انا لوحدي ..

البارت الثاني

💖 الجبوريه 💖

مشت حياتي طبيعيه و حلوه ويه بيبيتي بس يبقه افتقادي لاهلي كلش يعذبني و يؤلمني مرات احس بيه نقص فلهذا عافوني

كل هذا ولد عندي عدم ثقه و ارتباك خوف ماعندي شخصيه على اقل حاجه دمعتي توكع على اقل حاجه اخاف

........... ........... ........... .......... ...........

طبعا اني وصلت سادس ابتدائي و بيوم من ايام الي وره نص السنه جنت مداومه و رجعت ويه صديقتي زينب اكثر صديقه الي

قريبه و احبهه وتحبني وصلنه يم بيتها توادعنا و مشيت لبيتنا مو هواي بعيد عن بيت زينب بعد خمس بيوت تقريبا
وصلت قريب من بيتنا لمحت هوسه و جهال بالباب و بالعاده محد بيت جدي بس اني و بيبي

خفت كلش خاف صار شي لبيبي و طكيتهه ركضه للبيت مسئلت شكاعد يصير او التفت فتت اركض للصاله ادور بيبي خفت كلش ليروح صارلهه شي

شلون اعيش شلون اكدر بلاها فتت للصاله ركض شفتهه كاعده و مبتسمه اني رحت حضنتهه و دموعي نزلت وحاضنتهه بكل قوتي

كانو بحضنتي راح امنعها من انو تروح مني طول العمر

احجي و اني حاضنه بيبي و ابجي بيبي لتعوفيني مالي احد بدونج لا تروحين مااكدر بلايج حبابه

بيبي:شبيج يمه شجارلج يمه اسم الله دكعدي يا بنيتي و احجيلي
كعدت يمهه واني اشوف انضار الكل متوجهه عليه و بنضراتهم اسئله و عدم فهم منو اني و شنو شديصير

حجه رجال و كال يمه مني هاي
جاوبت بيبي بارتباك هاي ودق بت ازل
جاوب الرجال الثاني بعصبيه و صياح شلووون شلووون يمج مبقيتهه سامحتي الازل لييييش

بيبي:بلا كلام ماله معنى هو ذبهه بباب البيت وكعدت تحجيله

ودق بصوت خافت وناصي : بيبي منو هذوله الي هنا

ابتسم الرجال بعفويه و حجى نه عمج اسعد بويه ناسيتنه يلحلوا و هذا الي يمي عمج انصر كتلهم اسفه صارلي هواي مشايفتكم

رحت اسلم عليهم ردت ابوس ايديهم بس مقبلو باسوني من راسي وصرت بنصهم ضليت اباوع مريتين كاعدات استحي اسئل من مرت هذا و منو مرت هذا

عمو اسعد: اي يابه صايره مريه تخبلين شهل طول شهل خدود يبيييي ابتسمت اله

عمو انصر: ام ادريس امشينا ماضل وكت هسه دريس يرجع من المدرسه اعذرينه يمه كامو تسالمو  و طلعو عرفت هاي مرته

و بقت مرت عمو اسعد .. جان اكو ولد بعيد كاعد و داير ميدورة اخوانه يسولفون بيبي كالت روحي وياهم

جنت اضن الولد عمره هيج ١٧ لو ١٨ يعني كبير والي يمه الولد بحدود ١٦ و البنات صغيرات مبينات بكدي يمكن

رحت يمهم كعدت .....

ودق : هلاو مااعرفكم شسمكم

احمد:هلا هلا بيج استريحي اسمنه عائله سعودي
عمو اسعد : ولك شنو سعودي لاعب وياك دعبل انه