بالعكس
- ايوه يا بنتى بس الوضع الوقت مختلف انا خايف عليكى
- من ايه من جوزى
- انتى عارفه ثروتك اد ايه يا عشق عارفه حجم المصانع و الشركات و التعاملات الماليه اللى بنتكلم فيه ملايين بابنتى
- و حتى و ان كان دا جوزى و انا مامناه على نفسى مَش هستأمنه على فلوسى هو اكيد هيخاف عليا
- زى ما تحبى بس انا كان لازم أحذرك و أنبهك لكن ده قرارك و انتى حره
- متخفش حضرتك اعمل التوكيل اللى طلبه و انا هامضيه
- خلاص بكره ان شاء الله هيكون عندك تصبحى على خير يا بنتى و لو احتجتىً اى حاجه انا تحت امرك
- شكرًا لحضرتك
خرج المحامى ليدخل عمر و يسألنى
- كان عايز ايه منك يا عشق
- ولا حاجه يا عمر هو قالى ان التوكيل هيكون جاهز بكره هايبعته و انا هامضيه
نظر الى عمر و قد لانت ملامحه
- طيب يا حبيبتى اللى تشوفيه و تاكدى انى هاحاول أصون الامانه اللى معايا
- انا متأكده يا عمر انا معدش عندى حد الا انت ربنا يخليك ليا
- و يخليكى ليا يا عشق يالا تعالى نتعشى داده عليه جهزت كل حاجه
- ماليش نفس يا عمر
- عشان خاطرى و الا مَش هاكل يرضيكى انام جعان يعنى
- لا طبعا
- طيب تعالى
مضت عده ايام اخرى كان كل شىء على ما يرام و قد انشغل عمر بالشركات و المصانع و الصفقات الماليه لم يكن يحدثنى عن ما يدور بالعمل كما كان يفعل ابى بل و حين اساله كان يقول لى ان كل شىء على ما يرام حتى عاد ذات مساء مبكرا عن موعده كنت قد أعددت العشاء و انتظره دخل متجهما حتى انى عملت ان هناك شىء ما حدث
- مساء الخير
- مساء النور يا عمر مالك جيت بدرى يعنى
- مفيش بس مرهق شويه من الشغل
- سلامتك طيب تحب أجهزلك العشا
- لا مَش دلوقت تعالى يا عشق انا عايز اتكلم معاكى شويه
- خير يا عمر
- عشق انتى عارفه اننا جينا هنا عشان عمى كان تعبان و مقدرناش نسيبه لوحده فى الظروف دى
- ايوه عارفه
- و عارفه انى سبت اهلى و بيتى عشان خاطرك و عشان عمى الله يرحمه . بابا دلوقت تعبان هو متكلمش ولا قال حاجه عشان الظروف اللى احنا فيها و انتى عارفه انه بيعتمد عليا و امى و اختى انا مقدرش أسيبهم لوحدهم فى الظروف دى .
- طبعا يا عمر انا فاهمه طيب ايه المشكله ممكن ييجوا يعيشوا معانا هنا البيت واسع و ساعتها هتقدر تاخد بالك منى و منهم
- مَش هينفع يا عشق انتى عارفه كويس ان بابا مَش هيوافق يعيش فى بيت مرات ابنه انا مكنتش موافق أعيش معاكى هنا فى الاول لولا عمى و الظروف تفتكرى هو هيرضى لا طبعا
- طيب ايه الحل يا عمر
- نرجع نعيش معاهم هناك
نظرت له فى صدمه فقد كانت ذكرياتى فى هذا المنزل سيئه معه رغم عطف امه و ابيه على
- يعنى انت عايز بيت بابا يتفقل يا عمر يرضيك اسيبه يعنى
- مؤقتا يا عشق و بعدين انتى مكانك معايا مَش اتفقنا على كده من الاول
- ايوه بس
- دى ظروف يا عشق لازم تكونى معايا و جنبى
- حاضر يا عمر اللى تشوفه
- جهزى نفسك هنمشى بكره
