ظل يناجيها و يناجى طيفها حتى الصباح لتدخل داده عليه الفيلا لتفاجا بوجوده فى حجره عشق نائما محتضنا صورتها و كتبها نظرت عليه فى دهشه لهذا المنظر فهى لم تكن تعرف ما حدث معه و لم تكن تتوقع ما تراه الان فبعد كل ما حدث أمامها هنا فى هذا المكان منه و من شهد ظنت انه قد خرج من حياه عشق و الى الأبد و لكن ما يفعله الان هو اخر ما يخطر لها على بال اغلقت باب الحجره عليه لتنزل الى المطبخ و تظل هناك . مضت ساعتين كانت منشغله فى مهامها اليوميه حتى انها لم تنتبه انه وقف على باب المطبخ ينظر اليها
- صباح الخير
انتفضت و انتبهت على صوته لتنظر اليه و ترد فى بطء و برود فهى لم تنسى بعد ما فعله منذ أسابيع قليله مع طفلتها
- صباح النور حضرتك تأمر بحاجه
- انا عايز قهوه ممكن
- تحت امرك اتفضل حضرتك و انا هاعملها و احصلك
خرج من المطبخ ليتجه الى حجره المكتب الخاصه بوالد عشق ليجلس على المكتب الخاص به كانت عشق طوال تواجدها فى المكان ايام مرض والدها تجلس فى هذا المكان وحيده بجوار غرفه والدها التى تم اعدادها و تجهيزها بعد مرضه كان كثيرا ما يعود ليجدها جالسه فى نفس المكان اخذ يتلمس المكتب و كل ما حوله فى حزن و يقلب فى الأوراق الموضوعه أمامه بشرود ليجد مفكره زرقاء مربوطه بشريط و موضوعه على المكتب بين الأوراق نظر اليها باهتمام و يمسكها بين يديه ليجد بعض الورود الجافه تتساقط منها اذا فهى تخصها تخص حبيبته التى فقدها و لا يستطيع معرفه مكانها فتحها فى بطء و بايدى مرتعشه ليجد انها مذكرات و خواطر سجلتها بخط يدها اذا هذا ما كانت تفعله هنا فتح اول صفحه ليقرأ كانت تلك الخواطر تعود الى اول يوم وصلوا فيه الى المكان
- حينما تعجز الكلمات عن و صف ما فى قلوبنا لا نجد ما نفعله سوى الصمت لقد صارت حياتى مع من احب كهذه الورود الجافه التى ذبلت قبل الاوان لقد احتفظت بها لتذكرنى ان الحياه قصيره و ان السعاده لا تدوم كعمر هذه الزهور التى شهدت قصه حبى و عشقى له التى انتهت حتى قبل ان تبدأ .
تساقطت دموعه فوق الكلمات و هو يقرا و يقلب بين الصفحات فى صدمه و الم كيف هان عليه ان يجرحها بهذه الطريقه و هى التى لم تحمل له فى قلبها الا الحب اين كان قلبه المتيم بها الان حين عاقبها على جريمه ارتكبتها اخرى من اشباح ماضيه ليعذبها هى دون اى ذنب سوى انها قد أغرمت بقلب لايستحق حبها له و عشقها إياه .
دخلت داده عليه تحمل القهوه لتفاجا بما يفعل كان شاردا يقلب فى مفكرتها الزرقاء بجنون عاشق يائس ليس له امل
- القهوه يا بنى
رفع اليها عينين ممتلئتان بالدموع ليفاجأ بنظراتها اليه ثم يعود لينظر الى ما بين يديه مره اخرى لتشعر داده عليه بالحرج و تسأله
- تامر بحاجه ثانى يابنى
- اقعدى يا داده
نظرت له للحظه بدهشه فهى المره الاولى التى يطلب منها الجلوس معه والحديث اليه فجلست فى صمت و هى تنظر اليه
- داده متعرفيش حاجه عن عشق اقصد معندكيش اى اخبار عنها انتى كُنتُى اقرب واحده منها انتى اللى ربتيها و تعرفيها كويس تفتكرى تكون راحت فين
- العلم عند الله يا بنى معرفش
- طيب انتى تعرفى كل حاجه عنها هى عندها أهل او اصحاب ممكن نسالهم
- عشق يا بنى مقطوعه من شجره معندهاش حد أبداً بعد مراد بيه الا ربنا حتى قرايبها انت حضرت هما عملوا فيها ايه بعد ما ابوها مات الله يرحمه
- ايوه انا عارف طيب فى عندها اصحاب ممكن تروح ليهم
- مكنش عندها غير ياسمين عشق كانت عايشه فى دنيا ثانيه غير دنيتنا دى يا ابنى
ليتنهد فى حزن يعنى تكون راحت فين بس
نظرت له عليه فى دهشه و قد قررت ان تسأله و لكن بحذر عما يحدث فقد اثار فضولها التغير الذى حدث له خصوصا بعد ما رأته منه و من شهد بعينيها منذ أسابيع قليله و فى نفس المكان
- متاخذنيش يا بنى ممكن اسال حضرتك سؤال
-اتفضلى يا داده انتى زى والدتى و تسالى عن اللى انتى عاوزاه
- متاخذنيش يا بنى انا مَش فاهمه حاجه من مده كده كنت جبت واحده مش هاتكلم عنها و اللى فهمته منك و منها ان الست عشق معدش فى حياتك خلاص و انك هاتبدأ مع الست دى حياه جديده انا طبعا كنت متضايقه و هاتجنن و عايزه اعرف ايه اللى حصل بينكم عشق بنتى و انا مربياها و بحبها بس انا فى الاخر بأشتغل هنا و دا اكل عيشى و ربنا يعلم انى محتجاه و عشان كده سكت بس انا لو تسمح عايزه اعرف بتدور على ست عشق الوقت ليه انتى عايز منها ايه يابنى مَش انت اللى سبتها و كنت مَش عايزها فى حياتك
- لا يا داده انا كنت غلطان انا مَش عايز عشق فى حياتى لا عشق هى كل حياتى انا مَش عارف اقولك ايه بس لما بعدت عنى حسّيت انا قد ايه بحبها و مَش قادر أعيش من غيرها عشق هى عمرى هى الدم فى عروقى هى ألهوا اللى انا باتنفسه و من غيرها انا مَش عايش يا داده
- يا سبحان الله و معرفتش ده الا الوقت معلش يا بنى انا اسفه
- ولا يهمك يا داده انتى عندك حق ايوه انا كنت اعمى مَش شايف حبها ليا عارفه يا داده انا زى كل انسان لما تكون فى أيده نعمه من ربنا لكن هو مَش مقدرها و مَش عارف قيمتها لكن لما تزول او تضيع يبدأ يحس بقيمتها و يندم عليها
نظرت له داده عليه فى حيره فقد كانت كلماته و حديثه لها ينطق بالصدق و الندم وقد همت ان تخبره ان عشق معها لم تترك أحضانها و لكنها تذكرت حديث طفلتها عنه و عن خداعه لها فآثرت الصمت و التروى حتى تلتقى بها و تخبرها عنه فهى فى النهايه حياتها و هى لا تريد ان تفسدها لها مره اخرى لترد عليه و هى تنهض لتنهى الحديث فيما بينهم
- ربنا يعلم انا قلبى ملهوف عليها اد ايه بس تعرف انت لو بتحبها الحب دا كله هتعرف ان شاء الله تلاقيها
- يا رب يا داده يسمع من بقك ربنا
- هو حضرتك هتفضل هنا ولا هتمشى انا اسفه بس عشان اعمل حسابى
- لا مَش هامشى يا داده الا لما الاقىً عشق ان شاء الله انا كنت مخنوق ومش قادر انام معرفتش انام الا امبارح و فى اودتها و على سريرها
- ربنا يريح قلبك يا ابنى انا كنت بس عايزه استأذن حضرتك انى أفضل هنا طول النهار وأروح بالليل
- ليه يا داده ما انتى طول عمرك معانا هنا ايه اللى اتغير
- ابدا يا بنى عشان تبقى براحتك و ابقىً براحتى انا هاروح ابات فى بيتى لحد ما الست عشق ترجع انا باستريح كده
خلاص يا داده اعملى اللى تحبيه
- تسلم يا بنى ربنا يقدم ليكم اللى فيه الخير و خرجت لتغلق عليه باب الحجره تاركه إياه فى ذكريات عشقه الذى لا ينتهى .
فى نفس الوقت كانت عشق قد شعرت بالتعب فجلست لترتاح قليلا لتدخل عليها اشجان احدى العاملات معها فى المشغل
- الجميل ازيه النهارده
- الحمد لله ازيك انتى يا اشجان اخبارك ايه الحمد لله
لتجلس أمامها و هى تفتعل المرح و ان كان يبدو عليها الهم و الحزن
- الحمد لله على كل حال انتى كويسه ازى صحتك و صحه ولى العهد
- انا كويسه ظهرى تاعبنى شويه بس الحمد لله لتنظر لها و ترى ما يبدو عليها من الهم
- مالك يا اشجان فيكى ايه
لترد اشجان فى انكسار
- ولا حاجه تسلمى
-ابنك اخباره ايه صحته ازيها الوقت
- والله يا ست عشق زى ما هو مفيش تحسن و كل ما اسأل الدكتور يقولى التحسن بطىء الادويه و العلاج غالى قوى مبقتش ملاحقه وانتى عارفه البير و غطاه هو احنا بناخد هنا اد ايه يعنى عشان ادفع منه كل ده دا غير مصاريف أخواته .
- معلش يا اشجان ربنا هيفرجها
لتمتلًىء عين اشجان بالدموع و هى ترد
- و نعم بالله بس انا تعبت انتى عارفه امبارح مكنش معايا حق الدوا فلوسى خلصت و لولا جارتى الله يسترها اتصرفت مكنتش عارفه هاعمل ايه
- خدى يا اشجان
- ايه ده يا ست عشق
- بصى انتى شايفه ظروفى و انا مَش قادره اجى أزور ابنك ولا اعمل الواجب معلش انتى تسامحيني و تجيبى له حاجه حلوه و تقوليلوا دى من عشق
- لا يا ست عشق انا مَش باحكيلك عشان تدينى فلوس انا عارفه ظروفك انتى كمان بس و الله انا كنت مخنوقه و عايزه حد أفضفض بس معاه .
- و انا موجوده هنا يا ستى مَش هاروح فى حته فى اى وقت تحت امرك
- بس انتى ذنبك ايه معايا اكيد انتى محتاجه الفلوس دى انتى وراكى مصاريف ولاد ه و حاجات كثير
- مستوره و الحمد لله وبعدين هو انا كنت اشتكيت لك
لتقوم اشجان و تحتضنها قائله
- ربنا ما يحرمنى منك
- ولا منك يا حبيبتى ربنا يديم المعروف
- يالا بينا بقى عشان منتاخرش على الشغل لحسن ورآنا شغل كثير
- انتى تعبانه عشان خاطرى خلينى اشتغل بدالك النهارده
- لا انا كويسه الحمد لله
- عشان خاطرى انا متكسفنيش خلينى احس انى عملت حاجه عشانك
- خلاص يا اشجان زى ما تحبى انا مَش هازعلك شكرًا ليكى
انتهى يوم العمل لتسير عشق ببطء عائده الى بيتها دخلت الى المنزل لتجد داده عليه فى المطبخ تعد الطعام
- عشق حمد الله على السلامه انتى اتاخرتى ليه النهارده
- معلش يا داده كان عندنا طلبيه ولازم تتسلم النهارده و عشان كده كلنا اتاخرنا فى الشغل
- طَيب يا بنتى بس انتى عارفه انك لازم متتعبيش نفسك اوى كده خشى غيرى هدومك على بال ما احضر العشا
- حاضر يا داده
أعدت داده عليه العشاء ووضعته على صينيه كبيره خرجت به الى الصاله لتنادى
- عشق انتى يا بنتى انتى فين كل ده بتغيرى هدومك لتدخل الى الحجره لتجدها قد استغرقت فى النوم .
- يا حبيبتى يا بنتى اد كده انتى تعبانه بس دائماً تعندى و بتقاوحى
تركتها و خرجت من الحجره لتجلس وحدها تفكر فى الحديث الذى دار بينها و بين عمر فى الصباح لقد كانت تنوى ان تخبر عشق بكل ما دار بينهم و لكنها تخشى رده فعلها و ما سوف تفعل انها تخشى عليها و على صحتها عليها ان تفكر و تتروى قليلا قبل أخبارها انه يبحث عنها لتنتظر فتره حتى تتاكد ما الذى يريده منها بالضبط .
مضت عده ايام اخرى كان عمر يبحث فيها عنها طوال اليوم دون انقطاع ثم يعود الى غرفتها ليبقى فيها طوال الليل يناجى صورتها و يقلب صفحات مفكرتها ليتأمل ورودها الذابله فوق حروف الكلمات التى خطتها حبيبته بالالم و الدموع حتى كان ذات صباح و هو جالس فى حجره المكتب غارقا فى شروده لتدخل عليه داده فاطمه قائله
- عمر بيه الحاج سعيد عايز يقابلك بيقول الموضوع مهم و ضرورى
- طيب يا داده و اعمليلى قهوه لو سمحت
- دى ثالث قهوه يا بنى
- معلش يا داده عشان خاطرى
- حاضر
خرجت ليدخل سعيد الى الغرفه
- صباح الخير يا عمر بيه
- صباح الخير اتفضل
- انا أسف انى أزعجت حضرتك بس الموضوع ميحتملش التأجيل
- خير يا حاج
- عمر بيه حضرتك عارف انى مع المرحوم من زمان و هو كان زى اخويا بالضبط و انا باعتبر نفسى واحد منكم مَش غريب
- طبعا يا حاج من غير ما تقول
- انت زى ابنى و عشان كده انا جيت انا عارف انك مشغول و ان فيه مشاكل بس يابنى دا مَش معناه انك تسيب المصنع و الشركات كده الشغل بيتآخر يوم عن يوم و علينا طلبيات لا و تتسلم و محدش مهتم انت عارف دا معناه ايه معناه ان شقى عمر مراد بيه هيضيع حقه و حق بنته و سنين عمره هاتروح على الارض لازم يا بنى ترجع الشركه و تشوف الشغل لو مَش عشانك و عشان عشق عشان الراجل اللى مات و هو مامنك على ماله و بنته لا م تكون اد الامانه .
- تفتكر يا حاج انى أدها او صونتها
- بص يا بنى ان مقدرش احكم عليك بس اللى انا متاكد منه ان مراد بيه لو مكنش بيحبك و يثق فيك مكنش اداك اغلىً حاجه فى حياته و انت عارف كده كويس انا هامشى دلوقت و هستناك بكره ان شاء الله
خرج ليتركهً وحده ليمسك بصوره عشقهً و ينظر اليها
- انا عارف انى غلطان يا حبيبتى وًمصنتش الامانه بس أوعدك كل حاجه هترجع وعد منى يا عشق انك لما ترجعى ان شاء الله هتلاقى كل حاجه زى الاول و احسن .
