انا لوحدي ..

البارت الاول

💖 الجبوريه 💖
#انا_لوحدي
بهذيج الغرفه العاديه كاعده البنيه و البيبيه ... البنيه الي تحملت عذاب و هي تسع سنوات لا ام لا اب مع انهم على قيد الحياة و البيبيه الي وصل بيها الدهر وحدها تعيش

لا ولد لا بنيه ...

.. تعالي بيبي مدامج رتاحيتي و سبحتي انشفلج شعرج و اضفره الج .. و اسولفلج كلشي حتى تستوعبين ليش صار هيج

.. علوا بيبي

.. هاي كبل جنه احنه عايله مترابطه كلمن ماخذ ولف و ما بيوم جت غريبه و دخلت جنه لبيوتنا و جان يا بنيتي ابوج هاوي وحده بغداديه مفرعه لا من ثوبا لا منه ولا بينا

السلف كلها تحجه عليه على هاوي و يحب بس جدج يحبه و يكول تربيتي ميسوي هيج و بيوم اجه لجدج
.

ازل: يابه انه ارد اتزوج....

الاب: ابشر بوويه لخطبلك بنيه السلف كلها تحجي عنهه وتحمد بيهه بس اشر و انه اذا سئلتني يابني رايدلك ازهار لنها خوش بنيه تربيتنا بعد ابوك

ازل: لا ياب شكاعد تحجي و لو اخالفك بالراي لاجن انه هاوي وحده و رايدهه و انه اعرفنهه زين.....

الاب:صدج التكوله انت ولك لعبالك نطيتك مجال كملت كلامك تاخذ بت عمك و رجلك فوك راسك هي هي هاوي فوكاه يا عيبه العيبه

ازل:شنووو يابه هي وليه ماني متزوج غيرها و ا....

الاب وهو يقاطعه : لا مو بكيفك الخميس خطبتك لازهار ان رضيت لو لا

ازل: اشتحجي يا بويه انه موش متزوج و خليني هاه مااتزوج غيرها

الاب:اختار ياازل اما اني و تزوج بت عمك او البغداديه و اتبره منك

جان شي صعب عله ابوج هذا الشي يا بنيتي و جان لازم يختار امج حته يرضي ابو و يفيد اخرته
بس بمجان ثاني جانت امج مقابله بزواجها عبنها

هاويه ابن خالهه و من جدج ابو امج سامع مجنزهه و لاعب خلقه بيهه و هم هي الثانيه انجبرت و اتزوجو يا بيبي بجبر من الطرفين
ابوج بعد الزواج اتقبل ازهار بس هي الله يهديهه جانت متسمع كلام و دام تعيره ع جبروني بيك و تطلب الطلاك ابوج ماصدك كالت تطلكني و راح لجدج

جدج الله يرحمه مقبل ... و رايح كايل لاخو الي هو ابو ازهار امج ... و هو سامع رايح مجنزهه ببيتهه ... ياما ياما عانينه منها هي و امهه ... من سمعنه بيهه حامل بيج كلنه هاهي عقلو فضت راح تصير فرخه

و ابوج جان فرحان سوده عليه ... بس ازهار حاولت تنزلج ... و تخبل عليهه و صارت مشاكل يابو مشاكل ...بس جيتي انتي ابوج هددها و بقت ...

و كليوم عركه و طاخ و انت وانتي... جدج يسمع و يعبر يسمع و يعبر ... لجن من القهر عله عمج الي توفه بهاي الفتره توجع و مات والله يرحمه عله كلشي ماكول غير شي